هوندا وبس

[lord_of_egypt22]

اول ما اشتريت العربيه كتبت موضوع الهوندا هوندا لما شديت بيها مع مرسيدس كمبروسر وخدنا ملف علي 140 والكاوتش اللي ورا الشمال عندي فرقع ويا دوب ال\ركسيون اتهز في ايدي علي استحياء
امبارح حصل موقف فكرني بعربيتي الهوندا ربنا يمسيها بالخير
انا في الرياض حاليا وبركب عربية زميلي
هي شيفورليه كابريس 2000
طول ايه وعرض ايه وفخامة ايه وامكانيات واوبشن في الخيال
المهم انا كنت طالع من اشاره علي تقاطع بزاويه قايمة وكان في ميه في زاويه الملف
بعد ما العربيه عدت فوق الميه واتعدلت العربيه اللي قدامي هدت فدوست فرامل بسيطه قبل ما العربيه تكون مستقيمه تماما
وعنيك ما تشوف الا النور
دريفت شمال في يمين في شمال:
وكأني ماشي علي شحم اسو من الاصلي
لميت العربيه بالعافيه وقلت الله يرحمك يا سيفيك يا 1500
والله يحرقك يا كابريس ويحرق الدفع الخلفي ويحرق ال5700 سي سي بتوعك
انتو وحشتوني قوي يا رجاااااااااااااله

[AHMED_HAMDY]

هههههههه
والله انا داخل مفكر هباركلك على انك جيبت هوندا ولا حاجه
والله انت اللي وحشتنى ومفتقدين مشاركاتك بجد

[lord_of_egypt22]

هههههههه
والله انا داخل مفكر هباركلك على انك جيبت هوندا ولا حاجه
والله انت اللي وحشتنى ومفتقدين مشاركاتك بجد

ربنا يكرمك بس لسه مطلعتش رخصه سعودي
ولازم علشان تشتري هنا يكون معاك رخصة قياده
الاكورد 2005 شكلها عاجبني اوي
ناوي عليها ان شاء الله
السيفيك هنا تقريبا مش موجوده
ادعولي
انا الحمد لله حجيت ودعيت ليكم كلكم والله يتقبل

[S O P H O S]

الهوندا هوندا مهما حصل

[SAMEH_FOUAD]

ابو ايمن حبيب قلبى عامل اية يابرنس فى الغربة , ربنا معاك ياباشا

والف مبروك ياحج ايمن على الحجة وربنا يتقبلها منك ان شاء الله ويتقبل دعائك

وحبيب قلبى الهوندا هوندا لا يمكن تتعوض , ابدااااااااااااا , صدقنى انا ركبت كتير مالقيتش كفائة زى الهوندا فى الفئة بتاعتها او حتى الفئة الا فى الالمانى العريق طبعا كلنا عارفينهم مش محتاجة

وياباشا ربنا يوفقك وتجيب هوندا اكورد 2013 مش 2005

وابقى خلينا نسمع صوتك ياباشا ونشوف مشاركاتك فى المنتدى على طول

وانت اللى ليك وحشة ياابو ايمن

[abogharib]

ههههه كنت طالع من اشاره و دوست فرامل بسيطه و العربيه عملت دريفت شمال و يمين ههههه دا انت يمكن مكنتش سرعه ال 20 علشان تعمل كل ده اصلا

[hany63]

وانا العجله الاماميه لما ضربت وانا ماشي بسرعه على طريق السويس العربيه ولا الهوا و لا سنة حدفه و قبل كده لما فاديت الكارو فجاءه تحس زي ما تكون اتشالت من حاره و اتحطت في الحاره اللي جنبها
و في رايي الهوندا بالنسبه للامان زي الالماني المحترم
يعني لما نزل الجيل التاسع و العربيه عليت هنا بقى في خطوره ان العربيه تعرض في الملفات لو اتخدت بسرعه عاليه راحوا مخليين نظام الثبات المساعد vsa كتجهيز اساسي اللي بينزل في العربيات من ربع مليون و طالع
و كل واحد عمال يقول لك غاليه و ناسيين ان العربيه موقف ممكن تتعرض له في اي لحظه و ربنا يسترها على الكل قبل اي شئ

[lord_of_egypt22]

ابو ايمن حبيب قلبى عامل اية يابرنس فى الغربة , ربنا معاك ياباشا

والف مبروك ياحج ايمن على الحجة وربنا يتقبلها منك ان شاء الله ويتقبل دعائك

وحبيب قلبى الهوندا هوندا لا يمكن تتعوض , ابدااااااااااااا , صدقنى انا ركبت كتير مالقيتش كفائة زى الهوندا فى الفئة بتاعتها او حتى الفئة الا فى الالمانى العريق طبعا كلنا عارفينهم مش محتاجة

وياباشا ربنا يوفقك وتجيب هوندا اكورد 2013 مش 2005

وابقى خلينا نسمع صوتك ياباشا ونشوف مشاركاتك فى المنتدى على طول

وانت اللى ليك وحشة ياابو ايمن

والله انتو واحشني اكتر وربنا يكرمك يا سامح يا كبير ويخليك للمنتدي

[lord_of_egypt22]

ههههه كنت طالع من اشاره و دوست فرامل بسيطه و العربيه عملت دريفت شمال و يمين ههههه دا انت يمكن مكنتش سرعه ال 20 علشان تعمل كل ده اصلا

والله كلامك صح
يا دوب 30 كيلو بس الواضح انها عشان دفع خلفي والعجل الأمامي في اتجاه مخالف لاتجاه القوي الدافعه من الخلف حصل كده مع الميه وربنا يستر

[ahmedeihab]

الهوندا حلوه مفيش كلام :d

^_^

[Mhmdz]

هههههههه
والله انا داخل مفكر هباركلك على انك جيبت هوندا ولا حاجه
والله انت اللي وحشتنى ومفتقدين مشاركاتك بجد

++++++++++++++++++++++++++++++++