تعديل العفشة وتظبيط الكاوتش

[Ahmed Nasr]

يا شباب انا بعد قضاء تقريبا كل اجازاتى اللى فاتت فى الحرفيين ولسه محتاج كمان

اولا:عملت عند عفشجى صدادات حديد بتبقى تحت المساعد للتعلية المهم الميكانيكى قالى بنجيب الياى الامامى للهوندا ونقص منه بيبقى اقوى و نبقى رفعنا برده العربية الموضوع ده حوالى 250 جنيه"150 ياى والباقى قص وتركيب

ثانيا: احتمال اغير الكاوتش لان لما بعدى حفرة بسرعة شوية بحس ان الكاوتش الخلفى زى اللى ما فيهوش هوا عشان كده بحاول اظبط العفشة الاول وكنت عايز اجيب الكاوتش اللى فيه السفتى فى الجنب زى السلك كده بس مش لاقيه

المهم محتاج رأيكم فى موضوع العفشة و بالنسبة للكاوتش تنصحوا بايه حاجة متوسطة لانى هاغير الاربع فرد طبعا
وادعوا الله ان الجنوط اللى استعدلتها تكون كويسة لأنى مش عارف احكم عليها دلوقتى

وجزاكم الله خيرا

[Ahmed Nasr]

من خق قبل ما انسى
ثالثا: الكاوتش الحالى 195/55/15
ايه الرقم المناسب للهوندا عشان موضوع الثبات وطالما هتعمل شغل صح او الكاوتش الاصلى للهوندا الحديد مقاسه كام
مطلوب الاجابة عن الاسئلة الثلاثة لغاية ما نشوف الجوايز ايه

[Ahmed Nasr]

هل من مجيب

[wildwest100]

ايون
بص يا معالى الباشا اولا اللعب فى السوست والقص منها اعذرنى فى اللفظ دا اسموا عك وفتى

فيه موضوعين معمولين مخصوص فى الموضوع دا :

http://www.nilemotors.net/Nile/214978-a.html




إن شاء الله تلاقى اجابة للاسئلة اللى عندك

[khaledfox]

صح بلاش تعمل موضوع القص والكلام ده لانى اصلا انا عملته و معجبنيش اصلا وبينشف العربيه جداا(اصلى انا غاوى تجارب ههههه)
خليك زى الموضوع اللى فى المشاركه احسن

[M_Nabil]

المقاس الاصلى للجنط والكاوتش بيكون في قائم الباب بتاع السواق وكمان هتلقى كود لون العربية و كود لون الصالون الداخلى

ومقاس الكاوتش اللى راكب عندك بالنسبة للجنوط الـ 15 مظبوط وممكن تركب فردة أعرض بمقاس 205/50 حسب الرغبة

[Ahmed Nasr]

اولا عاش من سمع صوتك واحشنى والله
انا الحمد لله جبت المقاس 195/55/15 ماكسيس

[maadi4host]

عاملين كام ياباشا الاربع فرد ،، والمقاس ده بيركب علي جنط 15 ؟؟؟ وياسلام بقي لو فيه صور ليه يبقي كده خدمتني لاني بفكر اغير الاربع فرد برضه لانهم جابوا جاز :d

[ahmedeihab]

اللى انت عملته ده هينشف العربيه هيخليها زى الطوبه

مهما عملت طالما قصيت فى السوست هتلاقيها ناشفه بردو

فى الثبات هتبقى هايله

فى المطبات هتكره نفسك

مقاس الكاوتش عندك مظبوط متقلقش

^_^

[Ahmed Nasr]

قدر الله وما شاء فعل
المهم سعر الكوتش 1620 ما نزلش مليم المهم من البحث اكتر من محل اللى لقيت عنده لقيت ان اللى لسه هو شاريه وقعد يحلف انه لسه نازله كان بتاريخ 10/2011 وده فى المحلين اشتريت رسمة الشجرة وانا بظبط الزوايا قالولى انه بيعمل صوت فى المشى وفعلا الكلام مظبوط

[SAMEH_FOUAD]

يا شباب انا بعد قضاء تقريبا كل اجازاتى اللى فاتت فى الحرفيين ولسه محتاج كمان

اولا:عملت عند عفشجى صدادات حديد بتبقى تحت المساعد للتعلية المهم الميكانيكى قالى بنجيب الياى الامامى للهوندا ونقص منه بيبقى اقوى و نبقى رفعنا برده العربية الموضوع ده حوالى 250 جنيه"150 ياى والباقى قص وتركيب

ثانيا: احتمال اغير الكاوتش لان لما بعدى حفرة بسرعة شوية بحس ان الكاوتش الخلفى زى اللى ما فيهوش هوا عشان كده بحاول اظبط العفشة الاول وكنت عايز اجيب الكاوتش اللى فيه السفتى فى الجنب زى السلك كده بس مش لاقيه

المهم محتاج رأيكم فى موضوع العفشة و بالنسبة للكاوتش تنصحوا بايه حاجة متوسطة لانى هاغير الاربع فرد طبعا
وادعوا الله ان الجنوط اللى استعدلتها تكون كويسة لأنى مش عارف احكم عليها دلوقتى

وجزاكم الله خيرا

اولا : الصدادات الحديد لازم تحط تحتيها طبقة كاوتش وفوقيها تركب الرينج الكاوتش عشان مايعملوش مشكلة , لازم الصدادة الحديد يكون ارتفاعها لا يزيد عن 1 سم ونصف

ثانيا : قص الياى الامامى ووضعة فى الخلفى بيخلى العربية غير مظبوطة فى المطبات

واصلا اى قص بيحصل فى الياى بيضعف من صلابة الياى نفسة

ثالثا : مشكلة الحفر دية مش مشكلة كاوتش دة مشكلة ( جلب مقصات ناشفة او مقطوعة )

مساعدين ضعيفة مالهاش دعوة بالكاوتش , كان ممكن اقولك كاوتش لو انت مركب مقاس غلط لكن انت مركب مقاس مظبوط جدا

خامسا : الكاوتش هتجيبة مقاس 55\195 r15 , وشوف النوع اللى يناسب سعرك او ممكن تحط السعر وانا اقولك افضل الانواع فى السعر دة