إعـــــــلان

Collapse

.

,
See more
See less

سؤال بخصوص نظام ال ivtec

Collapse
X
Collapse
 
  • Page of 2
  • Filter
  • الوقت
  • Show
Clear All
new posts
السابق 1 2 template التالي
  • #1

    سؤال بخصوص نظام ال ivtec

    مساء الخير ياجماعه و انشاء الله تكونوا بخير وسلام
    كنت عايز اللينك اللي بيوضح النظام بيفتح على كام لفه عشان كان سمسم قال انه بيفتح على 4200 في الجيل التامن و انا حاسس انه بيفتح اقل من كده
    و ياريت بالمره اللينك بتاع tourqe-horse power diagrame الخاص بالموتور ال 1600 بتاع الجيل التامن
    وشكرا
    الكلمات الدلالية (Tags): ivtec, ال, بخصوص, سؤال, نظام
  • #2
    ايه يا جماعه هو السؤال من بره المقرر ولا ايه؟
    انا شايفه في مستوى الهونداوي المتوسط

    Comment

    • #3
      انا لو ليا فى الجيل التامن كنت افدتك

      لكن انا معلوماتى على قدى فيها شويه

      بلنسبه للفى تك ده الرقم الصح لانه مستحيل هيكون بيفتح اقل من كده

      بلنسبه للينك بتاعه مش فاكر بس سامح اللى هيجيبهولك

      التورك المظبوط بردو سامح اللى هيجيبه

      تحياتى

      ^_^
      ahmed eihab[FONT="Impact"][I][B][/B][/I][/FONT]
      Honda The Power Of Dream
      ^_^

      Comment

      • #4
        المشاركة الأصلية كتبت بواسطة ahmedeihab مشاهدة المشاركة
        انا لو ليا فى الجيل التامن كنت افدتك

        لكن انا معلوماتى على قدى فيها شويه

        بلنسبه للفى تك ده الرقم الصح لانه مستحيل هيكون بيفتح اقل من كده

        بلنسبه للينك بتاعه مش فاكر بس سامح اللى هيجيبهولك

        التورك المظبوط بردو سامح اللى هيجيبه

        تحياتى

        ^_^
        ياباشا شكرا على اهتمامك

        Comment

        • #5
          4500 rpm

          i-VTEC Sohc Technology - YouTube


          How VTEC works - YouTube
          [shfaf2]http://i664.photobucket.com/albums/vv5/Doush_CSF/Pics%20for%20forums/Peugeot-508_2011_1600x1200_wallpaper_13-Copy.jpg[/shfaf2]

          Comment

          • #6
            استاذ هانى

            هو بيفتح على 4200 لفة ياباشا

            وانا هحاول اجيبلك الpower charts
            [CENTER][SIZE=6]SEMSEM KANE سابقا[/SIZE][/CENTER]

            [img2]http://nileup.com/up/uploads/nilemotors_13635570671.jpg[/img2]

            Comment

            • #7
              المشاركة الأصلية كتبت بواسطة semsem kane مشاهدة المشاركة
              استاذ هانى

              هو بيفتح على 4200 لفة ياباشا

              وانا هحاول اجيبلك الpower charts
              ربنا ما يحرمنا ياباشا
              معلش انت اللي عودتنا نبقى عارفين ادق التفاصيل و الفرق الجوهري في اداء مواتير الهوندا مقارنه بغيرها عموما انك لما بتقرص على اي موتور عادي بيبقى قلبك مششحتف و خايف على الموتور يفوت انما موتور الهوندا تحس ان الموتور فاق بدرجه غريبه و الار بي ام بينط و الاداء مثير جدا و كانك في حلبة سباق و بتبقى مبسوط و مبتحسش انك تعبت الموتور

              Comment

              • #8
                طبعا ياباشا عشان لما vtec بيفتح بيزيد من تدفق الزيت وبيطول مسافة ومدة فتح وغلق الصمام فكل دة بيخلى المحرك ياخد كفايتة من خليط الهواء والبنزين وكمان بيخرج الانبعاثات بتاعتة بكل سهولة

                فطبيعى لازم المحرك يبقى مرتاح على السرعات العالية

                محركات الهوندا ياباشا لا يعلى عليها بجد فى كل حاجة , لانها من اقوى المحركات فى العالم

                [CENTER][SIZE=6]SEMSEM KANE سابقا[/SIZE][/CENTER]

                [img2]http://nileup.com/up/uploads/nilemotors_13635570671.jpg[/img2]

