هوندا سيفيك 1993 ولا بي إم دابليو 316i

[بسام محمد]

السلام عليكم ,
بعد إذنكوا يا جماعة أنا لسة جديد هنا و كان عندي أستفسار بسيط .... انا دلوقتي قدامي هوندا سيفيك 1993 ب جنوط 15 سبور و سبويلر و فتحة سقف بس مشكلتها إن مفيهاش موتور ف الميكانيكا الخاص بوالدي قال لي إن موتورها أمرو سهل و هو 1600 سي سي 135 ل 138 حصان من بور سعيد و قال إن التكلفة من 5500 ل 7500 و العربية دي واقفة عليا ب 30 ألف من غير تكلفة الموتور مع العلم إنها بوية المصنع من الداخل و رشة جنب من الخارج..... و قدامي بي إم دابليو 316i موديل 1995 عامله 56 ل 59 ألف و حالة مش بطالة ف ممكن بعد إذنكوا أعرف أختار إيه مع العلم إني بعشق الهوندا سيفيك و شايف فرق في قوة الموتور حيث البي إم دابليو بتدي 105 حصان و السيفيك موتورها ال 1600 حيدي 138 ف ممكن الرد السريع بعد إذنكوا

[AHMED_HAMDY]

ههههه فكرتني بنفسي من ٤ سنين وشويه نفس المقارنه ونفس الحيره بين الموديلين دووووول بس ف الاخر اختارت السيفيك لكذا سبب
وبعديع بسنه صاحبي جاب ٣١٦ والله مش مرمتها نص بهدلتي واستعمالي والعربيه ضاعت خاااالص فحمد ربنا على اختياري
لو الهوندا من غير موتور والسعر ده اتوكل على الله موضوع الموتور امره سهل والهوندجاا ى اقو وحتى من ال ٣١٨ كمان

[MohammedAladel]

محركها من 5500 ل 7500 ؟؟

محرك ميجان ii استيراد بيعمل ال 5500

هو عامة أنا ملاحظ ا رتفاع أسعار قطع غيار الهوندا بشكل عام

وفى نفس الوقت سعرها مستعمل كويس برضه ماسكة سعر

أنا عايزك تسأل على محركها الأول وتتأكد من حالة العربية إنها عايزة موتور بس مش حاجة تانى لأن فيه فتيس وعفشة
وشكمان

لازم تتأكد من إن العربية دى مفيهاش حاجة غير الموتور

[MohammedAladel]

محركها من 5500 ل 7500 ؟؟

محرك ميجان ii استيراد بيعمل ال 5500

هو عامة أنا ملاحظ ا رتفاع أسعار قطع غيار الهوندا بشكل عام

وفى نفس الوقت سعرها مستعمل كويس برضه ماسكة سعر

أنا عايزك تسأل على محركها الأول وتتأكد من حالة العربية إنها عايزة موتور بس مش حاجة تانى لأن فيه فتيس وعفشة
وشكمان

لازم تتأكد من إن العربية دى مفيهاش حاجة غير الموتور

[hany63]

استنى سمسم هيجيبلك من الاخر حتى لو عايزه لبن العصفور

[SAMEH_FOUAD]

السلام عليكم ,
بعد إذنكوا يا جماعة أنا لسة جديد هنا و كان عندي أستفسار بسيط .... انا دلوقتي قدامي هوندا سيفيك 1993 ب جنوط 15 سبور و سبويلر و فتحة سقف بس مشكلتها إن مفيهاش موتور ف الميكانيكا الخاص بوالدي قال لي إن موتورها أمرو سهل و هو 1600 سي سي 135 ل 138 حصان من بور سعيد و قال إن التكلفة من 5500 ل 7500 و العربية دي واقفة عليا ب 30 ألف من غير تكلفة الموتور مع العلم إنها بوية المصنع من الداخل و رشة جنب من الخارج..... و قدامي بي إم دابليو 316i موديل 1995 عامله 56 ل 59 ألف و حالة مش بطالة ف ممكن بعد إذنكوا أعرف أختار إيه مع العلم إني بعشق الهوندا سيفيك و شايف فرق في قوة الموتور حيث البي إم دابليو بتدي 105 حصان و السيفيك موتورها ال 1600 حيدي 138 ف ممكن الرد السريع بعد إذنكوا

