اعتذر بشده !

[OmaR_FekrY]

رجالتنا
رجاله نايل موتورز
اولا وحشتونى جدا جدا جدا
ثانيا
انا بعتذر عن تقصيرى الشديد فى حقكوا و حق القسم
و حق المنتدى كله بصفه عامه
لكن لاسباب قهريه وربنا :)
انا قعدت اكتر من 3 اشهر بدون نت
بسبب شركه قذره اسمها فودافون عامله usb modem
زى الزفت
انا كنت مشترك فى الباقه اللى ب 150 جنيه فى الشهر 6 جيجا ليميتيد
تصفح و داونلود
يعنى باقه معقوله نسبيا
واذ افاجا
ان كل اول شهر ادفع الفاتوره
و ابدا استخدم المودم
وبعدها بساعه بالظبط
يبعتولى مسج
مكتوبلى فيها انى استخدمت اكتر من 80 % من استهلاكى الشهرى
و انه هيتم تخفيض السرعه الى 32 kbps
طيب ازاااااااااى
اكلم خدمه العملاء بيفضلوا رامينى بالربع ساعه لحد م انا ازهق و اقفل
و ها كذا على الموال ده
لحد م كنت بالصدفه فى داندى مول فى يوم
و دخلت الفرع عندهم و سالتهم على المشكله
طلع انهم حولونى اوتوماتيك للباقه اللى ب 50 جنيه فى الشهر
من غير علمى
و بيدفعونى كل شهر 150
طبعا صوتى على جامد
و اصريت انى لازم الغى التعاقد اللى بينى و بينهم
و قد كان

و اشتريت مودم جديده من شركه منافسه
و رجعتلكوا تانى اهوو:)

انا عندى مواضيع و مشاكل بتوع 3 شهور فاتوا
يعنى انتظروا صفحاااااات :)

و بكرر اسفى مره تانيه
على تقصيرى

و عايز مقابله يا جدعاان انا مشوفتكوش بقالى اكتر من سنه .... عيب كده والهى :)

و كل سنه و انتوا طيبيين

[zangry]

هههههههههههههه منور ياباشا

تصدق انا كمان بيحصل معايا زيك وبطلت اشغلها


3 ساعات خلصت جيجا :d نصابين

[MohammedAladel]

أنا شغال على 65 كيلو بايت من موبينيل وبسعر زهيد كمان ساعات السرعة بتفتح معايا وأنزل براحتى

[Yones]

حمدالله على سلامتك ياعمر باشا وان شاء الله ميحصلش الموضوع ده مع الشركة الجديدة :)

[koshary]

حمد الله على سلامتك ياعمر باشا احنا طلعنا جيران عاوزين نعمل مقابله قريب فى الهرم بعد كدا لما تكلم فودافون قولهم عاوز اعمل شكوى فى الدعم الفنى وقولهم عاوز اكلم المانيجر مافيش ربع ساعه هيكلموك وهيحلولك مشكلتك بسرعه انا معايا فودافون بردو وباقة ال 150 خلصت معايا فى 17 يوم ودلوقتى شغال بسرعه 64 هجدد كمان كام يوم لحد ما التليفونات تدخل عندنا بجد اليو اس بى دا اختراع فااااااااااااااااشل

[dieseldash]

حمد لله على السلامه :) لو الشركه المنافسه دى هى اتصالات يبقى قولى لو زعلتك فى حاجه و انا اظبتلك الدنيا ان شاء الله.

[ahmedeihab]

حمد لله على سلامتك و اطرح مشاكلك و ان شاء الله هنقدر نساعدك

^_^

[tarekomar66]

حمد الله بالسلامه يا فكرى وفى انتظارك فى مقابله قريبا ان شاء الله

[tarekzein]

منور يافكرى

لك وحشه والله

أنت وكل الهونداويه

[OmaR_FekrY]

هههههههههههههه منور ياباشا

تصدق انا كمان بيحصل معايا زيك وبطلت اشغلها


3 ساعات خلصت جيجا :d نصابين

لا تعاملهم فى النت عكس الموبيلات خالص

أنا شغال على 65 كيلو بايت من موبينيل وبسعر زهيد كمان ساعات السرعة بتفتح معايا وأنزل براحتى

لا انا غيرت لاتصالات نظام منجز و ماشى معايا زى الفل اهو الحمد لله

حمدالله على سلامتك ياعمر باشا وان شاء الله ميحصلش الموضوع ده مع الشركة الجديدة :)

الله يكرمك يا يونس باشا .. قول يارب بس الدنيا تفضل كده :)

حمد الله على سلامتك ياعمر باشا احنا طلعنا جيران عاوزين نعمل مقابله قريب فى الهرم بعد كدا لما تكلم فودافون قولهم عاوز اعمل شكوى فى الدعم الفنى وقولهم عاوز اكلم المانيجر مافيش ربع ساعه هيكلموك وهيحلولك مشكلتك بسرعه انا معايا فودافون بردو وباقة ال 150 خلصت معايا فى 17 يوم ودلوقتى شغال بسرعه 64 هجدد كمان كام يوم لحد ما التليفونات تدخل عندنا بجد اليو اس بى دا اختراع فااااااااااااااااشل

كشرى باشا الله يسلمك ... انا فى ز و اول م تلاقى عربيه هوندا سيتى سماوى عليها استيكر نايل موتورز و سايقها شاب تعرف انه انا علطول ... اول م تشوفنى اخبطنى و خش بقلب جامد ولا يهمك :) ... انا مستنى اليوم اللى يخش فيه الارضى ده .. هعمل فرح

حمد لله على السلامه :) لو الشركه المنافسه دى هى اتصالات يبقى قولى لو زعلتك فى حاجه و انا اظبتلك الدنيا ان شاء الله.

الله يسلم حضرتك يا باشا .. هى فعلا اتصالات ... و خلاص كده بقالنا ضهر :) متشكر يا كبير

حمد لله على سلامتك و اطرح مشاكلك و ان شاء الله هنقدر نساعدك

^_^

الله يسلمك يا احمد بيك ...

حمد الله بالسلامه يا فكرى وفى انتظارك فى مقابله قريبا ان شاء الله

الله يسلمك يا طارق بيه .. ليك وحشه والله ... يا ريت والله ايدى على كتفك انا نفسى اشوفكوا

[OmaR_FekrY]

منور يافكرى

لك وحشه والله

أنت وكل الهونداويه

انت اكتر والله يا طارق بيه

عايزين نعمل مقابله فى اقرب فرصه ممكنه

[koshary]

كشرى باشا الله يسلمك ... انا فى ز و اول م تلاقى عربيه هوندا سيتى سماوى عليها استيكر نايل موتورز و سايقها شاب تعرف انه انا علطول ... اول م تشوفنى اخبطنى و خش بقلب جامد ولا يهمك :) ... انا مستنى اليوم اللى يخش فيه الارضى ده .. هعمل فرح

يبقى هتتخبط قريب جدا لان انا كمان ساكن فى ز وشوفت عربيتك كزا مره وعليها الاستيكر وكنت عاوز اعرف انت مين انا عربيتى اكسيل لونها اخضرا وهتلاقينى مفيم الازاز اللى ورا