اتخبط و الحمد لله " قدر الله وماشاء فعل "

[dieseldash]

[
الباشا سواق المقطوره بيقولى مشوفتكش يا بيه، كان هيركب عليا و كل ده مش حاسس. لا و الجميل ان امين الشرطه بيقولى مش هنعرف نعملك حاجه و كبيرك محضر و شكرا.
حسبيا الله و نعم الوكيل

IMG]http://s7.postimage.org/nie4ia60r/20120801_103757.jpg[/IMG]

[Eng.Geo]

فداك يا باشا

[Ahmed_selmy]

قدر الله وما شاء فعل
ربنا يعوض عليك , والحمد لله انها جت لحد كده , لحسن دول بهايم وكان ممكن يموتك وهو مش واخد باله

[old4art]

السلام عليكم ورحمة الله وبركاته
والله في يوم سواق نقل علي الدائري عند نزلة الزراعي خبطلي الاكصدام الخلفي
والرفرف والبابين والرفرف يعني خدلي الجمب الشمال كله ومسبليش في الجنب
الا المرايه الي طلعت سليمه الحمد لله والغريبه اني كنت واقف وهو حب ياخد غرزه
ومخدش باله انه خلاص هيركب علي العربيه الا لما عربيه نقل علي يميني فضل يضرب كلكسات
علشان ياخد باله وفي النهايه فضل يقسم بالله انو مشفنيش وانه معهوش ولا
تعريفه بسبب الثوره وفضل يتحايل عليه اني اسامحه وفي الاخر سامحته وقلتله
بس بالله عليك خد بالك المره ديه جت في حديد المره الي جايه ممكن تيجي في روح
بس علي فكره هو متحايلش عليه الا لما انا والي معايا كنا هتعجنه وهنكسرله العربيه
فياباشا استعوض ربنا والحمدلله بسيطه وقول حسبي الله ونعم الوكيل

[HAITHAM1985]

بهااااااااااااااااايم راكبة ديناصورات فى زمن قلة الأدب وإنعدام الضميييييييييييير

فى الدول المحترمة مش أى حد بيركب الديناصورات دى ........ لازم يكون سوااااااااااق بجد

دى أرواح ناااااااااااااس يا بشررررررررررررررر

حراااااااااام والله

أنا مهااااااااااااااااجر وأسيبها تضرب تقلب

قلبى معااااااااااااااااك والحمد لله إنك سلييييييييييم

[S O P H O S]

قدر الله وما شاء فعل
ربنا يعوضك خير يارب ..

[akmm]

الف الف سلامه والحمد لله انها جت على اد كده .....

[horas3000]

قدر الله وما شاء فعل
و ربنا يعوض عليك
حصلي موقف زي دي بالظبط قبل كده و القايم الوراني راح

و النقل هنا في مصر لازم يتم تعديله و تبقي الكابينة هي اللي تحت و المتور فوقها
عشان التيييييت اللي سايقين يشوفوا اللي حواليهم
و لما يتنيلوا يعملوا حوادث يروحوا فيها و نستريح منهم

[Karim Ibiza]

بسيطة الحمد لله

[Hamdy Masria]

الحمدلله انك سليم
احمدربنا انها جت فى الصاج

[hany63]

قضى اخف من قضى سلامتك بالدنيا

[MohammedAladel]

قدر الله وماشاء فعل إعمل محضر وبلغ فيه وسيبك من كلام أمين الشرطة بل إعمل محضر فى أمين الشرطة دا وقول إنه قالك ملوش لازمة المحضر

[waelfarid]

حمدا لله علي سلامتك وقدر ولطف

[dieseldash]

قدر الله وماشاء فعل إعمل محضر وبلغ فيه وسيبك من كلام أمين الشرطة بل إعمل محضر فى أمين الشرطة دا وقول إنه قالك ملوش لازمة المحضر

المشكله ان دى اول مره يحصلى كده فا مكنتش عارف اتصرف ازاى و لا اكلم ميين، و المحضر ده كان هيتعمل مكانى و لا حنروح قسم و انا كان عندي شغل فا مش طلبه عطله ادام مش هوصل لحاجه. انا اللى مجننى دلوقتى انى لما اخدت الرخص و رايح للعربيه كنت ناوى اجيب كلبش الدريكسيون و اكسرله فوانيس المقطوره كلها مش عارف ايه اللى حصل خلانى ادور العربيه و امشى!!!!

[khalid_adel]

الحمد لله انها جت على قد كده
انا مره والدنيا واقفه تماما وزحمه قبل الفطار فعربيه كسرت عليا ووقفت عادي لقيت نقل ورا على الشمال تقريبا افتكر الطريق فتح وكنت ساعتها راكب السوبارو
شالي فانوس واكصدام ورفرف وباب خلفي وطبعا خلاني اخبط فاللي قدامي اللي هو اصلا كسر عليا ووقفني
اللي كسر عليا ده نزل مضايق اوي وبيقولي مش عارف اقولك ايه خد بالك وربنا يسامحك طبعا انا في ايه ولا في ايه ولا كأني سمعته عشان لو ركزت معاه حقتل اتنين بدل من واحد بس
وطبعا سواق النقل عمل فيها بيشحت وبيجري على يتامه والاسطواني الحمضانه دي وانا في الاخر اللي فضلت ابكي ظلموه لحد مالتوكيل بعت من اليابان عشان يجيبلي ام الرفرف ده اللي واصل لحد القايم ده (حجمه كبير اوي) قعدت حوالي شهر على ماوصل مصر :) وشفت الكونتينر وهو بينزل التوكيل واستلمته بنفسي وهو نازل من العربيه النقل :)