رسميا اول تجربة للميني vtec امبارح في شارع الهرم

[belladona]

اخيرا جربت العربية الميني بعد تعديل شاااق جداااا فعلا التعديل صعب قوووي بس العربية روووووعة في التسارع فعلا اتصدمت وانا بشوف العداد بيروح على 140 بسرعة رهيبة كمان لقيت اطارات 175 50 13 وركبتها ماركة نانكانج جبتها من التوكيل ناسيتا بس عموما العربية لسة بدون وش امامي فاضل التكييف وتقفيل الوش الامامي وكدا اصبحت املك ميني vtec اخيرا

[M.Ayman]

الف مبروك ياباشا و ياريت تفاصيل عن التعديل من الاول و صور و يارييييت بقى فيديو لتسارع العربيه

[belladona]

بص حضترك الصور الموجودة قليلة جدا وانا عارف اني مقصر جدا والتسارع هصورو باذن الله وباذن الله اول مقايلة تتعبمل في الهوندا هاكون حاضر فيها لازم عشان تشوفوا وتتفرجو بس في حاجة مستغربلها ان متور الميني الي 1000 سي سي وزنه اتقل من متور الهوندا الي 1600 تقريبا عشان دا زهر والتاني الومونيوم لما سقطته لقيت العربية عليت اكتر من اليمتور الميني كان منزل العربية طبعا عدلت ترمبة البنزين عدلت فرامل ورا بقت سكاكين تبع جولف ركبت ضفيرة هوندا كاملة من الالف للياء بالقطمة بالكونتاكت بكله وبعلب الفيزات عندي علبتين فيوزات طبعا لمبة تشيك انجن شغالة مش عارف ليه صراحة بس انا الي عاجبني قوي التسارع حسيت اني راكب حاجة بتطير فعلا والمتور الحمد لله لا بيدخن ولا حاجة يعني مش محتاج شنبر هو متور d16y8 اشتريت نص كامل هوندا وفرغت كل حاجة في الميني ههههههه بس صراحة الغيار الاول مينفعش لان العربية بتفرج فرك السنين فبسوق على الغيار التاني دعواتك اكمل تقفيل على خييير

[alaamousa]

ياريت صوووور

[belladona]

بكرة باذن الله هنزل صورة ليها وهيا بدون وش وبعض الصور واحنا شغالين فييها باذن الله بس نفسي في حد يخدني في حوار المرور اولا العربية ملهاش مواتير شركة روفر مفلسة من زمان يعني الفمروض العربية تترخص افيدووووووووني لو العربية مترخصتش هركنها ومش هسوقها هخليها كدا

[windofchange]

ماشاء الله حاجة جميله اووي يا بيلادونا ربنا يبارك لك فيها وييسر المرور وتمر منه علي خير )

[totti78ali]

الف مبروك و ربنا يديك خيرها و يكفيك شرها

[kar!m]

في انتظار صور العربية

[abo-berry]

مبروك يا باشا التعديل .
سؤال بقي هو النص ده موديل 92 ولا 97 ولو 92 بقيت النص لسه موجود عندك ( رفارف _ كبوت _ اكصدام ) وايه اللي لسه باقي عندك تاني من النص

[belladona]

والله مفيش لا رفارف ولا اي حاجة لانها كانت متخطبة فبعناها خردة الي موجود دلوقتي عند الميكانيكي لو عايز حاجة ممكن اساله النص كان موديل 97

[belladona]

الله يبارك فيك يارب عدي موضوع المرور على خير ولو في حد عنده افادة ياريت يقلهلنا

[abo-berry]

تسلم . بس هي لو 97 مش هاينفع للأسف عشان أنا 92

[belladona]

هو حضرتك محتاج اييه طيب

[osama.m]

ربنا يباركلك فيها ويكفيك شرها
ان شاء الله تكمل التقفيل على خير وابقى قولنا وصلت لاية اول بأول

[abo-berry]

صاج ولو التابلوه موجود هاخد منه شوية حاجات. بس أنت بتقول انها 97 وأنا 92