                Comment

                • #9
                  هو غالبا هيبقى من المستحيل تلاقيلها power charts عشان احنا من ضمن أعظم دولتين تلاتة في العالم بيجيلهم ال 1.6 في حين كل الدول المتخلفة زي أمريكا بياخدوا ال 1.8 و عشان كده حتى الفيديو اللي أنا حطيته هتلاقيه بيتكلم على 1.8 و مجابش سيرة ال 1.6 ده اطلاقا.
                  سنغافورة هي احدي هذه الدول العظيمة بس هم عندهم 1.6 و 1.8 و 2.0 (حسرة علينا يا حسرة علينا) و المفاجأة إن هم ال 2007/8 عندهم من اولها كانت كاوتش 16 مش 15 و فرامل ورا ديسكات مش طنابير و سماعات ورا و قدام مش قدام بس و فوجات (حسرة علينا يا حسرة علينا)
                  في حاجة مهمة بقى, موقع سنغافورة كاتب إن العربية 151 Nm عند 4300 rpm في حين القديمة كانت نفس الرقم عند 4200, و برده ال compression ratio بقت 10.6 بدل 10.5, أنا مستغرب الصراحة.
                  طبعا اللي هيقرا ال specs بتركيز هيلاقي شوية فروقات لا بأس بها في الأبعاد مثلا و ال rear tread و أكتر فرق لفت نظري هو ال steering ratio و أن عدد لفت الدركسيون زاد نص لفة.

                  للمقارنة القديمة أهي


                  و الجديدة أهي
                  Honda Civic - A Friend for Life
                  [shfaf2]http://i664.photobucket.com/albums/vv5/Doush_CSF/Pics%20for%20forums/Peugeot-508_2011_1600x1200_wallpaper_13-Copy.jpg[/shfaf2]

                  Comment

                  • #10
                    نظريا
                    أعتقد صعب أوى الـi-VTEC يفتح قبل 4000 rpm،
                    لأن لو الـCam-Timing والـValve-Lift التوقيت والمشوار بتاع الصباب لو فتح بدرى..
                    - سحب العربية هيقل (حتى لو فيها Variable Length intake)
                    - استهلاك البنزين هيعلى والإنبعاثات هتزيد

                    Edit: معنى ان الـMax Torqe عند 4200-4300.. مستحيل الـVTEC يكون ماشتغلش قبلها بسيكا؟؟!!!

                    عمليا بقى (وأى حد ساق 8th gen هيعرف كده):
                    فيــــــــــــــه Real-Kick فـ السيفيك عند الحته دى 4000-4500 rpm، العربية بتتحول والسحب بيتغير تماما.. خصوصا عـ الـ3th والـ4th

                    المشاركة الأصلية كتبت بواسطة Unendlich مشاهدة المشاركة
                    في حاجة مهمة بقى, موقع سنغافورة كاتب إن العربية 151 Nm عند 4300 rpm في حين القديمة كانت نفس الرقم عند 4200, و برده ال compression ratio بقت 10.6 بدل 10.5, أنا مستغرب الصراحة.
                    ماهى دى فروق الـSpecs الرخمة بقى..
                    بس عادى يعنى انه يعلى الـCompression ويأخر العزم سيكا عشان يحسن الـdriveability فـ الـMid-range شوية.. فاهمنى؟؟

                    وممكن العكس صحيح فـ بلد زى مصر:
                    يقلل الـCompressin (عشان البنزين والجو)، ويقدم العزم (عشان الزحمة والـLow-End)..؟!!
                    ههههههههههههههههههه

                    طبعا اللي هيقرا ال specs بتركيز هيلاقي شوية فروقات لا بأس بها في الأبعاد مثلا و ال rear tread و أكتر فرق لفت نظري هو ال steering ratio و أن عدد لفت الدركسيون زاد نص لفة.
                    الحته دى بقى فيها كلام.. وكل شركة ليها Trend (أنا مش فاهمها أوى الصراحة)؟؟!!!

                    يعنى

                    - فيه شركات لما تـupgrade الموتور.. تقلل الـSteering-Ratio (والدركسيون Lock-to-Lock)
                    ده عشان يسرع الـSteering ويزود القدرة على المناورة فـ السرعات؟!!
                    مثال: الألفا156 العادية لفات الدركسيون 2.1 لفة، نسخة الـGTA بتبقى 1.7-1.8 لفة حاجة كده (رقم impressive )

                    - وفيه العكس تماما.. شركات لما تعلى الموتور، يزود الـSteering-Ratio ولفات الدركسيون
                    عشان الأماااااااااان وان العربية ماتبقاش استجابتها abrupt مفاجئة فـ السرعات العالية؟!!

                    هى مدارس..؟؟!!!

                    - وفيه عوامل تانى برضه زى العفشة ومقاس الجنط.. أحيانا بيضطر يغير فـ الـRack والـPinion عشان يحافظ على نفس الـRatio.

