ارجوكم افيددونى بسرعة العربية ديه كده غالية قوى

[محمد بدر]

السيارة سيفيك 2009
VTI
من المالك الأول السيارة قطعت 73 ألف كيلو - فابريقة
صيانات فى التوكيل
الكمليات
DVD player with camera , Bluetooth , GPRS ready ,spoiler
ممكن تكون محتاجة كوتش
العربية دية صاحبها بيتكلم فى 145 ألف جنيه
انا شايف ان السعر ده كثير جدا"
رأيكم انتم ايه برجاء المساعدة
ــــــــــــــــــــــــــــــــــــــــــــــــــ ـــــــــــ
وانتهز هذه الفرصة العظيمة لشكر رجالة هوندا واخص بالذكر
أ / احمد إيهاب
م/ سامح
وذلك لتواصلهم معى ومساعدتى على اكمل وجه
وفعلا والله ناس مستوى رفيع وزوق عالى جدا الواحد مش عارف يقول إيه ولا إيه
الله فى عون العبد ما دام العبد فى عون أخيه
ألف شكر

[محمد بدر]

يا جماعة الخير ذاهب باكر ان شاء الله للإتفاق ومستعجل على الرد

[Yasser Selim]

يا جماعة الخير ذاهب باكر ان شاء الله للإتفاق ومستعجل على الرد

أنا شايف ان السعر مبالغ فيه جدا خاصة أن هوندا ليس عربية سوق في مصر رغم أنها سيارة جيدة، من وجهة نظري آخرها 100

[محمد بدر]

أنا شايف ان السعر مبالغ فيه جدا خاصة أن هوندا ليس عربية سوق في مصر رغم أنها سيارة جيدة، من وجهة نظري آخرها 100

أوببببببببببببببببا
الله يطمنك
بس الحقيقة انا عارف ان سعر سيفيك 2007 lxi فى حدود 100 ألف ولاكن دى موضوع تانى على حد معلوماتى
على كلا انا فى انتظار الردود ولو كانت غالية فى حدود 5ألاف جنيه مش مشكلة اكثر من كده شكرا

[Yasser Selim]

بالتوفيق، ولكن في حدود 145 جيب زيرو وارتاح شوية

[AHMED_HAMDY]

السعر ممكن عالي شويه

بس معا احترامي اللي بيقول 100 الف دي vti ممكن ميكونشي عندك معلوممات عليها كفايه

انا مش عارف سعرها كام بالضبط

بس بجد في مصر كل 100 عربيه 2009 اما هتلاقي vti بتتباع

بس كل اللي شوفته 2007 وبتكلم في 105 او 100
وربنا يوفقك وتلاقي وعمرك مهتندم ابدا ابدا انك ركبتها ان شاء الله

[kar!m]

بص ال vti كان في منها فئتين .. اللي كانت فرش جلد كانت بتزيد 8 الاف جنية عن ال vti اللي الفرش بتاعها عادي.

كمان ال vti بتزيد عن ال lxi جنوط اسبور .. فتحة سقف .. زينون أصلي طبعا .. شفت نقلات في الدركسيون .. بلوتوث .. فوانيس شبورة .. و حاجات تانية .. الكماليلت دي في هوندا غالية جدا على فكرة.

لو العربية دي فرش جلد يبقى سعرها ممتاز .. كانت ب 185 ألف أيامها تقريبا .. لو من غير فرش جلد .. يبقى حاول تهزها شويه .. هي كانت ب 178 ألف.

الكماليات اللي في ال vti تستاهل فرق السعر بصراحه.

و ربنا يوفقك لما فيه الخير.

[amz2011]

السعر غالى جداااااااااااااااااااااا

[haissam24h]

ازود ازود لحد 155 واجيب استرا الجديده معا احترامى للهوندا بحبها قوى بس فى مصر عايشين فيها قوى لدرجه مش تستحقها وخصوصا انها فيها عيب قاتل وهو الوطى الرهيب على الارض ولا يتناسب معا طبيعه طرق مصر الى مش ينفع معاها عربيات اصلا هههه بس الصراحه انعم ماتور ركبته فى حياتى ونعومة صوته هو بتاع الهوندا

[SAMEH_FOUAD]

145 الف جنية ممتاز جدا ياباشا بس العيب الوحيد اللى فيها انها ماشية كتير عن الطبيعى يعنى كان اخرها فى الثلاث سنين دول 40 الف كيلو

