Honda civic update 2013

[medododo]

[QUOTE=semsem kane;3874482855]بس كدة ياباشا اوك هحط الفرق مابين العربيتين والتغيرات اللى حصلت

بس طلب لاخوك بقى مافيش عربية شبة بوابة سامسونج عشان مابقيتش بحب النوكيا

:))
أنا مش عارف كنت حاطط صورة تانية
على العموم هحطها تاني
وأرجو التنسيق

[FrozenFire]

على فكرة يا جماعة التعديلات كلها دي مش حتنزل مصر.
التوكيل عندنا دماغة (،،،،،) قديمة ومش حينزلها كلها.
حنيزل منها بالقطارة وحيرفع السعر أو إنه حيخليها أوبشنز زيادة بأسعار زيادة.
والأيام بيننا.

[Kareem.ElAraby]

على فكرة يا جماعة التعديلات كلها دي مش حتنزل مصر.
التوكيل عندنا دماغة (،،،،،) قديمة ومش حينزلها كلها.
حنيزل منها بالقطارة وحيرفع السعر أو إنه حيخليها أوبشنز زيادة بأسعار زيادة.
والأيام بيننا.

حتي توكيل هوندا !!


أومال فيه توكيلات ايه عدله في بلدنا ديه !

رينو سمعنهم حلوه غير كده مفيش !

ربنا يسترها معانا و ما يحوجنا ليهم !

[FrozenFire]

حتي توكيل هوندا !!


أومال فيه توكيلات ايه عدله في بلدنا ديه !

رينو سمعنهم حلوه غير كده مفيش !

ربنا يسترها معانا و ما يحوجنا ليهم !

التوكيل عندنا الحمد لله زي الفل في الصيانة وتوافر قطع الغيار وخدمة العملاء على أعلى مستوى وتوكيل محترم جدا

المشكلة في إنه بيشيل حاجات من العربية عشان يزود هامش الربح بتاعه أو عشان يقدر ينزل العربية بسعر منافس.
تخيل السيتي بتاعتي ما فيهاش مراية تعتيم. يادوب مراية 128 زي ما أنا بسميها
ولا فيها جهاز إنذار ولا فيها ريموت وعشان تزود الحاجات دي لازم تدفع أرقام تضحك.
يعني عشان أركب ريموت يفتح ويقفل العربية ب 2600 جنيه
والمشكلة كمان إنه منزل فئتين منها . بيز لاين وهاي لاين.
الهاي لاين أغلى من البيز لاين ب عشرة آلاف جنيه فقط وفرق أوبشنزل كبير جدا.
يبقى لازم ينزل سعر البيز لاين. لا. هو مخلي الفرق بس 10 آلاف. في حين إنه المفروض يبقى على الأقل من وجهة نظري 25 ألف
ولما كلمت مسؤول المبيعات في التوكيل وقلت له إن فرق السعر اللي هو ال 10 آلاف جينه يادوب بس فرق الجنوط. وليه ما ترخصوش البيز لاين؟
قال لي عشان نحافظ على تميز العربية

[FrozenFire]

والله يا سامح بيه أنا خايف من التعديلات دي
هي تحفة بصراحة
بس أكيد فطيم باشا حيعمل حاجة من إتنين. يا إما حينزل العربية بالتعديلات دي كلها وساعتها فعلا على رأي أخونا حنسمع أحلى ربع مليون مقفول
يا إما حينزلها أوبشنز زيادة وكل أوبشن وليها سعر منفصل عن العربية.
أنا آخر مرة كنت في التوكيل لقيته منزل السبويلر والشاشة الديفيدي والنواكل الداخلية بأسعار زيادة على العربية
ولما شوفت موضوعك قلت يبقى هو أكيد حيعمل كده
ياراجل دا كان فرق سعر الفرش الجلد في الجيل اللي فات على حسب ما فهمت 10 آلاف جنيه لوحده. فما بالك بكل اللي إنت بتحكي عنه ده

