ايه اللى يخلينى أركب هوندا؟؟؟

[Karim Ibiza]

السلام عليكم ياجماعة قسم الهوندا ورمضان كريم

انا عارف ان عنوان الموضوع ممكن يتفهم بكذا طريقة, بس اكيد انا قصدى طريقة واحدة بس, وهى انى عايز اعرف مميزات العربية دى (أقصد السيفيك طبعا) والفرق بينها وبين عربيتى (سيات ابيزا) من عدة نواحى زى الاعتمادية - اسعار قطع الغيار ومدى واماكن توافرها وعمرها الافتراضى - سهولة صيانتها واخيرا عيوبها

انا من عشاق السيفيك بس عندى بعض الافكار المسيطرة عليا زى ان اليابانى قطع غياره نار ومش متوفرة وان اليابانى واطى جدا ومع الاحمال بيحك فى المطبات وساعات كمان من غير احمال, وان دايما العربيات اليابانى مش بترجع تانى زى الفبريكة لما تيجى تعملها عمرة سمكرة وده بسبب ان تفاصيل صاجها دقيقة جدا وده بيخلى السمكرى يبقى صعب عليه انه يضبط الفروقات والسوك مع بعضها ودايما تحس ان بعد السمكرة بتلاقى الصاج مموج ومش مفرود وعشان كده يتصح فيها بعدم سمكرة الخبطات وانك تشترى الجزء المخبوط استعمال احسن, وكمان فقر الصالون من ناحية الخامات المستخدمة فى الطابلوه والفرش مقارنة بالالمانى.

فى النهاية بشكركم على سعة صدركم لموضوعى واتمنى ان تقبلونى صديق جديد فى القسم

وشكرا

[Android]

متابع باهتمام جداااا

[dieseldash]

اولا مرحبك بيك فى عرين الهنداويه :-)


بالنسبه لقطع الغيار احنا عندنا كذا اختيار و كله متوافر:
-هوندا الاصلى و ده الافضل
-اليابانى
-التيوانى
-الاستيراد
و انت و امكانياتك ساعتها، يالنسبه لوطى العربيه فده انا شايفه انه ميزه اكتر من انه عيب لانك بتطير بالعربيه وبتاخد ملفات من غير ذره قلق بالذات لو مجنط.
السمكره و الدوكو لو الصنايعى شاطر هيخلى العربيه زيرو.
نصيحه لازم اللى هيشتغل فى العربيه يكون صنايعى هوندا لان مش اى حد هيعرف فيها حتى فى الموديلات القديمه.

[abo-berry]

طبعا كلام ديزل مضبوط بس أحب أضيف حاجة كمان ان قطع الغيار معمره جداااااااا بدليل ان في هوندات موديلات التسعينات فيها اجزاء اللي نزله بيها من المصنع يعني من الآخر قطعة الغيار اللي هاتجبها هاتحطها وتنساها.
بالنسبة ان العربيه واطيه مطبات بلدك ماتعتبرش مطبات دي جبال وعلي فكره في عربيات كتير بتحك لما تكون محملة زي اللانوس والفيرنا

[SAMEH_FOUAD]

السلام عليكم ياجماعة قسم الهوندا ورمضان كريم

انا عارف ان عنوان الموضوع ممكن يتفهم بكذا طريقة, بس اكيد انا قصدى طريقة واحدة بس, وهى انى عايز اعرف مميزات العربية دى (أقصد السيفيك طبعا) والفرق بينها وبين عربيتى (سيات ابيزا) من عدة نواحى زى الاعتمادية - اسعار قطع الغيار ومدى واماكن توافرها وعمرها الافتراضى - سهولة صيانتها واخيرا عيوبها

انا من عشاق السيفيك بس عندى بعض الافكار المسيطرة عليا زى ان اليابانى قطع غياره نار ومش متوفرة وان اليابانى واطى جدا ومع الاحمال بيحك فى المطبات وساعات كمان من غير احمال, وان دايما العربيات اليابانى مش بترجع تانى زى الفبريكة لما تيجى تعملها عمرة سمكرة وده بسبب ان تفاصيل صاجها دقيقة جدا وده بيخلى السمكرى يبقى صعب عليه انه يضبط الفروقات والسوك مع بعضها ودايما تحس ان بعد السمكرة بتلاقى الصاج مموج ومش مفرود وعشان كده يتصح فيها بعدم سمكرة الخبطات وانك تشترى الجزء المخبوط استعمال احسن, وكمان فقر الصالون من ناحية الخامات المستخدمة فى الطابلوه والفرش مقارنة بالالمانى.

فى النهاية بشكركم على سعة صدركم لموضوعى واتمنى ان تقبلونى صديق جديد فى القسم

وشكرا

اولا اللى بيقول قطع غيار اليابانى غالية فهو عندة حق والهوندا والسوبارو خصوصا , مافيش كلام
بس اللى يقول بقى الكلام دة يبقى يكمل بقية الجملة وتكملتها ( بتركبها وتنساها ) يعنى حلو اوى لما تلاقى حاجة قدامك ب10 جنية وفية حاجة ب80 جنية سعر تركيب الاتنين 70 جنية , طيب اللى ب10 جنية ماكملتش معاك السنة وباظت , اما اللى ب80 جنية شغالة وبكامل طاقتها ولسة بدرى عليها فلو جيت حضرتك وركبت تانى اللى ب10 جنية كدة بقت تكلفتك 160 جنية فى سنة فى مقابل انك لسة مغيرتش الجزء الاول اللى اتكلف تركيبة 150 جنية بس ( ياريت يكون المثال وصل )
الهوندا حاجاتها كدة بالظبط بتركبها وبتقعد بالعشر سنين قدام ويمكن اكتر , والدليل على كدة كل الهوندات اللى ماشية فى الشارع فيها حاجات كتيييييييييير جدا ماتغيرتش من سنة 1993 انت متخيل , دة بالنسبة لقطع الغيار