عشان كدة اخر العربية دية لو vti الكاملة 140 الف جنية ويتكشف عليها فى التوكيل ب440 جنية هيطلعلك report كامل عنها

وان شاء الله ربنا يوفقك لما فية الخير

وياباشا احنا معملناش غير الواجب

[MohammedAladel]

ودى إيه اللى بيغليها عن السيفيك العادية المشهورة ؟؟ موتورها أقوى يعنى ولا إيه بالظبط وهل كانت بتنزل وكيل ؟؟

[SAMEH_FOUAD]

ودى إيه اللى بيغليها عن السيفيك العادية المشهورة ؟؟ موتورها أقوى يعنى ولا إيه بالظبط وهل كانت بتنزل وكيل ؟؟

الهوندا فى منها فئتين lxi , vti وهما فئتين بس اللى بينزلوا

ال lxi : كانت ب 158 الف جنية

ال vti : كانت ب 189 الف جنية بالفرش الجلد , و 178 من غير فرش جلد

طبعا المحرك هو هو بس بيزيد على السيارة اوبشن كتير اهمهم :

1- paddle shift

2- air bags 4

3- فتحة سقف

4- نظام vsa ( الثبات الالكترونى ) ( vehicle stability assist )

5- عرض استهلاك البنزين والمسافة والكمية المتبقية

6- dvd

7- multi function

8- مصابيح امامية تكيفية يعنى لما العربية تكون محملة كل الافراد الضوء يظبط الانوار على الطريق بحيث مايكونش ضارب فوق ومالوش اى لزمة

طبعا بجانب الاوبشن بتاع الرفاهية اللى موجود فى ال base line

واوبشن الامان ( abs- ebd- immoblaizer )

[hany63]

بعد اذن سمسم بما اني راكبها
اولا ما فيهاش دي في دي
بتزيد الاتي :
جنوط اسبور اصلي
فتحة سقف
تكييف ديجيتال
٢ ايرباج اضافيه في الاجناب
شيفت في الطاره وده حكايه لوحده
طاره رياضيه جلد طبيعي
توصيلة ايبود و فلاشه
زينون اصلي
فوانيس شبوره
ملتي فنكشن
انذار اصلي
اشارات في المرايا
حلية شكمان
نواكل في الاجناب
عزل كبوت و شنطه
درجة حراره خارجيه و حساب استهلاك وقود
مع احترامي للي بيقول ميه الف ياريت يعرف هو بيقول ايه
و العربيه دي حاجه تانيه غير ال lxi كركوبه
من الاخر لو الفئه اللي فيها جلد طبيعي انت و شطارتك في الفصال اما لو من غير الفرش الاصلي نزل ٥ الاف

[hany63]

نسيت نظام الثبات الالكتروني vsa مالوش حل و انقذني بعد ربنا من حادثه جامده و النظام ده موجود في العربيات اللي بتعدي ال ٢٠٠ الف

[ahmedeihab]

السيارة سيفيك 2009
vti
من المالك الأول السيارة قطعت 73 ألف كيلو - فابريقة
صيانات فى التوكيل
الكمليات
dvd player with camera , bluetooth , gprs ready ,spoiler
ممكن تكون محتاجة كوتش
العربية دية صاحبها بيتكلم فى 145 ألف جنيه
انا شايف ان السعر ده كثير جدا"
رأيكم انتم ايه برجاء المساعدة
ــــــــــــــــــــــــــــــــــــــــــــــــــ ـــــــــــ
وانتهز هذه الفرصة العظيمة لشكر رجالة هوندا واخص بالذكر
أ / احمد إيهاب
م/ سامح
وذلك لتواصلهم معى ومساعدتى على اكمل وجه
وفعلا والله ناس مستوى رفيع وزوق عالى جدا الواحد مش عارف يقول إيه ولا إيه
الله فى عون العبد ما دام العبد فى عون أخيه
ألف شكر

العربيه دى غاليه 10 الاف جنيه على الاقل حلو اوى عليها 135 الف علشان ال 73 ألف كيلو

بس اهم حاجه تطلع بيها على التوكيل على طول

هتحجز و تدفع 450 جنيه

و كل حاجه هتطلعلك على العربيه دى

و موفق ان شاء الله

و يافندم احنا معملناش غير الواجب ربنا يديم المحبه

^_^