شكر خاص جداااااااااااا لسامح

[hacksystem]

انا عضو جديد بالمنتدى كنت بحب العربية الهوندا بس معرفش عنها حاجة ولما دخلت المنتدى وقرأت اللى الأخ الفاضل سامح زباقى الأعضاء تشجعت والحمد لله ربنا كرمنى واشتريت عريبة si 92 ومعملتش فيها لسة اى حاجة غير انى مشيت بيها كام يوم جربتها وبعد كدة بدأت العيون تقريبا وبدأت الاقى العربية بتعمل حاجات غريبة جدا وكتير وورا بعض زانا مش فاهم اى حاجة لدرجة انها تبطل وانا ماشى واكلاكس يفصل ويرجع لوحدة وشوية احس انى راكب ميكروباص رمسيس من التنطيط المهم كلمت سامح يقولى اعمل ايه من كتر اخلاقة العالية قالى هاتلى العربية ابص عليها وروحت وكانت المفاجاءة مش فى العربية فى سامح نفسة سامح فعلا عمل معايا اللى ميعملوش اخ مع اخوة دلوقتى الراجل اتبهدل ميه على تراب على زيت واقعد يظبطلى حاجات فى الشارع كتير خالا العربية رجعت زى ما كانت واحسن وقالى على كل المطلوب فيها وبكام ومنين اسألة عن اى حاجة مش شاء الله الاقى اجابة وافية بدون ما يزهق حتى منى انا فعلا مكنتش مصدق نفسى من كرم اخلاقة وسماحتة وتواضعة والذوق العالى اللى هو فية دة وكان اول مرة اشوفة فعلا الدنيا بخير سامح اول شخص خالانى اقول الكلمة دية بجد فعلا انا اعنى كل كلمة وكلمة اخ وهذة كلمة حق لانة نعم الاخ الفاضل الكريم الذى لا يوجد مثلة فى هذا الوقت واتشرف به اخ لى فعلا - ربنا يباركلك يا سامح بجد فعلا ويكرمك وبردة مش هاسيبك غير لما تفتح مركز صيانة للهوندا واحنا كلنا معاك وفرصة بقى ناخد رأى الأعضاء وبجد مش عارف اشكرك ازاى
اسف على الأطالة بس انا مهما قلت مش هايكون قد اللى عملة

[tarekzein]

مش جديده على سامح

وكلنا عارفينه كويس وعارفين حبه للناس ومساعدتهم

ربنا يجعله دايما فى الخير

[AHMED_HAMDY]

والله حضرتك بشمهندس سامح الشخص الوحيد اللي مهما فضلت تدعيله وتشكر فيه مش هتعرف تديله حقه في اللي بعمله معانا بجد
ربنا يباركله وكله في ميزان حسناته وربنا يكرمه يا رب

[mmharoun]

بجد سامح ونعم الاخ ومهما نقول عنة مش هنعر بردوا نعطيلوا حقة ربنا يخلية لأسرتة وللمنتدى والقسم

[SAMEH_FOUAD]

انا عضو جديد بالمنتدى كنت بحب العربية الهوندا بس معرفش عنها حاجة ولما دخلت المنتدى وقرأت اللى الأخ الفاضل سامح زباقى الأعضاء تشجعت والحمد لله ربنا كرمنى واشتريت عريبة si 92 ومعملتش فيها لسة اى حاجة غير انى مشيت بيها كام يوم جربتها وبعد كدة بدأت العيون تقريبا وبدأت الاقى العربية بتعمل حاجات غريبة جدا وكتير وورا بعض زانا مش فاهم اى حاجة لدرجة انها تبطل وانا ماشى واكلاكس يفصل ويرجع لوحدة وشوية احس انى راكب ميكروباص رمسيس من التنطيط المهم كلمت سامح يقولى اعمل ايه من كتر اخلاقة العالية قالى هاتلى العربية ابص عليها وروحت وكانت المفاجاءة مش فى العربية فى سامح نفسة سامح فعلا عمل معايا اللى ميعملوش اخ مع اخوة دلوقتى الراجل اتبهدل ميه على تراب على زيت واقعد يظبطلى حاجات فى الشارع كتير خالا العربية رجعت زى ما كانت واحسن وقالى على كل المطلوب فيها وبكام ومنين اسألة عن اى حاجة مش شاء الله الاقى اجابة وافية بدون ما يزهق حتى منى انا فعلا مكنتش مصدق نفسى من كرم اخلاقة وسماحتة وتواضعة والذوق العالى اللى هو فية دة وكان اول مرة اشوفة فعلا الدنيا بخير سامح اول شخص خالانى اقول الكلمة دية بجد فعلا انا اعنى كل كلمة وكلمة اخ وهذة كلمة حق لانة نعم الاخ الفاضل الكريم الذى لا يوجد مثلة فى هذا الوقت واتشرف به اخ لى فعلا - ربنا يباركلك يا سامح بجد فعلا ويكرمك وبردة مش هاسيبك غير لما تفتح مركز صيانة للهوندا واحنا كلنا معاك وفرصة بقى ناخد رأى الأعضاء وبجد مش عارف اشكرك ازاى
اسف على الأطالة بس انا مهما قلت مش هايكون قد اللى عملة

والله ياباشا انا مش عارف اقول اية الصراحة بعد الكلام دة ( بس اكيد مش هاقدر ارد )

وكل اللى اقدر اقولة انا اتشرفت بمعرفتك وبمعرفة شخصية محترمة زيك

وربنا يخليك ياباشا على كل الكلام الجميل دة

وانا معملتش حاجة خالص , دية عربية اخويا وزى عربيتى بالظبط فعادى يعنى لما اظبط فيها شوية حاجات

[tarekomar66]

هوه دا سامح يا اخوانا ومش جديده عليه ابدا
تسلم ايدك يا موحه وربنا يجعله فى ميزان حسناتك

[pop_king3]

ربنا يجعله فى ميزان حسناته

[ahmedeihab]

ده العادى بتاع سامح انك لو طلبت عينيه هيدهالك

ربنا يجعله فى ميزان حسناته

^_^

[Mhmdz]

دة الطبيعى بتاع سامح ربنا يخليك لينا يا كبير وتجيب سمسم صغير ويكون هونداوى صميم