مقابلة وحوش الهونداوية بشكل جديد

[SAMEH_FOUAD]

[frame="7 80"]

اذيكوا ياهونداوية عاملين اية , يارب تكونوا بخير

ان شاء الله بناء على رغبة ناس كتير جدا ان شاء الله هنعمل مقابلة فى مكان محايد وجديد وكان فكرة حيبى الاستاذ\ هانى بندارى , وفكرة جميلة الصراحة كمكان مبتكر جديد , وانا فكرت فى حاجة كدة كأوبشن اننا ممكن نخلص المقابلة ونطلع على محل جامد ونظيف بتاع سندويتشات "بابا عبدة " عند باب الفتوح فى باب الشعرية جنب زيزو على طول كفكرة يعنى

المهم ان شاء الله دية معلومات المقابلة وقبلها ب 8 ايام عشان الناس تظبط نفسها :

1- موعد المقابلة : يوم الجمعة القادمة بإذن الله

2- تاريخ المقابلة : 2012\11\23

3- مكان المقابلة : دار الاسلحة والذخيرة - صلاح سالم

4- زمن المقابلة : الساعة السادسة مساءا , ودة عشان الوقت من حلاوة الصحبة الحلوة بيمر بسرعة جدا

ان شاء الله ناس كتير هتيجى وياريت تأكيد الحضور

وطبعا الدعوة مفتوحة للبقية الاقسام ينورونا ويشرفونا

للتواصل : دة تليفونى : 01003088605 سامح ( سمسم )

[/frame]

[tarekzein]

ممتاز

هرتب أمورى وربنا يستر ووأعرف نتقابل بقى

[Mohab.Nabil]

كان نفسى احضر و الله

بس للاسف عندى امتحان يوم السبت

ان شاء الله تبقى مقابلة جميلة

بالتوفيق

[mn047]

ان شاء الله معاكوه

[SAMEH_FOUAD]

كان نفسى احضر و الله

بس للاسف عندى امتحان يوم السبت

ان شاء الله تبقى مقابلة جميلة

بالتوفيق

تتعوض ياباشا بإذن الله وربنا يوفقك فى الامتحان

[ahmedeihab]

راشـــــــــــــــــــــــــــــــق طبعــــــــــــــــــــــــــــــــا

^_^

[koshary]

يييييييييي ييييييييي ييييييي انا مسافر( بنها) يارب اعرف اخلع من المشوار ده

[Saeed-Taha]

ايه الحظ دا
يعنى يوم ما المقابلة تكون قريبة منى يبقى فى ظروف
ولما تبقى فى الهرم اجى واتوه فى الطريق مرتين ههههههههههه

تتعوض ان شاء الله

[SAMEH_FOUAD]

يعنى عملنا المقابلة فى الهرم تقولوا بعيد علينا ماتخلوها عندنا ,

نعمل المقابلة عندكوا تعتذروا ومعلش ظروف , طيب نعمل اية معاااااااكوااااااااااااا ؟؟؟؟؟

[mmharoun]

انا راشق يا سمسم وبعدين ممكن نعمل صندوق عدم حضور اللى يقول هيجى ومش يجى يدفع مبلغ فى الصندوق ولما الصندوق يتملى على اخرة يكون مكاقأة او هدية للفريق
ووحوش الهندا الكبار ليهم غرامة ضعف اللى يدفعة العضو الجديد ايه رائيكم يا شباب فى الفكرة دى
كدة الجميع حيضروا ان شاء الله

[hany63]

لو المكان ما اتغيرش انا جاي و فرصه اجرب فيكم الكاميرا الجديده بس شخشخوا جيبكم

[modyturbo]

الله عليك يا سمسم يا جاااااااامد وعلي( بابا عبده) إنشاء الله معاكوا...
الشباب لو جربوه مره هايطلبوا منك مقابلة كل يوم..

[hany_bendary]

يا جماعة لما فكرت فى موضوع الأسلحة والذخيرة فكرت فيه بعد ما جربته أنا وزوجتى الصراحة

المكان جميل جداً

رسم دخول السيارة من البوابة للباركينج 7 جم

مفيش أى رسوم لدخول حمام السباحة والكافتيريا بتاعته أو لدخول الدار والكافتريات بتاعته وأسعار المشروبات رائعة

المكان شيك أوى ومحترم ونقدر نقعد فيه مع بعض بكل إرتياحية

المكان أعتقد أنه مناسب للجميع فطريق صلاح سالم يوم الجمعة بيبقى فاضى جداً

أتمنى أن أكبر قدر ممكن من الأخوة يحضر وأن شاء الله أكيد الكل حيستمتع

أما بقى موضوع بابا عبده فمش هتكلم عليه وكمان فيه زيزو جنب منه يعنى مفيش مشكلة خالص فى موضوع الأكل

بالتوفيق وتحياتى للجميع

[hany63]

بقترح نيجي الساعه تلاته عشان نستفيد من ضوء النهار في التصوير واوعدكم بصور تحفه و خصوصا النيكون ال slr رهيبه
اهم حاجه يكون فيه خضرا و مناظر طبيعيه عشان الباك جراوند بتاع الصور و كمان كل واحد جاي هصوره صوره لوحده بورتريه يحطها على البرفايل بتاعه و مش حيلاحق على الموزز حتى اسألوا اصحابي

[abo-berry]

طبعا نظرا للظروف اللي بتمر بيها سينا الحبيبة فابالتالي مش هشوف الأسفلت لفتره كده، سامحوني يا رجالة وتتعوض بقي في مقابلة تانية انشاء الله