ايها الهونداويون انا في طريقي لبيع سيارتي ال SiR

[sanhory]

انا بكتب الموضوع ده و انا بجد متضايق جدا و مش عارف حركب ايه تاني زي العربية دي و في دماغي السيفيك 2007 لمجرد انها تحت شعار الهوندا عشان مخرجش بره عشان انا عايز حاجة اتوماتيك و خلاص مبقيتش اجري زي زمان و حاسس اني معايا حاجة بستعمل منها 60%

مش حكدب عليكم انا حتى عشان اجيب السيفيك 2007 محتاج استلف مبلغ بتاع 20 الف مثلا لذلك بفكر كحل مؤقت اني اجيب نيسان تيدا 2007 على ما ربنا يكرم و ارجع للهوندا تاني .

انا عارف ان ممكن حد يحدفني بحاجة علي اللي انا بقوله ده بس دي احتياجاتي حاليا و احتيجات الاسرة
و انا بالنسبالي كفاية جري و تنطيط بقى

والله الموفق و المستعان

[ahmedeihab]

طالما انت شايف ده فى مصلحتك يا سنهورى يبقى ربنا يوفقك ان شاء الله

و مش مهم متسوبيشى ولا نيسان المهم انك متطلعش من العيله اليابانيه

و ان شاء الله تبيع ال SiR بسعر حلو علشان تعرف تركب حاجه زيرو

^_^

[sanhory]

تسلم يا باشا عالرأي المحترم ده انا فعلا مش عايز اطلع برا الياباني و في واحد صحبي بيلعب في دماغي عارض عليا بي ام e46 مش عارف لسه حعمل معاه ايه
بس كله الا الزيرو
دا كفاية بس اكون جايب عربية و دافع دم قلبي و الاقى عيب كده ولا كده ولا الفلوس اللي بتخسرها اول ما تعلق نمر وكل ما الايام تعدي عليها و لا لو بالتقسيط بقى اضرب الخسارة في 2
لا يا عم انا حخليني في كسر الزيرو او المستعمل النضيف اللي اصحابه راحو و جم مع التوكيل لحاد ما ظبطو كل العيوب و انا اركب عالجاهز هههه

[ahmedeihab]

تسلم يا باشا عالرأي المحترم ده انا فعلا مش عايز اطلع برا الياباني و في واحد صحبي بيلعب في دماغي عارض عليا بي ام e46 مش عارف لسه حعمل معاه ايه
بس كله الا الزيرو
دا كفاية بس اكون جايب عربية و دافع دم قلبي و الاقى عيب كده ولا كده ولا الفلوس اللي بتخسرها اول ما تعلق نمر وكل ما الايام تعدي عليها و لا لو بالتقسيط بقى اضرب الخسارة في 2
لا يا عم انا حخليني في كسر الزيرو او المستعمل النضيف اللي اصحابه راحو و جم مع التوكيل لحاد ما ظبطو كل العيوب و انا اركب عالجاهز هههه

فكرك حلو فى الحته دى ربنا معاك

^_^

[wildwest100]

عايز فيها كام ؟

[sanhory]

عايز فيها كام ؟

68 ان شاء الله

[kar!m]

موديل كام و مواصفاتها ايه؟

[sanhory]

موديل كام و مواصفاتها ايه؟

ال sir ال orignial اللي نزل مصر كله موديل 1996 لانه نزل السنه دي بس و منزلش تاني

-خليجي
-موتور 1600 160 حصان مانيوال
-abs
-زجاج و سنتر و فتحة سقف كله كهرباء و شغال
- جنوط 16 OZ اصلي
-ديسك و اسطوانة اسبور
-ترس فلام اسبور
-فلتر اسبور
-هيدر اسبور
-صالونها الاصلي بدون اي شغل عند سروجي و سليم بالكامل
-تكييف قوي
- انذار ماركة ساكا بيدور السيارة و بيقطع عنها الكهرباء عند فتحها بدون الريموت و خواص اخرى
- كاسيت سي دي بيونير
-فوجات اصلية متركب فيها لمبات زينون

[tarekomar66]

ربنا يبارك لك فى البيع ان شاء الله يا سنهورى
مش هانشوفك فى المقابله ان شاء الله ؟

[sanhory]

ربنا يبارك لك فى البيع ان شاء الله يا سنهورى
مش هانشوفك فى المقابله ان شاء الله ؟

لا ازاي دا انا مرتب كل مواعيدي عشان اعرف اجي المقابلة ان شاء الله دا انتوا بجد واحشني قوي

[ahmad--ezzat]

لو معايا كنت ختها منك علي طول
بس هيا عامله كام اللف والصيانات وقطع الغيار منين

[tarekomar66]

والله وانته كمان يا سنهورى باشا
نشوفك على خير ان شاء الله

[sanhory]

لو معايا كنت ختها منك علي طول
بس هيا عامله كام اللف والصيانات وقطع الغيار منين

عاملة 180 الف و صيانتها سهلة جدا و قطع الغيار في الحرفيين و بور سعيد زي الرز و في اي محل هوندا بتلاقي حاجتها دي احسن ميزة لان موتورها كل الناس بتسقطه عشان كده تحس انك راكب حاجة نادرة و في نفس الوقت قطع غيارها منتشرة

[kar!m]

ما شاء الله .. هي لونها ايه؟ و عامله كام ألف كيلو؟

[sanhory]

ما شاء الله .. هي لونها ايه؟ و عامله كام ألف كيلو؟

لونها احمر مارلبورو اللون ده في الموديل 96 في العربيات الموجودة في مصر منزلش غير في ال sir بس

يعني اي عربية احمر مارلبورو 96 تبقى sir original غير كده تبقى مغيره لون

هي ماشية 180 الف