ايه رأيكوا في العربيه دى

[Tettet]

انا متابع بقالي فترة المنتدى هنا واستفدت كتير من خبرة الناس من غير ما اشارك ولا كنت عضو حتى
ومحتاج رايكو في العربيه دى هل فيها حوار ولا ايه
هي 1998 ومفيهاش غير باور وسنتر وتكييف
وبيقول انها vti
وانا مش مصدق لان اللى اعرفه ان ال vti بتبقي نازلة باير باج وفتحة سقف
هى ماشية 170 ألف تقريبا
ومحتاجه عفشة ورا وشوية اكسسوارات كده في العبيط
وصورها اهى







هى مطلوب فيها 42 ألف
يار ريت تفيدونى لان دى اول مرة اركب هوندا في حياتى
وبصراحة نفسي لما اركبها ما اركبش عربيه تعقدني من الماركة

مستنى ردودكوا

[Tettet]

الصور تانى

[abo-berry]

أولا اهلا بيك يا باشا كعضو جديد معانا في المنتدي عموما و في قسم الهوندا خصوصا
ثانيا الصور مش ظاهرة
ثالثا سعر العربية قليل جدا جدا ،دي أقل فئة في الجيل السادس تمنها 55 الف اللي هي lxi دي اللي هي بتكون فاضية حاول تجبلنا كود الشاسيه وكود الماتور

[Tettet]

شكرا يا باشا
الصور هتلاقيها ظاهرة في الرد التاني
اما بقي بالنسبة للسعر فده اللى مخليني حاسس ان في حوار

[M_Nabil]

العربية دى مش VTi هيا متسقط فيها مكنه 1600 عادية، هيا في الغالب LXi أقل فئة

كانت في مصر الجديدة من يومين وتاجر من المنصورة اشتراها وبيبعها حالياً :)

لو هتشوفها يفضل تأخد سمكرى بيفهم كويس ويبص على القوائم و الحوض والشنب والشنطة

وشوف محتاجه مصاريف اية واحسبها

[Tettet]

العربية دى مش vti هيا متسقط فيها مكنه 1600 عادية، هيا في الغالب lxi أقل فئة

كانت في مصر الجديدة من يومين وتاجر من المنصورة اشتراها وبيبعها حالياً :)

لو هتشوفها يفضل تأخد سمكرى بيفهم كويس ويبص على القوائم و الحوض والشنب والشنطة

وشوف محتاجه مصاريف اية واحسبها

دي حقيقة فعلا
هو انت شوفتها ولا ايه ؟؟؟

عموما هو اللي في المنصورة مش تاجر، لاني لما كلمته باين من كلامه اخرها كام وده كان في نفس الحدود اللي بيتكلم فيها بتاع مصر الجديدة

[M_Nabil]

دي حقيقة فعلا
هو انت شوفتها ولا ايه ؟؟؟

عموما هو اللي في المنصورة مش تاجر، لاني لما كلمته باين من كلامه اخرها كام وده كان في نفس الحدود اللي بيتكلم فيها بتاع مصر الجديدة

لا ماشوفتهاش الصراحة بس عندى معلومات

ازى بتقول مش تاجر!! وهو لسه شاريها ماكملتش يوم وعاوز يبيعها ويكسب فيها؟؟

ما أنا برضه عارف أخرها كام وعارف برضه هو اشتراها بكام

تحياتى

[Tettet]

لا ماشوفتهاش الصراحة بس عندى معلومات

ازى بتقول مش تاجر!! وهو لسه شاريها ماكملتش يوم وعاوز يبيعها ويكسب فيها؟؟

ما أنا برضه عارف أخرها كام وعارف برضه هو اشتراها بكام

تحياتى

منا خوفي انه يكون اكتشف فيها مصيبة ولا عيب

انت ايه رأيك يا باشا خصوصاً أن مشواره طويل فحت

[M_Nabil]

منا خوفي انه يكون اكتشف فيها مصيبة ولا عيب

انت ايه رأيك يا باشا خصوصاً أن مشواره طويل فحت

الله أعلم بس هو السعر المطلوب بالنسبة للموديل عليه علامات استفهام كتير ومحل شك فلازم تكشف كويس جداً جداً

طبعاً أنا مش عارف هو اشترى بعقد مسجل ولا بتوكيل بس لما تفكر فيها المنطق بيقول العربية مرور النزهة أو مصر الجديدة في الغالب هيحتاج يجى للبائع يستلم الورق من القاهرة لو عرفت أنت تكلمة وتصداده لو هو جاى هنا بكره ولا بعده وتحدد معه ميعاد يبقى أنت كدة وفرت وقت و جهد والمصاريف.

[amr_8800]

بص هو السعر ده غريب اوي ويخوف
انت شوفها واكشف عليها كويس اوي
واكشف على ورقها وملفها في المرور عشان ممكن يكون فيها مشكله في الورق ولا في الترخيص
او ممكن تكون منطقه حره ومحطوط لها نمر ملاكي
اكشف على ورقها كويس اوي اوي اوي

[amr_8800]

لا ماشوفتهاش الصراحة بس عندى معلومات

ازى بتقول مش تاجر!! وهو لسه شاريها ماكملتش يوم وعاوز يبيعها ويكسب فيها؟؟

ما أنا برضه عارف أخرها كام وعارف برضه هو اشتراها بكام

تحياتى

طيب يا باشا لو تاريخ العربيه كله عندك
متجيب من الاخر وتقول للراجل على الي فيها

[ادهم رضا]

انتم بتجيبو العربيات دةى منين.....دا انا معايا 45000 ونفسى فى عربيه ودايخ على كل المواقع وبروح سوق الجمعه ومش عارف.......طب مفيش حد ممكن يساعدنى وانا والله تحت امرة فى اى فلوس(انا مييييح فى العربيات)ونفسى اركب عربيه نضبفه

[hany63]

العربيه لازم يتكشف عليها كويس و شكلها من قدام مش مريحني
حاجه من اتنين يا اتعمل فيها شغل تعبان يا اما واخده خبطه من قدام

[Hamdy Masria]

انتم بتجيبو العربيات دةى منين.....دا انا معايا 45000 ونفسى فى عربيه ودايخ على كل المواقع وبروح سوق الجمعه ومش عارف.......طب مفيش حد ممكن يساعدنى وانا والله تحت امرة فى اى فلوس(انا مييييح فى العربيات)ونفسى اركب عربيه نضبفه

ادخل على مواقع بيع العربيات وانت تلاقى كتير
على العموم انا عارض عربيتى للبيع لو عجبتك انا تحت امرك
سيفك 93 EX فبريكة بره وجوه شوف اللينك كده واللى فية الخير يقدمه ربنا

[ahmedeihab]

الكلام ده مش منطقى

نصيحه منى

العربيه اللى بيبقى عليها كلام كتير اعرف ان فيها مشكله

العربيه دى غالبا جايه نصين من بره و اتجمعت و اتعملها ورق فى مصر

ده تفسيرى للى بيحصل ده

^_^