اسعار شوية حاجات

[abo-berry]

نزلت بورسعيد مع احمد وهانى وطبعا انا رايح اجيب صاج لعربيتى المهم ملقتش ولا اى حاجه لونها ابيض ( تقريبا اللون ده مخدرات هناك )
وطبعا مش عايز اجيب اى لون عشان مش عايز اتسحل فى فك جرايد البيبان او ارش الصاج من جوا عشان يمشى مع العربيه , المهم اتفقت مع كام واحد يجيبولى اللى يقولى شهر واللى يقولى اسبوع واللى يقولى واللى يقولى لدرجة انى فكرت اغير لون العربيه بدل حرقة الدم دى....
لحد ماروحت لواحد اسمه عمر عيد سلام عليكم عليكم السلام عايزين عداد 220 اوتو وعلبة باور 3 روح لعم هانى موجودين طب تمام بقولك ايه ياعم عمر انا عايز صاج ابيض عنيا ياعم يحيي بعد بكره الحاجه هتكون عندى احلف ياعمر والله يا يحيي .
كلمته بعده بيومين ايه ياعم الكلام قاللى الحاجه موجوده عندى طب تمام انا جايلك بكره .
ابص على الحاجه ماشاء الله زيرو ودى الاسعار :
1 - طقم بيبان كامل يمين زجاج عسلى وشماسات 1500 جنيه
2 - رفرفين 350 جنيه
3 - كبوت 400 جنيه
4 - اكصدام خلفى 400 جنيه
5 - اكصدام امامى بالفوجات 450 جنيه
6 - مرايات ضم بال cutout بالزورار 450 جنيه
7 - عكازين البرابيز الامامى ( الجريدتين اللى فى الجنبين ) 150 جنيه
وان شاء الله اول ماشد العربيه هعمل كشف حساب لكل حاجه من اول تسقيط الماتور لحد وش التلميع

[khaleddapino]

تعليقى فى الاسعار على الاتى :-

الابواب اليمين اخرها خالص يوم ما تكون غاليه 1200 جنيه
سعر الرفارف كويس جدا
المريات كويس جدااا

[abo-berry]

تعليقى فى الاسعار على الاتى :-

الابواب اليمين اخرها خالص يوم ما تكون غاليه 1200 جنيه
سعر الرفارف كويس جدا
المريات كويس جدااا

والله ياباشا انا عارف الكلام ده بس انا مضطر لان انا مقيد باللون الابيض وماكنش فى ولا صاجه بيضه فى بورسعيد كلها , ده انا حفيت عشان الاقى الابيض
طب وبالنسبه للاكصدام ابو فوجات عادى انه يبقى ب 450 :d:d

[arabmarket]

استاذ يحى

عاوز اقولك كويس انك لقيتهم وهما التجار من كلامك وطريقتك بيعرفوا انك محتاج الحاجه دى وعاوزها فيغلى عليك فتضطر تاخدها
لا وتاخدها وانت مكيف ومبسوط كمان هتعمل ايه ما انت معندكش بديل

عموما مستنين التقرير وبالتوفيق وتطلع عروسه باذن الله ويكفيك شرها يارب

[khaleddapino]

والله ياباشا انا عارف الكلام ده بس انا مضطر لان انا مقيد باللون الابيض وماكنش فى ولا صاجه بيضه فى بورسعيد كلها , ده انا حفيت عشان الاقى الابيض
طب وبالنسبه للاكصدام ابو فوجات عادى انه يبقى ب 450 :d:d

بالنسبه لسعر الاكصدام لو من غير ال eg9 front lip يبقى سعره عادى لكن لو بيها يبقى ما شاء الله و بربنا يبركلك فيها

[khaleddapino]

انا عندى سؤال بسيط بس !
المريات ديه ال full auto مش دريكسيون يمين هل فى مشكله الرؤيه ملحوظه اووىى علشان الموضوع ده محتار فى اوى من زمان

[tarekomar66]

الف مبروك يا يحيى بك وعقبال ان شاء الله ما تخلصها وتبقى زى العروسه
ربنا يبارك لك فيها ويكفيك شرها وشر العين " واخد بالك انته "

[abo-berry]

الف مبروك يا يحيى بك وعقبال ان شاء الله ما تخلصها وتبقى زى العروسه
ربنا يبارك لك فيها ويكفيك شرها وشر العين " واخد بالك انته "

اااااااه من العين دي أكثر حاجة مخوفاني والله يا أ .طارق .
والله يبارك فيك يا أ. طارق عقبال مانشوف الوحش بتاعك بال sir
وخلي بالك من صاجك تقريبا الأبيض بقي ممنوعات :d :d

[abo-berry]

استاذ يحى

عاوز اقولك كويس انك لقيتهم وهما التجار من كلامك وطريقتك بيعرفوا انك محتاج الحاجه دى وعاوزها فيغلى عليك فتضطر تاخدها
لا وتاخدها وانت مكيف ومبسوط كمان هتعمل ايه ما انت معندكش بديل

عموما مستنين التقرير وبالتوفيق وتطلع عروسه باذن الله ويكفيك شرها يارب

فعلا والله يا هيثم بيك ، التجار بقي عندهم جشع غريب :s:s

[khaleddapino]

?????

[abo-berry]

انا عندى سؤال بسيط بس !
المريات ديه ال full auto مش دريكسيون يمين هل فى مشكله الرؤيه ملحوظه اووىى علشان الموضوع ده محتار فى اوى من زمان

هو فى اختلاف اه بس مش اللى هو ملحوظ اوى

[abo-berry]

بالنسبه لسعر الاكصدام لو من غير ال eg9 front lip يبقى سعره عادى لكن لو بيها يبقى ما شاء الله و بربنا يبركلك فيها

معتقدش ياباشا ان الكلام مظبوط , لان ببساطه شديده لو جبت
اكصدام فاضى هتلاقيه اخره يوم مايكون عامل معاك واجب 350 جنيه فهل يعقل ان ال 100 جنيه فرق دول تمن الفوجتين والزرار !!!!!!

[khaleddapino]

هو فى اختلاف اه بس مش اللى هو ملحوظ اوى

انا كنت من فتره جايب ابواب كامله بالمريات ديه و بعت المريات بعد ما كنت قربت اتجن ناس تشوف ان فى فرق و ناس تقولى لا عادى لحد ما بعتوهم

يا اتوكل على الله او اجيبهم ؟؟

[abo-berry]

انا كنت من فتره جايب ابواب كامله بالمريات ديه و بعت المريات بعد ما كنت قربت اتجن ناس تشوف ان فى فرق و ناس تقولى لا عادى لحد ما بعتوهم

يا اتوكل على الله او اجيبهم ؟؟

اتوكل وجيب ياباشا , قطع غيار الاستيراد للجيل الخامس قلت اوى فى السوق الكلام ده من لسان التجار بمعنى تانى ان هاتيجى فتره وهتلاقى اسهار الجيل الخامس زى اسعار الجيل الرابع يعنى السعر هيضربهولك *2

[wildwest100]

انا معاكوا انشاء الله فى الموضوع دا