موضوع مين افضل السيفيك ولا ال bmw دة مش هتكلم فية

موضوع المحرك , نادرا ماهتلاقى المحرك الاصلى بتاعها بيتباع ولو لقيتة سعرة هيكون 7500 جنية شامل كل حاجة ومش وارد اليابان , لأ هيكون وارد شرق اسيا وغالبا هونج كونج
ثانيا : قوة المحرك الاصلى بتاع السيفيك يتراوح مابين 130 الى 137 حصان ودة بينزل فى دول معينة مش فى كل الدول والغالب هيكون 130 حصان وكود المحرك d16a9

لكن تقدر انت تقلل التكلفة دية كلها بحاجة بأنك تجيب محرك d16z6 ودة المحرك الاصلى بتاع السيفيك الجيل الخامس وارد امريكا ودة بيكون 125 hp , وكامة واحدة ومزود بنظام vtec
وسعرة من 4500 -5000 جنية على حسب الحالة وبيكون شامل ( الضفيرة - الكنترول - الفتيس ) وتسقيطة بيتكلف 700 جنية للميكانيكى و 800 للكهربائى , وهتجيب جنبين كبالن ب650 جنية وشكرا على كدة دة مصاريفك للعربية وتبقى خلصتها ( كهرباء - ميكانيكا ) ومعلش نسيت بردة حاجة كمان هتضطر تغير ال Select بتاع الفتيس عشان المحرك دة الفتيس بتاعة بيبقى فية 1,2 , d3,d4 بعكس ال d16a9 بيبدأ على طول من 2 وزود بس 200 جنية

يعنى لو قولنا ( 5000 + 700+800 + 650+200 ) = 7450 هنقول 7500 جنية + 30000 الف جنية بتوع العربية يعنى 37500 جنية محصلتش حتى تمن ال ex , طبعا انت الكسبان بكتيييييير
لان العربية دية تمنها فى السوق حاليا حالتها نظيفة بيبدأ من 48 الف جنية

عندك كل حاجة قدامك ولك مطلق الاختيار

[AHMED_HAMDY]

انا هضيف حاجه كمان على كلام الاستاذ سامح وهيا انت وشطاتك ممكن تجيب بال 5500 كله اللي قال عليه + الكبالن كمان وحسب التاجر الي هتجيب منه يعني كمان ممكن تقلل في الاسعار اللي قال عليها بس صنايعه الكهربائي والتسقيط هتبقى ثابته مش هتعرف تقلل منها كثير
وبالنسبه للاستاذ محمد عادل والله بجد الهوندا واخده سمعه وحشه في حياتك قطع الغيار الغاليه دي على الفاضي
ومتنساش حتى لو وافقت حضرتكوقولت غاليه اظن مشوتش قطع غيار معمره زي الهوندا بجد
انا هتكلم على اخر حاجات شاريها استيراد اما يبقى مقصيين سفلي كاملين ب 200 جنيه بالبيض والجلب وكل حاجه دي غاليه ومقصين علوي ب 150 جنيه !!!! و 200 جنيه بالكثير
فتر بنزين ياباني اصلي ب 150 جنييه ؟؟؟ غير التيواني اللي ب احيانا ب 50 جنيه !!!! تيل فرامل رخيص مش غالي
شوف اسعار مواتيرها رخيصه جدا حضرتك بتقول من 5500 ل 7000
انا شايف عكس كدا هيا ممكن الي في مصر من 2500 ل 15000 واكثر
في مواتير كربراتير محدش بيركبها ورخيصه جدااا واحيانا ناس بتبيعها على سعر قليل
غير عندك بقى الحاجات اللي تاخد منها هورس باور عالي SIR & type R & gsr دول من 160-200 وشويه حصان لازم اسعارها تبقى عاليه !! وكل واحد حسب امكانيتاته
يعني الهوندا انا اقيمهاا حاجاتها معقوله مش غاليه ولا رخيصه ^_^

[AHMED_HAMDY]

..........................................

[Mhmdz]

توكل على الله وخليك فل الهوندا و انشاء الله مش هتندم ابدا وكفاية ان السعر دة مش هتلاقية وان انتا الى هتعمل العربية على ايدك وتكون اول واحد راكب المكنة الى هتكون لسة بحالتها "يعنى كسبان من الاخر"

[Mhmdz]

محركها من 5500 ل 7500 ؟؟

محرك ميجان ii استيراد بيعمل ال 5500

هو عامة أنا ملاحظ ا رتفاع أسعار قطع غيار الهوندا بشكل عام

وفى نفس الوقت سعرها مستعمل كويس برضه ماسكة سعر

أنا عايزك تسأل على محركها الأول وتتأكد من حالة العربية إنها عايزة موتور بس مش حاجة تانى لأن فيه فتيس وعفشة
وشكمان

