صور مقابلة الهونداوية 23/11/2012

[SAMEH_FOUAD]

بسم الله الرحمن الرحيم

اذيكوا ياهونداوية بجد نورتونا الصراحة المقابلة بتاعة امس

وان شاء الله متجمعين فى الخير دائما , وعلى خير ان شاء الله

ونوجة الشكر للاستاذ هانى بندارى على المكان الجميل دة لانها فكرتة

ونوجة كل الشكر والتقدير للاستاذ hany63 على تصويرة امس بالكاميرا الجميلة واللى بجد صورنا بكل احترافية , ربنا يباركلة فى الكاميرا يارب

وطبعا كالعادة الوقت عدى هوااااااااااااا , ومحسناش بالوقت نهائى

بشكر حضور كل من السادة :

[gdwl]
ا/ هانى .... hany63

احمد عاصى .... ahmed assy

احمد ايهاب .... ahmed ehab

محمد علام ..... mohamed allam

احمد ..... mody turbo

محمد

احمد زيد ..... mzeid

محمد زيد ... mzeid

هانى بندارى .... hany_bendary

خالد ...... khaled_fox

سامح ....... semsemkane
[/gdwl]


ودية شوية معلومات كدة على المقابلة

المكان : دار الاسلحة والذخيرة اللى على طريق صلاح سالم

طبعا بقى مش عايز اقولكوا الهوندات فى الباركينج ماشاء الله ربنا يحميهم منورين كدة

وطبعا كالعادة ال test drive الجميل وعمل الصيانات اللازمة لكل سيارة


وبعد كد ة طلعنا على طريق صلاح سالم الساعة 12 مساءا وكانت الدنيا فاضية والجو جميل

والجرى اجمل , والهونداوية رفعوا شعار


وماشاء الله الهوندات قاموا بالواجب وعرفوا صلاح سالم يعنى اية هوندات بتجرى

بجد سيموفونيات رائعة من العزم المنفرد مالوش حل مع كمية ال vtec اللى فتح تقريبا كنا 6 عربيات فيهم vtec وكلنا مركبين فلاتر اسبور حاجة تشرح القلب والناس كانوا بيتفرجوا علينا بس ومن المنظر

ملحوظة كل السيارات اللى كانت موجودة ( 6 سيارات سيفيك الجيل الخامس وواحدة بريليود ) يعنى جيش هوندات ماشى على الطريق بيجرى

ربنا يحميكوا ياهونداوية

واتجهنا الى محل ( بابا عبدة ) فى باب الشعرية بجد راجل تحفة واكلة تحفة والحمد لله فضلنا قاعدين للساعة 12.30 صباحا ومش عايزين اليوم يعدى بجد

وبجد ربنا يديم المحبة والمعروف ونتقابل دائما ياهونداية وشكرا جدا على اليوم السعيد وان شاء الله نعمل مقابلة قريب بإذن الله تانية واتمنى من باقى الاعضاء الحضور اللى كان نفسنا نشوفهم

واسيبكوا مع الصور الجميل
















اللى اللقاء فى مقابلات اخرى ان شاء الله

[hany_bendary]

بجد كنت هندم لو مجيتش

والله فعلاً اليوم إمبارح كان غريب جداً

بس الحمد لله أحلى ختام والله العظيم

الحمد لله إن المكان عجبكم والأكل كمان عجبكم

وإن شاء الله المرة الجاية نكون 20 هونداوى

المقابلة بجد كانت ناقصة حبيب قلبى وحمايا العزيز أبو بيرى (يحيي)

بقولك يا معلم سامح فى صورة كمان اللى كانت مغطية النافورة هى راحت فين ؟؟

[SYD]

تتقابلوا في الخير دايما يارب
بعتذر عن الحضور وبشكر سامح لدعوته اللطيفة للحضور
معلش تتعوض مرة تانية

والله المستعان
،
،

[EngAhmedSayed]

ماشاء الله الصور جميله
و ان شاء الى الاحسن و الاحسن
مع تحياتى بالتوفيق ان شاء الله

[AHMED_HAMDY]

