هو فيه كده ؟

[hany63]

مساء الخير عليكم
امبارح و انا مروح على طريق المطار لمحت عربيه سيفيك حمرا si مو 93 لحد هنا و عادي
المش عادي ان العربيه درجة اللون تحفه احمر فاتح و بيبرق يخطف عينك و العربيه معمول فيها شغل سمكره تحس اللي شدها ايده تتلف في حرير زي ما تكون العربيه فابريقه بمعنى الكلمه يعني ما فيهاش تمويج في الصاج نوهااااائي و معلش سامحوني دايما الجيل الخامس اشوفه يا متبهدل يا اما صاحبه موضب و صارف بس برضه باين ان العربيه مرجعتش على ابوها و ده مش عيب عشان ده حكم الزمن
المهم صاحبها كان قاعد فيها زي البرنس و جه يشد مع العبد لله بس هدى و كبر دماغه و ضحك و ربنا يبارك له فيها بصراحه

[SAMEH_FOUAD]

السيفيك ال si فيرارى الهوندا مش اداء طبعا بس بتخطف كدة الواحد حتى لو جنبيها عربيات اجمل منها واحدث وافخم بس ماتعرفش العربية دية بتخطف العين لية وخصوصا لو مجنطة 16 واللون احمر فاتح شوية بتلاقى العربية بقت مغرية جدا للنظر , يعنى انا مش معايا SiR اهوة , بس والله مافى عربية هوندا سيفيك 93 بتعدى قدامى غير والاقى نفسى ببص عليها اتوماتيك بدون وعى او لا ارادى , والمصيبة انى اكتشفت ان فية ناس كتير كدة , انا لما بدخل منطقة بلاقى عيون الناس فى المرايا بتبحلق فى العربية بقول بعدها الله اكبر على طول

ربنا يحفظنا ويكفينا شر الحوادث والعين

[amruzo]

السيفيك ال si فيرارى الهوندا مش اداء طبعا بس بتخطف كدة الواحد حتى لو جنبيها عربيات اجمل منها واحدث وافخم بس ماتعرفش العربية دية بتخطف العين لية وخصوصا لو مجنطة 16 واللون احمر فاتح شوية بتلاقى العربية بقت مغرية جدا للنظر , يعنى انا مش معايا sir اهوة , بس والله مافى عربية هوندا سيفيك 93 بتعدى قدامى غير والاقى نفسى ببص عليها اتوماتيك بدون وعى او لا ارادى , والمصيبة انى اكتشفت ان فية ناس كتير كدة , انا لما بدخل منطقة بلاقى عيون الناس فى المرايا بتبحلق فى العربية بقول بعدها الله اكبر على طول

ربنا يحفظنا ويكفينا شر الحوادث والعين

ربنا يباركلك فيها ويكفيك شرها

[ahmedeihab]

اهو الواحد بقا عايز سمكرى و بتاع دوكو من دول

بسم الله ما شاء الله بتلاقى عربيات تخطف عينك غصب عنك تلاقى نفسك بتقول لوحدك الله اكبر ربنا يحفظهاله

^_^

[hany63]

اهو الواحد بقا عايز سمكرى و بتاع دوكو من دول

بسم الله ما شاء الله بتلاقى عربيات تخطف عينك غصب عنك تلاقى نفسك بتقول لوحدك الله اكبر ربنا يحفظهاله

^_^

ربنا يوفق و تلقى صنايعيه نضيفه و فعلا الصنايعي النضيف بيحيي العربيه بس طبعا هيبقى حراق

[tikatalaat]

انا شايف ان الصنايعى يكون حراء احسن ميليون مرة عن ان الواحد يدفع دم قلبة وفى الاخر تطلع حاجة مش مظبوطة وكمان تاخد كلام من كل واحد يعدى عليك

[khaleddapino]

فى سمكرى و بتاع دوكو الاتنين محلاتهم جنب بعد بالظبط ده يعمل شغل و ده يعدل عليه بدون اى مشوره و لا وجع دماغ .. لا و ايه تخصص هوندااا جيل خامس و كوبيه

[M_Nabil]

فى سمكرى و بتاع دوكو الاتنين محلاتهم جنب بعد بالظبط ده يعمل شغل و ده يعدل عليه بدون اى مشوره و لا وجع دماغ .. لا و ايه تخصص هوندااا جيل خامس و كوبيه

الأصل بقى ان الاتنين دول يكونوا مايعرفوش بعض نهائى عشان بتاع الدوكو هيخفى عيوب السمكرى لو موجودة بالمعجون والزبون مش فاهم والدنيا ماشية وجميلة والعربية بتلمع

[hany63]

الأصل بقى ان الاتنين دول يكونوا مايعرفوش بعض نهائى عشان بتاع الدوكو هيخفى عيوب السمكرى لو موجودة بالمعجون والزبون مش فاهم والدنيا ماشية وجميلة والعربية بتلمع

عندك حق و العربيه شكلها ما فيهاش ريحة المعجون و الله اعلم

[zangry]

انا فعلا كل ماشوفها افضل ابص عليها :d

[arabmarket]

انا بقه زى سامح عينى بتعلق معاها غصب عنى بس دايما الاقينى اقول ماشاء الله ..
من كام يوم كنت بكلم سامح فى التلفون وانا بكلمه 2 شباب كانوا ماشين و واضح انهم مش مصرين تقريبا سورين او لبنانين وكنت واقف بره العربيه وبكلم سامح لقيتهم بيشاوروا على العربيه وبعدين بعدها بكم خطوه وقفوا يبصوا عليها :)
وهقولكم الى قلتوا لسامح وبقولو دايما هو واضح ان الحاج سوشيرو كان عامل تعويذه للعربيه دى تخلى الى يشفوها تشد نظره وتعجبه رغم انها موديل عدى عليه 20 سنه !