حاجه فوق الخيال ومحيره كل الميكانيكيه ياريت تساعدوني يا هونداويه

[catmoon]

معايا سيفيك 85 اوتوماتيك العربيه كانت بتجيب معايا 150 مستريح بدون اي مشاكل تذكر من حراره وثبات لحد ما حصل المتقدر واتقطع سير الكاتينه ونصف عمرة موتور كامله ومن ساعتها العربيه حرارتها بتجيب النص مستريح وده مش طبيعي اصلا ليها واجيب 120 الحراره تجيب التلت اول ما اعلي عن 120 الحراره تنط لاخر المؤشر وتوصل للنقطه الحمرا وانزل اقف الاقي الرادياتير مفهوش ولا نقطة ميه والقربه مليانه علي اخرها والخرطوم بتاع القربه بيطلع بخار كتيييير علي الرغم ان القربه بتكون لحد العلامه بس- ياتري اييييييييييه اسباب ال بيحصل ده ليه لما اعلي عن 120 بالذات وايه سبب هروب ميه الرادياتير والقربه تتملي علي اخريها كده وطبعا انا عملت كل ال تتخيلوه من كشف رادياتير وتسليك وتنضيف وتاكيهات واسبراتير

[AHMED ASSY]

نفس اللي حصل معايه لدرجة ان في مره قرصت لعند 160 لقيت الخرطوم اللي طالع من الريداتير اتقطع والريداتير فضى الميه بتاعته روحت جبت ريداتير جديد وكل حاجه ظبطط ممكن الريداتير اصلا مش شغال

[HeMa_LanCeR]

كده المياه يا بتهرب من الوش يا من الطرمبة
حاول تشوف مجري المياه حوالين الموتور

[catmoon]

للاسف الرادياتير شغال هو مش كفاءه اوي بس شغال والدليل ان العربيه بتبقي تمام لحد 120 يعني لو الرادياتير مش بيقوم بدوره كانت سخنت اصلا قبل ما توصل ل 100 او اقل كمان

[catmoon]

كده المياه يا بتهرب من الوش يا من الطرمبة
حاول تشوف مجري المياه حوالين الموتور

للاسف مفيش تهريب مايه خالص روحت لميكانيكي وقالي الوش تمام ومفيش تهريب ولو من الطرمبه كانت بانت علي الاقل جوه البلد السرعه بطيئه والحراره تمام التمام يعني لو في اي مشاكل تقليديه كانت ظهرت علي السرعات البطيئه ال هي مفترض بتسخن العربيه اكتر من الجري بيها

[HeMa_LanCeR]

العيوب اللي بقولك عليها دي بتظهر مع السرعة
لأن مع السرعة الكابس بيزيد والموتور بيكون سخن ولما المياه تتسرب بتتبخر علي طول

[kaza]

اللي بيحصل عندك دة عدم احكام جوان وش السلندر والجوان بيهرب كبس الموتور لدورة المياة وبالتالي بيزيد الضغط فيها والضغط بيطرد المياة للردرياتير وطبعا الضغط دة بيكون من ناتج الاحتراق بغرف الاحتراق وبتكون حرارتة من 550 ل600 درجة وبالتالي بيخلي حرارة العربية ترتفع جدا وبيبخر المياه من المبرد
العيب دة لية اكتر من سبب وتتلخص في اعوجاج وش السلندر وعدم استواء سطحة وبالتالي مهما ربطت مسامير الوش مش هيكون محكوم علي الجوان وهيهرب الضغط وايضا في بعض الحالات بس بيكون ناتج من ارتفاع الحرارة فوق 130 درجة لمدد طويلة البلوك بيتشوة سطحة وبيكون برضة غير مستوي وبالتالي بيتسبب في عدم احكام تثبيت الوش علية ويسرب الضغط طبعا وممكن ايضا احتراق وتحمص جوان وش السلندر نتيجة عدم وجود سائل التبريد بالمحرك وبالتالي تسرب الضغط من بعض السلندرات الي دورة المياة او دورة الزيت
كذلك بس نادرا بيحصل شرخ في وش السلندر وبرضة بيسبب هروب الضغط
الحاجات دي حلها لازم بالكشف علي ضغط السلندرات ونشوف اي سلندر بيهرب الضغط بواسطة جهازقياس كبس المحرك وبيتم توصيلة مكان فتحة البوجية وادارة المحرك بالمارش وتكرار ذلك لباقي السلندرات
او بالفك للوش واختبار استقامتة بواسطة مسطرة حديد وفيلر وتوضع المسطرة قطريا بطول الوش والبلوك ويقاس مقياس الخلوص بين سن المسطرة وجسم الوش او البلوك والذي لا يزيد في معظم الاحوال عن 0.2 من المم اما في حالة الزيادة بيتم كشط الوش او البلوك للحصول علي سطح مستوي لا يسمح بتهريب الضغط
اما حالات الشرخ للوش فبيتم بواسطة الاختبار المغناطيسي وبرادة الحديد الناعمة وبيتم خلالها مغنطة الوش كهربيا ورش البرادة علية وبالتالي الشرخ بيعمل اقطاب متنافرة تتجمع عليها البرادة وتحدد مكان الشرخ
ودة بيتعمل بواسطة بعض الخراطين المحترفيين
كذلك فية ملاحظة ان الميكانيكي الجيد بيقوم بفحص الجوان قبل نزعة من مكانة بعد فك الوش وبيحدد التسرب منين
هتسالني طيب لية مسربش مياة اوزيت او خلط هاقولك ان ضغط غازات الاحتراق بيصل الي اكتر من 110 ضغط جوي وبالتالي اكبر بكتير من ضغط دورة المياة والزيت وممكن يكون موقع عدم الاحكام في حواف الشميز وغرفة الاحتراق بمسافة تسمح بتسرب الغاز وليس المياة