                    مثال: البرافو بالجنط الـ18" بيقولك لازم تطلبها كده من الأول، عشان فيه فرق فـ عدد لفات الـrack عن البرافو جنط 16"/17"
                    (مش فاكر لفة ترس واحد أقل ولا القطمة والإسكاترة متغيرين)؟!!

                    Rgds،
                    [CENTER][SIGPIC][/SIGPIC]

                    [/CENTER]

                    Comment

                    • #11
                      الله ينور يا فورملاتور
                      و فعلا انا لما الطريق بيبقى ماشي وعايز اعمل فيها واد روش بثبت ال d3 في رانج سرعه من ٦٠-١١٠ تلقى العربيه بتاكل الطريق و بعد كده بثبت ال d4 بالشيفت عشان لو بشد فوق ال100
                      الd في الزحمه او في الطوالي

                      Comment

                      • #12
                        انا عرفت ليه كنت بحس ان الفيتك بيفتح قبل ال 4000 لفه
                        لما شوفت المنحنى بتاع العزم فهمت ان بعد ال 3500 لفه الموتور بيكون متجه لاقصى عزم و دي المنطقه العصبيه بتاعته فبرضه السحب عالي و هوب بعدها على ال 4200 لفه الفيتك يقوم فاتح عشان العربيه تفضل تكمل تسارع بقوه على الار بي ام العالي وبيكون التسارع غريب زي ما وضح فورملاتور
                        بصراحه شغل عالي جدا

                        Comment

                        • #13
                          ال i-vtec مختلف عن ال vtec فى توقيت الفتح ، ال i-vtec بيكون عمله تدريجيا حسب الحاجة (عدد لفات الموتور)، كل ما بيزيد ال ار بى ام بتزيد عملية الفتح وده بيبدأ من اول 2500 لفة .
                          [B][FONT=Tahoma][COLOR=darkgreen][COLOR=darkgreen][FONT=Tahoma][B]يا نفس لا تقنطي من زلةٍ عظمت إن الكبائر في الغفران كاللمم [/B][/FONT][/COLOR][/COLOR][/FONT][/B][FONT=Tahoma][COLOR=darkgreen]
                          [B][COLOR=darkgreen][FONT=Tahoma][B]لعل رحمة ربي حين يقسمها تأتي على حسب العصيان في القسم [/B][/FONT][/COLOR][/B]
                          [B][B][COLOR=darkgreen][FONT=Tahoma]يارب [/FONT][/COLOR][COLOR=darkgreen][FONT=Tahoma]الطف بعبدك في الدارين إن له صبراً متى تدعه الأهوال ينهزم[/FONT][/COLOR][/B][/B]
                          [/COLOR][/FONT]

                          Comment

                          • #14
                            المشاركة الأصلية كتبت بواسطة haythamkmal مشاهدة المشاركة
                            ال i-vtec مختلف عن ال vtec فى توقيت الفتح ، ال i-vtec بيكون عمله تدريجيا حسب الحاجة (عدد لفات الموتور)، كل ما بيزيد ال ار بى ام بتزيد عملية الفتح وده بيبدأ من اول 2500 لفة .
                            الكلام شكله منطقي و مظبوط و ده اللي كنت حاسه من الاول وياريت تعليق من باقي الوحوش

                            Comment

                            • #15
                              المشاركة الأصلية كتبت بواسطة hany63 مشاهدة المشاركة
                              انا عرفت ليه كنت بحس ان الفيتك بيفتح قبل ال 4000 لفه
                              لما شوفت المنحنى بتاع العزم فهمت ان بعد ال 3500 لفه الموتور بيكون متجه لاقصى عزم و دي المنطقه العصبيه بتاعته فبرضه السحب عالي و هوب بعدها على ال 4200 لفه الفيتك يقوم فاتح عشان العربيه تفضل تكمل تسارع بقوه على الار بي ام العالي وبيكون التسارع غريب زي ما وضح فورملاتور
                              بصراحه شغل عالي جدا
                              +1111111111احنا كان معانا 2009 VTI أنا عموما مش من هواة الشد في مصر علشا ن الطرق بس مره شديت حسيت ان العربيه ركبها عفريت بعد 120 أنا طبعا كنت عارف موضوع ivtec بس بصراحه الاستجابه كانت غريبه كأن فيها تربو فعلا هوندا من العربية الي بحترمها لأن تحس فيها بمعنى كلمه engineering
                              [url]http://www.postimage.org/image.php?v=aV1QDLLA[/url]

                              Comment

                              السابق 1 2 template التالي
                              Working...
                              X