لمبة الاعطال منورة ومش راضية تطفى

[shedid20]

السلام عليكم ورحمة الله وبركاته يا ناس يا محترمة يا ركيبة الهوندا :)
انا يا اجدع ناس معايا هوندا si عليها موتور zc - 1600 كامة واحدة المهم وانا مسافر على الطريق الزراعى مرة واحدة لمبة الاعطال نورت ومفيش اى تغير فى العربية حصل وانا ماشى الكلام ده داخل فى حوالى شهر. اول موقفت العربية بدأت تبقا مبرجلة ومش مظبوطة بس ولما تيجى تدورها الصبح تتطول فى الدوارة وفى المشى تقلت شوية والسحب يعنى بس بتجرى عادى جدا مفيش مشكلة وملاحظ ان بقا فيه اكل بنرزين حبيبتين بس مش جامد يعنى. المهم روحت للميكانيكى وراجعنا على الفيش وعاملنا ريستارت للكونترول وكله تمام بس بردوا اللمبة ماطفتيش واللغبطة زى ماهى وكمان لما اشغل التكيف تبرجل وتبقا عايزة تبطل. الميكانيكى راح قالى ان الضفيرة كدا عايز يتراجع عليها بس انا مش مقتنع وعايز رأيكوا فى الموضوع ده واسف جدا على الاطالة يا رجالة الهوندا وسلام مخصوص لعمنا سامح :)
اخوكم تامر شديد

[wildwest100]

اولا مين الميكانيكى بتاعك
ثانيا حضرتك كدا لازم تتدخل العربية على الاسكانر وياريت باسرع مايمكن

[khalid_adel]

لازم تكشف عليها
بس هو شكلها يا ايدل ياايرماس

[momo44]

غالبا حساس الايدل او ال تى بى اس فيه مشكلة

[SAMEH_FOUAD]

ياباشا ربنا يخليك وكل سنة وانت طيب

شوف ياباشا طالما اللمبة نورت معاك وانت ماشى مرة واحدة بدون سابق انذار يبقى كدة انت هتلاقى العربية دية

قارية tps sensor , idle valve

وعايزك ياباشا تجيب carb cleaner وترشة داخل البوابة وان شاء الله المشكلة تتحل وشوف كدة

وحاول كل 6 شهور تعمل نظافة للبوابة لازم عشان تحافظ على ال sensors

[haissam24h]

وغير دول ممكن لو عندك حساس شوكمنا ممن تشيك عليه بس لازم لازم لازم تدخلها على الكشف هيسهل عليك عشان العيب مش يكبر ويكلفك اكثر وان شاء الله تكون حاجه بسيطة

[M_Nabil]

السلام عليكم ورحمة الله وبركاته يا ناس يا محترمة يا ركيبة الهوندا :)
انا يا اجدع ناس معايا هوندا si عليها موتور zc - 1600 كامة واحدة المهم وانا مسافر على الطريق الزراعى مرة واحدة لمبة الاعطال نورت ومفيش اى تغير فى العربية حصل وانا ماشى الكلام ده داخل فى حوالى شهر. اول موقفت العربية بدأت تبقا مبرجلة ومش مظبوطة بس ولما تيجى تدورها الصبح تتطول فى الدوارة وفى المشى تقلت شوية والسحب يعنى بس بتجرى عادى جدا مفيش مشكلة وملاحظ ان بقا فيه اكل بنرزين حبيبتين بس مش جامد يعنى. المهم روحت للميكانيكى وراجعنا على الفيش وعاملنا ريستارت للكونترول وكله تمام بس بردوا اللمبة ماطفتيش واللغبطة زى ماهى وكمان لما اشغل التكيف تبرجل وتبقا عايزة تبطل. الميكانيكى راح قالى ان الضفيرة كدا عايز يتراجع عليها بس انا مش مقتنع وعايز رأيكوا فى الموضوع ده واسف جدا على الاطالة يا رجالة الهوندا وسلام مخصوص لعمنا سامح :)
اخوكم تامر شديد

كدة عندك مشكلة وموضوع ريست الكنترول ولا حتى تشيل الفيوز ولا كابل البطارية هيحل المشكلة اللمبة هتطفى لمدة كام دقيقة وترجع تنور تانى وعشان تعرف سبب العطل عندك حل من اثنين

1- تحط العربية على جهاز كشف الأعطال وده هيكلفك 40-50 جنية

2- تعملها أنت من فيشة الكنترول وهتكلفك من 10 - 15 دقيقة وقت

[momo44]

كدة عندك مشكلة وموضوع ريست الكنترول ولا حتى تشيل الفيوز ولا كابل البطارية هيحل المشكلة اللمبة هتطفى لمدة كام دقيقة وترجع تنور تانى وعشان تعرف سبب العطل عندك حل من اثنين