[kaza]

خد بالك ان الكلام دة لازم بيصاحبة فقد في القدرة للمحركوبالتالي اهتزاز غير مالوف اثناء التسارع وعدم بلوغ السرعات السابق الوصول اليها وعموما السحب بيقل وطبعا الحرارة المرتفعة للمحرك
برضة ممكن تكون الاملاح الناتجة من استخدام المياة بديلا عن سائل التبريد وقدم عمر المحرك وبالتالي بيحدث نحر في مجاري المياة الملاصقة لغرفة الاحتراق وتوسع المجاري دي وتبداء في تهريب الضغط وممكن في الحالات الحرجة ان المياة تتسرب للشميز ونتيجة ارتفاع حرارتة من شغل غازات الاحتراق المياة بتتبخر وتزيل طبقة الزيت الثمينة واللازمة لتقليل احتكاك الشنابر بجسم الشميز وبينتج عن دة زرجنة الشنابر وتكسرها وممكن كمان كسر مجاري الشنبر بالمكابس وبالتالي الحاجة لتغيير المكابس والشنبر وفي حالات اخري بيتسبب في اعوجاج البيل ايضا وبالتالي بيبقي الموتور في حالة ضرر شديد وبيكلف جامد لاعادتة لحالتة الاولي

[SAMEH_FOUAD]

دة جوان وش سلندر لاسباب عديدة

عدم سحب المياة الموجودة فى القربة , ودة دليل ان الضغط وحش

انت عندك بداية تهريب فى جوان السلندر و ولا يمكن حد يكتشفة كدة , لازم يتعمل اختبار كبس دورة تبريد محرك

[egyseadragon]

دة جوان وش سلندر لاسباب عديدة

عدم سحب المياة الموجودة فى القربة , ودة دليل ان الضغط وحش

انت عندك بداية تهريب فى جوان السلندر و ولا يمكن حد يكتشفة كدة , لازم يتعمل اختبار كبس دورة تبريد محرك

كلام صحيح ....أنا رحت لميكانيكي قبل كدة وطلبت منو يعملي الحكاية دي بس طلع مش عارفها وحتى معندوش المعدات اللازمة لها....تعرف ميكانيكي شاطر بيعمل الحكاية دي؟

[pop_king3]

01008090209 كلمنى وانشاء الله عربيتك هترجع احسن من الاول

[catmoon]

الجوان سليم

دة جوان وش سلندر لاسباب عديدة

عدم سحب المياة الموجودة فى القربة , ودة دليل ان الضغط وحش

انت عندك بداية تهريب فى جوان السلندر و ولا يمكن حد يكتشفة كدة , لازم يتعمل اختبار كبس دورة تبريد محرك

شكرا علي ردك ياباشا بس الميكانيكي كشف علي الجوان ولقاه سليم وبردو روحت وعملت كبس لدورة التبريد ومفيش اي تهريب من ناحيه الجوان انا شاكك يكون في حاجه جوه الماكنه نفسها يعني علشان النص عمره ال عملتها يكون الميكانيكي مظبتش الصبابات او ماشلبه ذلك او ممكن يكون برده مظبتش سير التقسيمه كويس بس انا عايز اعرف رايكم في كلامي ده ولا بعيد عنه

[catmoon]

خد بالك ان الكلام دة لازم بيصاحبة فقد في القدرة للمحركوبالتالي اهتزاز غير مالوف اثناء التسارع وعدم بلوغ السرعات السابق الوصول اليها وعموما السحب بيقل وطبعا الحرارة المرتفعة للمحرك
برضة ممكن تكون الاملاح الناتجة من استخدام المياة بديلا عن سائل التبريد وقدم عمر المحرك وبالتالي بيحدث نحر في مجاري المياة الملاصقة لغرفة الاحتراق وتوسع المجاري دي وتبداء في تهريب الضغط وممكن في الحالات الحرجة ان المياة تتسرب للشميز ونتيجة ارتفاع حرارتة من شغل غازات الاحتراق المياة بتتبخر وتزيل طبقة الزيت الثمينة واللازمة لتقليل احتكاك الشنابر بجسم الشميز وبينتج عن دة زرجنة الشنابر وتكسرها وممكن كمان كسر مجاري الشنبر بالمكابس وبالتالي الحاجة لتغيير المكابس والشنبر وفي حالات اخري بيتسبب في اعوجاج البيل ايضا وبالتالي بيبقي الموتور في حالة ضرر شديد وبيكلف جامد لاعادتة لحالتة الاولي

طبعا متشكر اوي علي ردك واهتمامك بس العربيه عندي سحبها مقلش ولا حاجه هي بالفعل جابت السرعه ال كنت بجيبها قبل كده بس الموتور بيسخن مني جامد وده طبعا غير الاول كانت تقريبا العربيه بتكون اقل من ربع الربع كمان ال عايز اقوله ان العربيه مشكلتها في السخونه وليست في السحب لان السحب علي السرعه العاليه بيكون تمام معايا وموضوع الوش ده انا كشفت عليه ومفيش اي تهريب ولا اعوجاج وكبست دورة تبريد كمان انا خايف بس يكون العيب في سير التقسيمه او صبابات مش مظبوطه ولا ايه رايك؟؟؟

[oyosof]

ركب غطاء قربة المياه جديد

[ahmedeihab]

سؤال لولبى

هو قشط وش السلندر ؟؟؟

^_^