والله بجد انا برضه كان اليوم جامد واسف يا بقيت الهونداويه اني مش دخلت بجد بس كان في ظروف ومعايا واحد صحبي وكان مستعجل

وشرف ليا كبير اني قابلت سمسم وخالد فوكس
احمد عاصي بقى ليل نهار معايا وحبيبي

وبعتزر اني مش دخلت سلمت على الباقيين وان شاء الله المره اللي جايه اكون اول واحد مستنيكم يا رب

[Ahmed Nasr]

ربنا يوفقكم فى الخير واكون معاكوا فى اول فرصة
ان شاء الله

[ahmedeihab]

المقابلة بجد كانت ناقصة حبيب قلبى وحمايا العزيز أبو بيرى (يحيي)

حما مين يا عسل

ده حمايا انا

انا اللى حاجز الاول و قارى الفاتحه و دافع عربون قصدى المهر

و بجد كانت مقابله ظريفه و دمها خفيف

و الهونداويه دائما متميزين فى المعلومات

و متميزين جداااا على الطريق

ربنا يحمينا ان شاء الله من كل عين

و يارب تبقى مقابلاتنا كده جميله على طول و نوصل لاننا نعمل اجتماع فى ساحه دار الاسلحه و الذخيره

و بجد انا اتشرفت بمعرفه ناس اول مره اشوفها

و فى تقدم دائم يا هونداويه

^_^

[Hamdy Masria]

من النوادر تتعمل مقابلة والصور تنزل بسرعة
واية كمان صور ماشاء الله احترافية بجد ( تسلم الأيادى يا هانى بية )
طبعا انا بعتزر عن عدم الحضور لأن معظمكم يعرف الظروف اللى عندى
وتتعوض ان شاء الله بس تكون الظروف اتحسنت واقدر احضر معاكم

[tarekomar66]

منورييييييييييين دايما يا هونداويه ومعلش تتعوض المره الجايه ان شاء الله

[hany63]

من النوادر تتعمل مقابلة والصور تنزل بسرعة
واية كمان صور ماشاء الله احترافية بجد ( تسلم الأيادى يا هانى بية )
طبعا انا بعتزر عن عدم الحضور لأن معظمكم يعرف الظروف اللى عندى
وتتعوض ان شاء الله بس تكون الظروف اتحسنت واقدر احضر معاكم

تعيش يا حمدي بيه الصور حلوه عشان الناس اللي فيها حلوه

[lord_of_egypt22]

ربنا يحميكم ويصلح احوالكم

[abo-berry]

بجد كنت هندم لو مجيتش

والله فعلاً اليوم إمبارح كان غريب جداً

بس الحمد لله أحلى ختام والله العظيم

الحمد لله إن المكان عجبكم والأكل كمان عجبكم

وإن شاء الله المرة الجاية نكون 20 هونداوى

المقابلة بجد كانت ناقصة حبيب قلبى وحمايا العزيز أبو بيرى (يحيي)

بقولك يا معلم سامح فى صورة كمان اللى كانت مغطية النافورة هى راحت فين ؟؟

ربنا يخليك يابو هاني . و إنشاء الله تتعوض في مقابلة تانية

[abo-berry]

حما مين يا عسل

ده حمايا انا

انا اللى حاجز الاول و قارى الفاتحه و دافع عربون قصدى المهر

و بجد كانت مقابله ظريفه و دمها خفيف

و الهونداويه دائما متميزين فى المعلومات

و متميزين جداااا على الطريق

ربنا يحمينا ان شاء الله من كل عين

و يارب تبقى مقابلاتنا كده جميله على طول و نوصل لاننا نعمل اجتماع فى ساحه دار الاسلحه و الذخيره

و بجد انا اتشرفت بمعرفه ناس اول مره اشوفها

و فى تقدم دائم يا هونداويه

^_^

ولا شوفت منك حاجة ياعم أنت :d :d

[abo-berry]

مشاء الله صور جميلة . كان نفسي أكون موجود بس ظروف الشغل . تتعوض إنشاء الله ومتجمعين علي خير يارجالة دايما

[ahmedeihab]

ولا شوفت منك حاجة ياعم أنت :d :d

أديك تقول مختش يا ناكر الجميييييييييييل

^_^