[devil_storm]

التعديلات حلوه فعلا يا سمسم و بغض النظر عن شكلها الخارجى الغير منافس و ضيق الصالون لانهم صغروا قاعدة عجلاتها عن الموديل السابق العربية بعد التعديلات بقت افضل بكتير.
السؤال يا سمسم هل كل التعديلات دى حتنزل مصر؟؟؟ و السعر كام؟؟؟

[medododo]

والله يا جماعة انا شاكك ان التعديلات دي قصة من الوكيل في مصر
أدي واحد بيبيع واحدة مستعملة في الكويت موديل 2012 وباين من المرايات والطارة الجلد ان التعديلات موجودة بالفعل بس هما اللي نازلوها عندنا قرعة
سيارات - الكويت  - Q8Car - هوندا سيفيك 2012

[SAMEH_FOUAD]

التعديلات حلوه فعلا يا سمسم و بغض النظر عن شكلها الخارجى الغير منافس و ضيق الصالون لانهم صغروا قاعدة عجلاتها عن الموديل السابق العربية بعد التعديلات بقت افضل بكتير.
السؤال يا سمسم هل كل التعديلات دى حتنزل مصر؟؟؟ و السعر كام؟؟؟

معلش ياباشا اسمحلى , الشكل ممتاز من الامام ومن الاجناب , اللى مش هيعجب ناس كتير هو التصميم الخلفى للسيارة مع انة مش وحش وجميل

لكن انا مش معاك خالص فى موضوع ضيق الصالون , لعربية وسعت عن الاول , وقاعدة العجلات مش مقياس , لان زى ماقولت قبل كدة اللى هيخلى العربية تستفاد من طول قاعدة العجلات هو ارتفاع السقف , والعربية سقفها عالى وكويس جدا , ودة مش محسسك بأى مشكلة او تحس حتى انها قلت

[hany63]

والله يا جماعة انا شاكك ان التعديلات دي قصة من الوكيل في مصر
أدي واحد بيبيع واحدة مستعملة في الكويت موديل 2012 وباين من المرايات والطارة الجلد ان التعديلات موجودة بالفعل بس هما اللي نازلوها عندنا قرعة
سيارات - الكويت. - q8car - هوندا سيفيك 2012

متهيألي الطاره جلد من الاول و المرايات موجوده عندنا في ال vti وعلى العموم انا رايح التوكيل يوم السبت و هدعبس على الموضوع

[SAMEH_FOUAD]

والله يا جماعة انا شاكك ان التعديلات دي قصة من الوكيل في مصر
أدي واحد بيبيع واحدة مستعملة في الكويت موديل 2012 وباين من المرايات والطارة الجلد ان التعديلات موجودة بالفعل بس هما اللي نازلوها عندنا قرعة
سيارات - الكويت. - Q8Car - هوندا سيفيك 2012

دية اللى قبل ال facelift

[Formulator]

طب معلش ايه العربية اللي ب 140 الف ومفيهاش ايموبلايزر غير الالنترا؟

طب والـabs والإيرباج بينزلوا فـ الفئة اللى بـ140 ألف دى؟؟ ولا لأ؟؟!!!
بذمتك مش حاجة تكسف؟؟ طالما بتتكلم بقى فـ عربية بالثمن ده؟!!!

والفوكاس مفيهاش مشاكل وموجودة مع كذا عضو هنا ومحدش اشتكى، فين دليلك؟
وانا متقبل كلامك والله مفيش مشاكل

الفوكاس برضه لسه جديدة وانتشارها قليل،
والفتيسات الـAutomated-Manual ياأستاذ mody3on مشاكلها مش بتبان بدرى أوى كده.. إلا لو فيه مشكلة سوفت-calibration أو كنترول.

لكن المشاكل بتاع الطلمبة الـHigh-Pressure، والموديول-Actuator وطقم الدبرياج (الديوال-كلتش).. تبان بعد 25-30 ألف حاجة كده؟!!