1- تحط العربية على جهاز كشف الأعطال وده هيكلفك 40-50 جنية

2- تعملها أنت من فيشة الكنترول وهتكلفك من 10 - 15 دقيقة وقت

ممكن توضيح للحل الثانى ؟؟؟؟

[abo-berry]

ممكن توضيح للحل الثانى ؟؟؟؟

بيتعمل زي قفله للكنترول هتلاقي لمبة التشوك تطفي وتنور وكل حساس ليه عدد معين من اطفاء و تنوير اللمبة . بس ده لازم يكون واحد حافظ كل عدد لكل حساس

[khalid_adel]

قفله للكنترول ؟؟؟؟

[ahmedeihab]

بيتعمل زي قفله للكنترول هتلاقي لمبة التشوك تطفي وتنور وكل حساس ليه عدد معين من اطفاء و تنوير اللمبة . بس ده لازم يكون واحد حافظ كل عدد لكل حساس

قفله للكنترول ؟؟؟؟

ايوووووه قفله للكونترول

بيجيب فيشه قفله بتبقى عند الكهربائى و العربيه مبطله

و يفتح الكونتاك

لمبه الاعطال هتقعد تنور عدد معين

و كل عدد بحساس مختلف عن التانى

و لما تخلص قرايه الحساسات

هتلاقيها بتديك قرايه الحساس اللى فيه مشكله

و ده الحل الامثل

^_^

[shedid20]

متشكر على الرد يا كبير انا فعلا غيرت فيشة الحساس ونضفته بالاسبراى وبردوا ماطفتش و دلوقتى بقا بقت تطول فى الدوارة جدا الصبح بالذات

[shedid20]

ياباشا ربنا يخليك وكل سنة وانت طيب

شوف ياباشا طالما اللمبة نورت معاك وانت ماشى مرة واحدة بدون سابق انذار يبقى كدة انت هتلاقى العربية دية

قارية tps sensor , idle valve

وعايزك ياباشا تجيب carb cleaner وترشة داخل البوابة وان شاء الله المشكلة تتحل وشوف كدة

وحاول كل 6 شهور تعمل نظافة للبوابة لازم عشان تحافظ على ال sensors

انا يا باشا فعلا نضفت الحساس زى مانت كنت شارح قبل كدا وبعمل كدا علطول كل فترة وبردوا اللمبة ماطفتش والميكانيكى عمل قفلة للكنترول وراجع على الحساسات وكلها قرت صح ولسا زى ماهى والسحب بقا تقيل قوى وفى الدوارة الصبح بقت بطول وتفضل ملغبطة لمدة دقيقة كدا ولازم اسندها بسنة بنزين لحد ماتظبط ومش عارف اعمل ايه انصحنى بقا اروح فين ؟؟ ومتشكرين ليكوا كلكوا يا رجالة هوندا على التعب معايا :)

[SAMEH_FOUAD]

انا يا باشا فعلا نضفت الحساس زى مانت كنت شارح قبل كدا وبعمل كدا علطول كل فترة وبردوا اللمبة ماطفتش والميكانيكى عمل قفلة للكنترول وراجع على الحساسات وكلها قرت صح ولسا زى ماهى والسحب بقا تقيل قوى وفى الدوارة الصبح بقت بطول وتفضل ملغبطة لمدة دقيقة كدا ولازم اسندها بسنة بنزين لحد ماتظبط ومش عارف اعمل ايه انصحنى بقا اروح فين ؟؟ ومتشكرين ليكوا كلكوا يا رجالة هوندا على التعب معايا :)

بقول اية انت ساكن فين ؟؟؟؟؟؟؟؟؟

عشان لو كدة ممكن تبقى تعدى عليا اشوفلك الموضوع دة او نتقابل فى مكان قريب , عشان بس ماتعوضش تغير فى حساسات وتتكلف على الفاضى

[shedid20]

بقول اية انت ساكن فين ؟؟؟؟؟؟؟؟؟

عشان لو كدة ممكن تبقى تعدى عليا اشوفلك الموضوع دة او نتقابل فى مكان قريب , عشان بس ماتعوضش تغير فى حساسات وتتكلف على الفاضى

يا كبير ده كتير علينا وانا ياما زهقتك تليفونات انا بس اليومين دول قاعد فى البلد فى القليوبية وشغلى فى بسكو مصر عند حفنى بتاع قطع الغيار وبعد العيد ان شاء الله حبقا قاعد فى مدينة نصر وانا فعلا كنت ناوى اجى المقابلة ال اتلغت اتعرف عليكوا اكتر واوريك المشكلة بس بقا قدر الله ماشاء فعل