ده معناه ايه

[hany63]

مع خالص تحياتي
م/ سمير الشهاوي

لو مافيش عربيات غير الهوندا...
سأفضل السير حافي القدمين

ده توقيع العضو المحترم منسق قسم هيونداي بصراحه انا شايف انه مايصحش و ميجيش كمان من منسق قسم في منتدى عربيات هوندا احد اقسامه يعني الراجل واحد من الاداره و هو من حقه يكره الهوندا و الهونداويه بس يحط الموضوع في توقيع عشان كل مداخله لسيادته في اي موضوع انشالله طبق اليوم يطلع كلامه الغير لائق ومش عايز اقول السخيف فانا شايف الاعتذار واجب من سيادتة و هنعتبرها تمت بحسن نيه و الا كل واحد يحط التوقيع اللي يريحه عشان ممكن واحد مثلا يفهمها ان الهونداويه ما حصلوش الحافيين و ياريت التعليقات تكون راقيه سواء المعترضه او المؤيده

[zangry]

كبر دماغك ياهانى بيه

[M.Alaa92]

انا لا معااك ولا معاااه كل وااحد حر ف توقيعو مدام م بيهنش شخص او يخاالف قوااعد المنتدى

[hany63]

انا لا معااك ولا معاااه كل وااحد حر ف توقيعو مدام م بيهنش شخص او يخاالف قوااعد المنتدى

الموضوع لحد دلوقت مش شخصي و نفرض انه مسموح يروح واحد مثلا يحط في توقيعه ان الالنترا كبيرها تنقل زباله و هكذا لحد ما لفظ يفلت تبقى شتيمه علني و لما اي منسق يعمل كده يبقى الاعضاء يعملوا ايه؟

[M.Alaa92]

انا معااك انو ك منسق لازم ياخد بالو من حاجات معينة و ع العمووم لو التوقيع فى شبه اهاانة لشخص ما فى قسم للشكااوى تحت اكتب شكوى و حيدرسوها و حيردو عليك :)

[محمد أنور]

توقيع في غير لائق من منسق قسم بأكمله

[Elawany13]

كبر دماغك وروق كده

[S O P H O S]

كبر دماغك ياهانى بيه

+1111111111
معلش متحطش فدماغك ..

[MohammedAladel]

وإيه اللى فيها كل واحد حر فى رأيه أنا لو مفيش غير الملوخية هموت من الجوع لأنى مش باكلها مع إنى زمان كنت باكلها معرفش إيه اللى حصلى لما كبرت

[muhamedtareq]

ميصحش الصراحه ان منسق يقول كده مش اسلوب للنقاش و بعدين ياريت بيتكلم فحاجه صح ده عايز يقارن الهيونداي بالهوندا يعني سماء و أرض و بص انا بقترح اننا نعمل مقابله بين القسمين و نخلص الكلام في الموضوع والي يقولك انا مكنتي تحوط قولو الطريق يجمع و المقارنه تبقي قدام الناس عشان انا كل لما حد يقارن الهيونداي بل هوندا بيجنني

[eng_maged]

توقيع غير لائق من منسق قسم

[Yones]

أنا بصراحة بسجل اعتراضى برضه على استخدام منسق قسم الهيونداى للفظ ده كتوقيع....اصل المسألة مش مسألة عداوة مابين ماركات سيارات لانها فى الاخر كلها سيارات والانسان لا يقدر بالسيارة اللى راكبها والسيارات تعتبر مجرد وسيلة مواصلات ومفيش داعى انها تبقى سبب للكراهية والتشاحن من منطلق كره نوع معين من السيارات....ياريت الاستاذ الزميل منسق قسم الهيونداى ياخد الموضوع ده فى الاعتبار....
وكل سنة وانتوا طيبين.......

[SAMEH_FOUAD]

ياجماعة كبروا دماغكوا اللى عايز يقول يقول واللى عايز يتكلم كدة براحتة

يعنى تخيل مثلا لو لا قدر الله حصل موقف ومالاقاش قدامة غير عربية هوندا مش هيركبها مثلا اكيد لأ طبعا

وبعدين هو طبعا توقيع خطأ ومش لازم يتحط

الا بقى ممكن اى واحد يطلع يقول لو هيونداى اتوزعت فى اكياس الشيبسى مش هركبها

ورأى اخر بيقولك " لو اشتريت 2 تشيرت ماركة levis هتاخد هيونداى النترا هدية ( وبردة مش هركبها )

فاكيد هيتحول الحوار والنقاش للطريقة دية

يعنى مع كل المواضيع اللى اتفتحت فى مقارنة الكورى بالهوندا الا ان محدش فكر انة يعمل توقيع زى دة

لية ؟؟؟؟؟ عشان العربية مش فارقة معانا ( هتروح وهتيجى عربية واسمها هيونداى ليها زبونها وليها قدرة شرائية معينة

[hany63]

ميصحش الصراحه ان منسق يقول كده مش اسلوب للنقاش و بعدين ياريت بيتكلم فحاجه صح ده عايز يقارن الهيونداي بالهوندا يعني سماء و أرض و بص انا بقترح اننا نعمل مقابله بين القسمين و نخلص الكلام في الموضوع والي يقولك انا مكنتي تحوط قولو الطريق يجمع و المقارنه تبقي قدام الناس عشان انا كل لما حد يقارن الهيونداي بل هوندا بيجنني

ياسيدي بغض النظر مين الاحسن و انا هروح معاهم ان الهيونداي احسن بس مش بالطريقه دي و بعدين دي دعايه سيئه للعربيه و اللي راكبينها بصفه مستمره و حط تحتها ميت خط
من حق اي عضو يقول اكتر من كده في المداخلات انما يكون ده توقيع منسق!!!!!!

[muhamedtareq]

ياسيدي بغض النظر مين الاحسن و انا هروح معاهم ان الهيونداي احسن بس مش بالطريقه دي و بعدين دي دعايه سيئه للعربيه و اللي راكبينها بصفه مستمره و حط تحتها ميت خط
من حق اي عضو يقول اكتر من كده في المداخلات انما يكون ده توقيع منسق!!!!!!

عندك حق