الحمد لله جيبت سيفيك 2008 و موتسيكل خبطني

[sanhory]

السلام عليكم جميعا

الحمد لله ربنا وفقني و جيبت سيفيك 2008 عربية جميلة ما شاء الله

كنت فاكر اني مش حقتنع بحاجة بعد ال sir بس الحمد لله العربية مقنعة جدا او يمكن عشان انا بطلت جري مقتنع بيها و شايف انها مرضية جدا

و طبعا الواحد مبيسلمش من العين انا لسه واخده امبارح و لفيت بيها شوية و كذا حد شافها و انا بدخل الشارع اللي فيه شغلي النهاردة و اول يوم اجي بيها الشغل و الاقي طخخخخخخ في الجمب اللي ورا شمال نزلت لاقيت الطاسة في الارض و واحد بموتوسيكل صيني ممدد في الارض و عاملي فيها شهيد
و اه رجلي قومت داخل فيه شمال انت ايه اللي بتهببه دا انا مديك اشارة و داخل يمين و انت بتجري و عايز تعديني من عاليمين ازااي و هو ماسك في كلمة لا انت مش مدي اشارة

طبعا هو كان عايز يطلعلو ب 50 جند ولا حاجة ولا عبرته لاني مش غلطان

المهم دلوقتي الخساير عندي الرفرف اتعضعض شوية و كلبسات الاكصدام فكت و الطاسة اتخلعت
اظن الطاسة دي كدا اتكسرت لانها سابت المسامير اللي ماسكاها و اتخلعت ولا ايه ؟

و بتعمل كام الطاسة دي و الاقيها فين

[hany_bendary]

الحمد لله رب العالمين وخديت العين فى حاجات بسيطة

ألف مليون مبروك وربنا يديك خيرها ويكفيك شرها

[eng_maged]

الف الف مبروك - ربنا يباركلك فيها ان شاء الله

[ahmedeihab]

]قدر الله و ما شاء فعل

الحمد لله انها جت على قد كده

اللى هيفيدك يا سنهورى فى اسعار الحاجات دى أ/ هيثم كمال

^_^[/

[abo-berry]

]قدر الله و ما شاء فعل

الحمد لله انها جت على قد كده

اللى هيفيدك يا سنهورى فى اسعار الحاجات دى أ/ هيثم كمال

^_^[/

+111111

[SAMEH_FOUAD]

الف مليون مبروك ياسنهورى ويارب يديك خيرها ويكفيك شرها

نصحية منى سيبها كدة ماتعملهاش هات بس الطاسة وشكرا

وادبحلها حاجة ياسنهورى عشان العين مابتسيبش حد اليومين دول

[mody1221]

الف مبروك يا باشا ربنا يديك خيرها ويكفيك شرها
ماتعملهاش دلوقتى سيبها شوية احسن فعلا الواحد كل يوم يتنش عين متينة والله وبدفع بال500 ف العين الواحدة ههههه

[محمد أنور]

الف مبروك يا سنهوري و ربنا يديلك خيرها ان شاء الله
انا برأيي سيبها كدة عشان تبقى خدت العين و خلاص والحمد لله على قد كدة

[hany63]

مبروك يا سنهوري
الطاسه في الحرفيين و اربط الاكصطدام عند السمكري و دمتم
ولما تحب تجري حطها على d3 و انت تشوف حاجه تانيه

[OmaR_FekrY]

الف مبروك يا سنهورى باشا .... و الحمد لله انها جتلك فى حاجه بسيطه نسبيا .... سيبها شويه و بعد كده ابقى صلحها

[Saeed-Taha]

الف مبروك ياباشا
والحمد لله انها جت على قد كدا
وسيبها شوية تاخد العين

[sanhory]

شكرا يا جماعة عالتهنئة الجميلة دي و ربنا يرزقكم باحسن منها و يباركلكم في عربياتكم

خلوني بقى اكملكم انطباعي عن العربية

اولا : الصالون
ناس اوحيتلي انها ضيقة و حسسوني اني حجيب حاجة نتكربس فيها , طبعا انا لما جربتها قبل كده يادوب قعدت عالكرسي زي ما هو و سوقت لكن مفليتش بقى الصالون و جربت اقدم و أخر الكراسي و كده
بس لما اخدت عربيتي بقى ظبت قعدتي على كرسي السواق انا طولي 187 سم و قلت اما اجرب اقعد ورا لقيت في براح جميل ووسع مكانش موجود في الجيل السادس رغم ان الجيل السادس معقول في الوسع بس دي فيها وسع اكتر و حتت الارضية الفلات دي تحفة

ثانيا : الشنطة
معقولة لكن مش في وسع الجيل الخامس و السادس يمكن دي الحاجة الوحيدة السلبية في العربية بس برضه في رائي ان مساحة الركاب اهم من مساحة الشنط يا فرحتي بالشنطة بحر بس اللي قعدين في الصالون مخنوقين