لازم تتأكد من إن العربية دى مفيهاش حاجة غير الموتور

بالنسبة لكلامك المكنة بتيجى بالفتيس والضفيرة والكنترول يعنى كل حاجة

[بسام محمد]

شكرا يا جماعة للردود و شكر خاص لسمسم

[بسام محمد]

الف شكر ياباشا لردك و لكل اللي ردوا بس بعد إذنك لو سؤال كمان بس انا الميكانيكي لما سألته مكلمنيش عن التفاصيا أوي كل اللي قالوا إنه الموتور 1600 بيعمل حوالي من 135 ل 138 حصان ف ممكن بعد إذنك توضحلي شوية ...بحيث أديلو تفاصيل نجيب علي أساسها الموتور

[بسام محمد]

موضوع مين افضل السيفيك ولا ال bmw دة مش هتكلم فية

موضوع المحرك , نادرا ماهتلاقى المحرك الاصلى بتاعها بيتباع ولو لقيتة سعرة هيكون 7500 جنية شامل كل حاجة ومش وارد اليابان , لأ هيكون وارد شرق اسيا وغالبا هونج كونج
ثانيا : قوة المحرك الاصلى بتاع السيفيك يتراوح مابين 130 الى 137 حصان ودة بينزل فى دول معينة مش فى كل الدول والغالب هيكون 130 حصان وكود المحرك d16a9

لكن تقدر انت تقلل التكلفة دية كلها بحاجة بأنك تجيب محرك d16z6 ودة المحرك الاصلى بتاع السيفيك الجيل الخامس وارد امريكا ودة بيكون 125 hp , وكامة واحدة ومزود بنظام vtec
وسعرة من 4500 -5000 جنية على حسب الحالة وبيكون شامل ( الضفيرة - الكنترول - الفتيس ) وتسقيطة بيتكلف 700 جنية للميكانيكى و 800 للكهربائى , وهتجيب جنبين كبالن ب650 جنية وشكرا على كدة دة مصاريفك للعربية وتبقى خلصتها ( كهرباء - ميكانيكا ) ومعلش نسيت بردة حاجة كمان هتضطر تغير ال select بتاع الفتيس عشان المحرك دة الفتيس بتاعة بيبقى فية 1,2 , d3,d4 بعكس ال d16a9 بيبدأ على طول من 2 وزود بس 200 جنية

يعنى لو قولنا ( 5000 + 700+800 + 650+200 ) = 7450 هنقول 7500 جنية + 30000 الف جنية بتوع العربية يعنى 37500 جنية محصلتش حتى تمن ال ex , طبعا انت الكسبان بكتيييييير
لان العربية دية تمنها فى السوق حاليا حالتها نظيفة بيبدأ من 48 الف جنية

عندك كل حاجة قدامك ولك مطلق الاختيار

جبت من الأخر ياباشا تسلم و ألف شكرا بس ياريت شوية توضيح منك أكتر في خواص الموتور

[MohammedAladel]

الأستاذ سمسم فكرته فى إن هتجيبلها موتور غير موتورها الأصلى الأوريجينال

طبعا المواتير الاستيراد عايزة حد يكون فاهم فيها عشان يقيم حالتها وعشان محدش يضحك عليك

وياريت لو الأستاذ سمسم يقول لصاحب الموضوعع عن أماكن البيع بحيث إنه يقدر ياخد لفة ويسأل على الأسعار عن قرب

وسؤال للأستاذ سمسم هل ينفع يركبلها محرك sir ويكون تكلفته كام دا ؟؟؟

[بسام محمد]

الأستاذ سمسم فكرته فى إن هتجيبلها موتور غير موتورها الأصلى الأوريجينال

طبعا المواتير الاستيراد عايزة حد يكون فاهم فيها عشان يقيم حالتها وعشان محدش يضحك عليك

وياريت لو الأستاذ سمسم يقول لصاحب الموضوعع عن أماكن البيع بحيث إنه يقدر ياخد لفة ويسأل على الأسعار عن قرب

وسؤال للأستاذ سمسم هل ينفع يركبلها محرك sir ويكون تكلفته كام دا ؟؟؟

هو كلام حضرتك ده معناه إنه مش حيكون v-tec ولا إيه عايز أفهم ولا حيكون v-tec بس مش الأصلي من اليابان و حاجة كمان هو فعلا مكنة ال sir ينفع و لو ينفع ياريت نعرف التكلفة بتاعتها بالضفيرة بالفتيس بكله حيعمل كام