مشكلة في هوندا سيفيك 92 اتوماتيك كاربيراتير

[engmesk2]

السلام عليكم

عندي مشكلة في عربيتي هوندا سيفيك 92 اتوماتيك كاربيراتير وهي انها لما تسخن يعني بعد مثلا مشوار 10 او 15 كيلو الاقي ال rpm بيقل بالذات لما بدوس فرامل ونا علي الـ D ونا باخد مطب مثلا ممكن العربية تبطل مني انما لما بتكون باردة بتكون افضل ... والكلام ده برضه بينطبق في السحب .. لما بكون لسه مدور العربية بتكون سحبها عالي بحس بعد شوية انه قل...

منتظر مساعدتكم...

[SAMEH_FOUAD]

انت مشكلتك دية هتتحل لما العربية تعلى شوية , وعشان توصل للمستوى الطبيعى بتاعها لازم تنظف الكربراتير , او ممكن تعلى مسمار الهواء شوية وتشوف اية الدنيا

[engmesk2]

ال Rpm بتاع السلانسيه عندي متظبط علي 1000 بس الغريب ان العربية بعد مشوار قول 30 دقيقة تلاقي ال rpm يقل يبقي 800 ولو دست فرامل ال rpm يقل شوية واحيانا يقل كتير .. ولو انا اصلا كنت ع ال D ودست فرامل ممكن العربية تبطل مني.. ويا سلام لو كنت علي مطب .. مطبات مصر كلها تشهد بكده .. والناس اللي ورايا تقعد تزمر تييت تييت وكانهم سايقين طيارات ..

حضرتك برضه ممكن تفيدني لو قلتلي اظبط مسمار الهوا ده ازاي..؟

[ahmedeihab]

ال rpm بتاع السلانسيه عندي متظبط علي 1000 بس الغريب ان العربية بعد مشوار قول 30 دقيقة تلاقي ال rpm يقل يبقي 800 ولو دست فرامل ال rpm يقل شوية واحيانا يقل كتير .. ولو انا اصلا كنت ع ال d ودست فرامل ممكن العربية تبطل مني.. ويا سلام لو كنت علي مطب .. مطبات مصر كلها تشهد بكده .. والناس اللي ورايا تقعد تزمر تييت تييت وكانهم سايقين طيارات ..

حضرتك برضه ممكن تفيدني لو قلتلي اظبط مسمار الهوا ده ازاي..؟

كل موتور و ليه ظبطته

ياريت كود المكنه بتاعت حضرتك علشان نقدر نفيدك

^_^

[engmesk2]

عربيتي اصلها d15b3 بس عليها دلوقتي d14a3 وشكرا ليك مقدما

[ahmedeihab]

عربيتي اصلها d15b3 بس عليها دلوقتي d14a3 وشكرا ليك مقدما

معرفش بصراحه ظبطه مسمار الهوا بتاع المكن ال 14 كام

بس بص هى مسأله نسبيه

على مسمار الهوا لحد ما تحس ان السلانسيه بقا مظبوط

و نضف كربيراتير و بوجيهات و هتلاقى الدنيا ظبطت ان شاء الله

^_^

[engmesk2]

ربنا يكرمك يا استاذ احمد...

شوف هو انا فعلا شاكك في البوجيهات ... عايز حضرتك تقوللي ازاي اكشف ع البوجيهات واعرف ازاي انها وحشة او كويسة؟!!!

[ahmedeihab]

ربنا يكرمك يا استاذ احمد...

شوف هو انا فعلا شاكك في البوجيهات ... عايز حضرتك تقوللي ازاي اكشف ع البوجيهات واعرف ازاي انها وحشة او كويسة؟!!!

البوجيه أشكال تلفه

يا اما يطلع و عليه طبقه كربونيه بيضاء ( و ده كده رطوبه )

يا اما عليه طبقه كربونيه سوده ( و ده نتيجه عدم الحرق الكويس )

يا اما عليه زيت لا قدر الله (و ده بيبقى نتيجه شنبر وحش )

الاحسن

نضف الكربيراتير على البوجيه القديم و هات طقم بوجيهات جديد و ركبهم ان شاء الله الدنيا تظبط

و قولنا ايه اللى حصل

^_^

[engmesk2]

تسلم يا كبيير...

هاشوف وارد عليك ان شاء الله

[SAMEH_FOUAD]

انت مشكلتك دية هتكون من تنظيف ال racv و ال iacv , نظفهم وهتلاقى المكنة زى الفل
وموضوع انك تعلى الفاكيوم بتاع العربية هتلاقى عندك هتلاقى مسمار هواء تحدت ال map sensor على شمال, هتلاقى كدة زى مسمار عادى

[engmesk2]

تسلم يا استاذ سمسم وجاري الفحص...

[engmesk2]

معلش لو كنت اتاخرت في الرد ... انا ظبط التايمينج بتاع الاسبراتير ومسمار الهوا وعليت السلانسيه ودلوقتي العربية احسن الحمد لله .. شكرا يا رجالة ع النصايح