ثالثا : ارتفاع السيارة عن الارض
معقول جدا و مناسب جدا يكفي اني ماشي و حاسس اني جمب الناس في الجيل السادس و الخامس كنت بعدي من تحت المرايات بمرايتي و اوكرة اي عربية جمبي كانت بتبقى في اول فرش الباب عندي دا غير بقى الارصفة اللي مكانش باب الجيل السادس بيفتح جمبها و في دي بيفتح عادي جدا و لسله فيه فراغ كمان لكن لما بتحمل اتنين ورار تبدي تبقى حريص في المطبات لكن و هي فاضية بتعدي عادي جدا

رابعا : المحرك
ماشاء الله هادي جدا و بيقدر ياخد العربية من اي سرعة بطيقة لسرعة اعلى بمنتهي السلاسة

خامسا : دا بقى عيب رهيييييب حيموتني و مش قادر استحمله و يمكن ابيع العربية بسببه
.
.
.
.
.
.
.
صوت المرايات نيههههههاااااا
مش قادر يا جماعة انا بتعذب

طبعا بهرج ولا حسيت بأي صوت مزعج او حاجة ضايقتني و بفكر المره الجاية اروح مكان مهجور و اطفي كل حاجة و احرك المرايات لما شاوف ايه اخرتها

[hany63]

شكرا يا جماعة عالتهنئة الجميلة دي و ربنا يرزقكم باحسن منها و يباركلكم في عربياتكم

خلوني بقى اكملكم انطباعي عن العربية

اولا : الصالون
ناس اوحيتلي انها ضيقة و حسسوني اني حجيب حاجة نتكربس فيها , طبعا انا لما جربتها قبل كده يادوب قعدت عالكرسي زي ما هو و سوقت لكن مفليتش بقى الصالون و جربت اقدم و أخر الكراسي و كده
بس لما اخدت عربيتي بقى ظبت قعدتي على كرسي السواق انا طولي 187 سم و قلت اما اجرب اقعد ورا لقيت في براح جميل ووسع مكانش موجود في الجيل السادس رغم ان الجيل السادس معقول في الوسع بس دي فيها وسع اكتر و حتت الارضية الفلات دي تحفة

ثانيا : الشنطة
معقولة لكن مش في وسع الجيل الخامس و السادس يمكن دي الحاجة الوحيدة السلبية في العربية بس برضه في رائي ان مساحة الركاب اهم من مساحة الشنط يا فرحتي بالشنطة بحر بس اللي قعدين في الصالون مخنوقين

ثالثا : ارتفاع السيارة عن الارض
معقول جدا و مناسب جدا يكفي اني ماشي و حاسس اني جمب الناس في الجيل السادس و الخامس كنت بعدي من تحت المرايات بمرايتي و اوكرة اي عربية جمبي كانت بتبقى في اول فرش الباب عندي دا غير بقى الارصفة اللي مكانش باب الجيل السادس بيفتح جمبها و في دي بيفتح عادي جدا و لسله فيه فراغ كمان لكن لما بتحمل اتنين ورار تبدي تبقى حريص في المطبات لكن و هي فاضية بتعدي عادي جدا

رابعا : المحرك
ماشاء الله هادي جدا و بيقدر ياخد العربية من اي سرعة بطيقة لسرعة اعلى بمنتهي السلاسة

خامسا : دا بقى عيب رهيييييب حيموتني و مش قادر استحمله و يمكن ابيع العربية بسببه
.
.
.
.
.
.
.
صوت المرايات نيههههههاااااا
مش قادر يا جماعة انا بتعذب

طبعا بهرج ولا حسيت بأي صوت مزعج او حاجة ضايقتني و بفكر المره الجاية اروح مكان مهجور و اطفي كل حاجة و احرك المرايات لما شاوف ايه اخرتها

على فكره الشنطه بتبان ضيقه لكن لما ترص فيها الحاجه بتلقاها مكفيه و زياده و ده عن تجربه
بس ما قولتش جبتها لونها ايه و عامله كام و بكام؟

[sanhory]

على فكره الشنطه بتبان ضيقه لكن لما ترص فيها الحاجه بتلقاها مكفيه و زياده و ده عن تجربه
بس ما قولتش جبتها لونها ايه و عامله كام و بكام؟

هي تقضي و تكفي فعلا بس مقارنة بعربيات تانية هي اضيق شوية بس مش قصه يعني الواحد مبيركبش في الشنطة

لونها جلاكسي جراي و عاملة 100 الف كل الصيانات في التوكيل فابريكة برا و جوا ب 100 الف و فيها ال gps kit الاصلية

[hany63]

هي تقضي و تكفي فعلا بس مقارنة بعربيات تانية هي اضيق شوية بس مش قصه يعني الواحد مبيركبش في الشنطة

لونها جلاكسي جراي و عاملة 100 الف كل الصيانات في التوكيل فابريكة برا و جوا ب 100 الف و فيها ال gps kit الاصلية

ربنا يملهالك بركه و تكون قدم خير