سيفيك 2010 2011 زيرو

[fahmy]

السلام عليكم ورحمة الله وبركاته
انهارة شوفت اعلان فى جرنال السيارات الاخبار عن معرض ناشونال موتورز عامل عرض على سيفيك 2010 2011 موجودة عندة زيرو بخصم من تمنها 20.000 جنية انا قريت الاعلان وقولت اقوكو لو حد عيزها

[szaalouk]

تفتكروا العربيه دي وكيل ( ياباني ) ولا خليجي ( تركي )..........

[Land_Cruiser]

هى الفكره بس ان عربيه بقالها سنتين او ثلاثه سنوات واقفه فى المعرض او مركونه فى المخزن اعتقد ان ده ممكن يؤثر على حاله العربيه حتى و لو لم تكن مستخدمه و اعتقد كمان ان السعر المفروض ينزلوه عن كده خاصه و انه نزل بعدها موديل تانى

[MohammedAladel]

أصل الشكل القديم بصراحة أجمل بكتير من الجديد بس طبيعى إنه ينزل فى سعرها أكتر من كدا دى مستعملة المفروض :)

[Land_Cruiser]

أصل الشكل القديم بصراحة أجمل بكتير من الجديد بس طبيعى إنه ينزل فى سعرها أكتر من كدا دى مستعملة المفروض :)

فعلا مفيش وجه مقارنه بين شكل الاتنين بس هى تنزلها ٢٥ الف مثلا لو موديل ٢٠١١ و ٣٠ الف لو موديل ٢٠١٠ و اعتقد ان ساعه الشراء المشترى العادى ممكن يقلق منها بالذات علشان دى شكل قديم و اللى ممكن يبقى مهتم بالموضوع ده اعتقد ممكن تكون شركات الليموزين مثلا او ممكن شركات يعنى حد مش هيفرق معاه موضوع ان فى شكل جديد نزل ده قوى

[mshmshm3]

20 الف و كدة كسبان كمان ؟

[fahmy]

واللة ياجماغة انا محتار جدا نفسى فى سيفيك الشكل القديم مش الجديد وخايف من حوار 2010 و خايف من المستعمل سواء مازدا او هوندا قولولى رايكم ايييية وكمان 20 الف دول دة برضو قليل او المفروض تبقا اكتر دى 2010 2011 يعنى فاد عليعا مدة

[S O P H O S]

المهم تكون زيرو ومفيهاش اي مشاكل
انما هي موديل جميل بصراحة ..

[hany63]

على فكره احتمال خصم ال ٢٠٠٠٠ جنيه يكون بالنسبه لسعر الشكل الجديد يعني هترسي على نفس تمنها سنة ٢٠١٠ و الا ال ٢٠١٠ المستعمله تعمل ١١٠ الف على كده

[ahmedeihab]

هى الفكره بس ان عربيه بقالها سنتين او ثلاثه سنوات واقفه فى المعرض او مركونه فى المخزن اعتقد ان ده ممكن يؤثر على حاله العربيه حتى و لو لم تكن مستخدمه و اعتقد كمان ان السعر المفروض ينزلوه عن كده خاصه و انه نزل بعدها موديل تانى

هنا بتدخل تحت بند كسر الزيرو حتى لو لم تستخدم

^_^

[MohammedAladel]

لو الخصم دا بالنسبة للسعر بتاع السيفيك الجيل الأخير يبقى بلااااااااااااااااااااااااااااااااش

لو بالنسبة للسعر بتاعها وقت ما نزلت يبقى معقول أو زيادة شوية

[ahm128]

انا مش معتقد ان الكلام فى الاعلان كان على الهوندا وانما كان كلام عايم فى اعلان على كل الماركات

[sanhory]

انا مش معتقد ان الكلام فى الاعلان كان على الهوندا وانما كان كلام عايم فى اعلان على كل الماركات

بالظبت زي اعلان شيفروليه كده لما قالك خصومات تصل ل 25 الف جنيه و متغلاش غليك وكلام اعلانات

تيجي تسأل تلاقي الخصم ده بس على ال captivia ام 290 اف اللي محدش بيشتريها اصلا و بقيت ب 265


و بعدين لو الكلام ده صحيح بقى تمنها كام من الاخر ؟

[MohammedAladel]

ياباشا دى عربية موديل قديم الشكل القديم وباقية لسة لم تباع لحد الوقت مش عربية زيرو

وبعدين شيفورليه تعمل خصم ع الكابتيفا عشان ملهاش سوق زى ما انت قلت

لكن سيفيك وسيتى دول هما حيلة هوندا هما الأكثر مبيعا لهوندا أزاى يعمل عليها خصم 25 ألف الكلام دا بالنسبة للشكل الحالى برغم إنى مش شايفها منتشرة فى الشارع يعنى زى الشكل القديم بل مشفتهاش غير مرة واحدة

ودى سعرها بيبدأ من 176 ألف

وخليها فى التوكيل لأنها سعرها مش منافس خالص

أما صاحب الموضوع بيتكلم عن الشكل القديم هو طبعا اجمل من الشكل الحالى بس عايزين نعرف سعرها كام بعد الخصم

لأنها المفروض زيرو كانت عاملة حوالى 155 أو 160 على ما أتذكر يعنى المفروض بعد الخصم تعمل 130

وممكن يكون قصدهم على سعرها الحالى يعنى بعد الخصم من ال 176 تبقى ال 156 ويبقى كدا هو باعها بسعرها الطبيعى وإنت أخدت (.................) الخصم ههههههههههه

[aaooaa2004]

نتصل ونسال يا جماعة

ممكن اللي شاف الاعلان يتصل يعرف التفاصيل ويقولنا ايه الاخبار

او حد يكتب رقم التلفون واحنا نسأل