- بالنسبة بقى للصاج معلش هو انت اصلا لو وديت اى عربية مخبوطة فى السوك اى كان نوعها حد هيعرف يرجعها تانى ( اكيد لأ ) دة الطبيعى فى كل العربيات مش اليابانى بس

- بالنسبة لتوافر قطع الغيار قولى انت ساكن فين او اقرب مكان ليك فين واقولك تروح تجيبها من عند مين ومين اللى تصلح عندة كمااااااااان ومتخصص فى الهوندا بس احنا لما بنقول حرفيين عشان هناك بيبقى الاشطر والانظف والارخص

- معلش ياباشا مع احترامى ماينفعش تقارن سيات ابيزا بالسيفيك لان الفئتين مختلفين تماما فى كل حاجة فالمقارنة غير صحيحة , وطبعا الاعتمادية وتوافر ورخص قطع الغيار لصالح الهوندا بكل تأكيد وبفرق كمااااااان

- اليابانى واطى ماشى واطى بس قدام اية مطب معمول اصلا غلط هو دة الوحيد اللى هيحك فية , لكن غير كدة انسى , مانا ماشاء الله اصحابى بيملوا العربية كلها 6 افراد فى العربية والحمد لله مش بتحك فى ولا مطب غير بعض المطبات المعمولة خطأ واى عربية هتحك فيها دة عيب شوارع مش عيب عربية , واللى عايز عربية ماتحكش فى المطبات يركب jeep مايركبش سيدان

- موضوع عمرة المحرك شوف هو بيبقى مسألة صعبة شوية ولازم واحد فاهم بس عادى بينجح مافيش اى مشاكل خالص بس التكلفة بتبقى عالية شوية
الفنى هو اللى هيقدر يظبطلك عربيتك او لأ

فقر الصالون فى اية : العربية كلها جلد + اوبشن كتير تقريبا فيها كل حاجة انت عايزها عايز اية تانى

[ahmedeihab]

السلام عليكم ياجماعة قسم الهوندا ورمضان كريم

انا عارف ان عنوان الموضوع ممكن يتفهم بكذا طريقة, بس اكيد انا قصدى طريقة واحدة بس, وهى انى عايز اعرف مميزات العربية دى (أقصد السيفيك طبعا) والفرق بينها وبين عربيتى (سيات ابيزا) من عدة نواحى زى الاعتمادية - اسعار قطع الغيار ومدى واماكن توافرها وعمرها الافتراضى - سهولة صيانتها واخيرا عيوبها

انا من عشاق السيفيك بس عندى بعض الافكار المسيطرة عليا زى ان اليابانى قطع غياره نار ومش متوفرة وان اليابانى واطى جدا ومع الاحمال بيحك فى المطبات وساعات كمان من غير احمال, وان دايما العربيات اليابانى مش بترجع تانى زى الفبريكة لما تيجى تعملها عمرة سمكرة وده بسبب ان تفاصيل صاجها دقيقة جدا وده بيخلى السمكرى يبقى صعب عليه انه يضبط الفروقات والسوك مع بعضها ودايما تحس ان بعد السمكرة بتلاقى الصاج مموج ومش مفرود وعشان كده يتصح فيها بعدم سمكرة الخبطات وانك تشترى الجزء المخبوط استعمال احسن, وكمان فقر الصالون من ناحية الخامات المستخدمة فى الطابلوه والفرش مقارنة بالالمانى.

فى النهاية بشكركم على سعة صدركم لموضوعى واتمنى ان تقبلونى صديق جديد فى القسم

وشكرا

و عليكم السلام

يا باشا السيفيك حاجه و الابيزا حاجه تانيه

و اسعار قطع الغيار بتاعتكوا فى الابيزا غاليه مش رخيصه بجد انا زمايلى كتير معاهم العربيه دى و عايزين يبيعوها و يركبوا هوندا

نظرا لتقارب اسعار قطع الغيار

اسعار قطع الغيار عندك كذا اختيار طبعا زى ما الاخوه وضحولك

حاجه تانيه

يعنى ايه سمكرى مش هيعرف يظبط العربيه

يا باشا معظم عربيات الهوندا اللى مشدوده فى مصر مشدوده بدون ما يغير الكلام اللى انت بتقول فيه ده

يعنى عايز تقنعنى ان الهوندا فيها بومبيه اكتر من النوبيرا طبعا استحاله

يا باشا الرك على السمكرى ولو حتى الباب ده مدعوك

المهم يا باشا انت لو معاك حد صاحبك معاه هوندا اركبها منه

و خليه هو يركب الابيزا و شوف هو هيقول ايه و انت هتقول ايه

صدقنى الهوندا دى حاجه فوق الوصف

و معلومه ليك مش بتحب الاهمال ولا ان حد يبخل عليها

و ان شاء الله تبقى عضو معانا

تحياتى

^_^

[eng.ghost]

مش هقول غير الهوندا هوندا