انا معنديش دليل على الباور شيفت بس ده اللي قريته في مداخله على المنتدى ان واحد في الصيانه لقى ٣ عربيات جايبين فتيس و اتمنى يكون الكلام غلط

الحقيقة ياهانى بيه تجربة النسخة الـWet-Clutch من الباورشيفت بتاع فورد (فـ الفولفو S60) مبشرة جدا (فـ الأداء: زحمة وطرق وسرعات)؟!!

ياريت طبعا النسخة الـDry-Clutch فـ الفوكاس (وعقبال الفييستا) تبقى بنفس المستوى؟؟!!!
- مش عايز أقول أصلا المشكلة والـchallenge الأكبر لصانع لفتيس والعربية هو الـDry-Clutch..!!

هو ده اللى عمل وبيعمل مشاكل من أول الألفا Selespeed والفولكس DSG.. لحد الفورد PowerShift.
وأدينا هنشوف؟؟؟!!!!!!

بس انا اتعلمت عموما و العلام كان بفلوس كتيره ما اركبش عربيه فيها تكنولوجيا جديده خصوصا لو كانت التكنولوجيا متعلقه بناقل الحركه

فيه ناس كتيييييييييييييير بتحب تجرب التكنولوجى.. حتى لو لسه مش proven؟؟!!! ههههههههههههه
بشرط تكون Revolutionary عشان تستاهل الـRisk

[hany63]

فيه ناس كتيييييييييييييير بتحب تجرب التكنولوجى.. حتى لو لسه مش proven؟؟!!! ههههههههههههه
بشرط تكون revolutionary عشان تستاهل الـrisk

لعلمك يا استاذ مصطفى انا كنت مذاكر الفتيس كويس قبل ما ينزل مصر بستة شهور و كنت معجب بالاختراع الرهيب ده و اتخانقت معاهم عشان كانوا مصممين يدوني الباساتfsi عشان يخلصوا الستوك و انا اصريت على ال tsi بال dsg و ياريتني سمعت كلامهم عشان اكتشفت ان البلد دي عاوزه توكتوك

[ldsaklf]

انا نفسي اجيبها لكن البيز لاين جمب الهاي لاين تعتبر فاضيع عشان كده صرفت نظر

[محمد أنور]

والله يا جماعة انا شاكك ان التعديلات دي قصة من الوكيل في مصر
أدي واحد بيبيع واحدة مستعملة في الكويت موديل 2012 وباين من المرايات والطارة الجلد ان التعديلات موجودة بالفعل بس هما اللي نازلوها عندنا قرعة
سيارات - الكويت. - Q8Car - هوندا سيفيك 2012

فئات السيفيك في الخليج مختلفة عن الموجودة في مصر .. اللي في الصورة دي اسمها 1.8 EXi و دي فيها كل حاجة معادا فتحة السقف اللي موجودة في ال VTi

[medododo]

[QUOTE=محمد أنور;3874485249]فئات السيفيك في الخليج مختلفة عن الموجودة في مصر .. اللي في الصورة دي اسمها 1.8 EXi و دي فيها كل حاجة معادا فتحة السقف اللي موجودة في ال VTi[/QU
ايوه يا فندم حضرتك معاك حق
وده اللي انا قصدي عليه فعلا
يعني شركة هوندا عاملة من اول ما عملت الشكل التعديلات بس نازلة في دول تانية وبسميات مختلفة
بمعني اخر التعديلات عندها على الرف ورا الخواجة هوندا الكبير شارع طوكيو ورا محطة البنزين نمرة 17 جنب توسونامي البلد كده :)
ولما الشكل ملائاش الاستحسان الكافي في الدول اللي منزلهاش التعديلات دي ابتدت تاخد من هناك وتحط هنا بالإضافة الي تعديلات بسيطة
وده في حد ذاته كويس انهم بيحلوا المشاكل بسرعة وبيشوفوا العميل عايز ايه