إوعى الجديييييييييييييد تجديد وشد سيفيك 92 si

[tamer gad]

الحمد لله ربنا كرمنى وهبدأ أشد وأجدد معشوقتى الهوندا سيفيك 92 SI
وهبدأ معاكو من أول المشوار واحدة واحدة
طبعا أنا فى الغردقة مش فى القاهرة علشان كده الموضوع كان صعب معايا شوية ،،،

أنا نزلت الحرفيين عند جاسم الميكانيكى عملت شويةصيانة للمحرك وراجعت كل حاجة تمام التمام وبعد كده رحت أنا وجاسم ناخد لفةعلى الحاجة إللى عايز أشتريها ووديت هوندتى الجميلة عند حسنى الكهربائىعلشان يراجعلى عليها كويس وربنا كرمنى وإشتريت لها جزء كبير من الحاجاتإللى عايزها زى الأبواب والرفارف والإكصدامات وطارة الدريكسيون وشماستينأمامى وأجرت عربية نقل علشان أشحنهم على الغردقة وسيبت العربية عندحسنى الكهربائى يخلصها براحتو والحمد لله شحنت البضاعة يامعلمى على الغردقةوأنا راجع الحرفيين إتصل بى حسنى وقالى إنت محتاج تغير الكمبيوتر بتاعالعربية علشان القديم فيه الفيش بتاعته مش قد كده من هنا لهنا كم ياعم حسنى 1200 جم للكمبيوتر بس وبعد مداولات وتفكير كتير قولت ماجتش على 1200 جنيهخلاص غيروه وأمرى لله وغيرت الكمبيوتر ورجعت الحمد لله على الغردقة ، وبدأت رحلة البحث عن السمكرى والبوهيجى والسروجى علشان أهد العربية خالص وفكيت الفرش عند السروجى وإتفقت معاه على ألف وخمسمائة جنيه للتنجيد والجلد والدواسة كله جديد فى جديد يابرنس ، السمكرى أول كلامه 2500 جنيه من غير الواجب بتاعنا البوهيجى 3000 جنيه على القفل بدون نقاش طبعا كل الكلام ده علشان أطلع شوية شغل تمام أتباهى بيه وبالعربية الجميلة إللى شكلها هتخرب بيتى بسبب التجديد وبدأت مرحلة مرحلة أول حاجة فكيت الفرش عن السروجى وبعد كده دخلت على الكهربائى فك التابلوه والفوانيس والكاسيت والسماعات وبعد كده السمكرى بدأ يشتغل وفك الأبواب والرفارف والإكصدامات والكبوت ورميناهم ولسة مركبناش الجديد دخلنا على البوهيجى علشان ينزل الدهانات القديمة من على جسم العربية علشان السمكرى يشتغل على نظافة والحمد لله ركبنا الأربع أبواب الجداد وحاليا السمكرى بيشتغل فى العربية شغل مزاج مزاج يعنى ودى شوية صور كده للعربية قبل وبعد الفك مرحلة مرحلة وإن شاء الله هوافيكم بالصور فى كل مرحلة وياريت إللى عندو فكرة حلوة يقوللى عليها كده وأنا شغال

ودى شوية صور قبل وبعد الفك

[ahmedeihab]

بسم الله ما شاء الله ربنا يباركلك فيها

بس انا ليا تعقيب على اللون من غير زعل

العربيه دى راشه دواخل بالكامل

القايم مكتوب عليه Gray يعنى رمادى

ربنا يتمملك الشده دى على خير

^_^

[SAMEH_FOUAD]

بسم الله ما شاء الله ربنا يباركلك فيها

بس انا ليا تعقيب على اللون من غير زعل

العربيه دى راشه دواخل بالكامل

القايم مكتوب عليه Gray يعنى رمادى

ربنا يتمملك الشده دى على خير

^_^

يابو حميد ال gray دة لون الفرش الداخلى بتاع السيارة مش الخارجى

انت هتقلق الراجل لية بس

[abo-berry]

بسم الله ما شاء الله ربنا يباركلك فيها

بس انا ليا تعقيب على اللون من غير زعل

العربيه دى راشه دواخل بالكامل

القايم مكتوب عليه gray يعنى رمادى

ربنا يتمملك الشده دى على خير

^_^

هههههههههههههههه لا يا احمد ده لون الفرش مش لون العربيه , مانا عندى كده برده

[honda forever]

بسم الله ما شاء الله ربنا يباركلك فيها

بس انا ليا تعقيب على اللون من غير زعل

العربيه دى راشه دواخل بالكامل

القايم مكتوب عليه Gray يعنى رمادى

ربنا يتمملك الشده دى على خير

^_^

لأ يا باشا ال Gray ده لون الفرش مش لون العربيه

[honda forever]

مبروك مقدما يا باشا وتطلع زى مانتا عايز وأحسن

[ahmedeihab]

سورى يا رجاله مخدتش بالى من كلمه Int

لانى اول ما شفت ال gray صعقت

^_^

[buddha]

العربية محتاجة شغل جامد .... خليها تاخد وقتها وبراحتها
عشان يطلع شغل كويس
هى الستارة عاملة كدة لية اكن باكم شايل لونها!!

شكرا ليك يا باشا على تعبك معانا فى رفع الصور(جزاك الله خير)
ياريت تصور النهائى
وتقول التكلفة النهائية تماما

مشكككككككككككككككككككككككككووووووووووووووووورررررر رررررررر

[S O P H O S]

ربنا يتم الشغل لحد النهاية
علي خير ..

[Mhmdz]

الف مبروك مقدما وانشاء الله تتم على خيير

[Mhmdz]

اية الاخبار يا تامر؟؟؟

[ahmedeihab]

متاااابع

^_^

[Mhmdz]

متابع

[abo-berry]

ايه يا رجاله مستعجلين علي ايه :d
الشغل ده بيأخذ فترة عشان يطلع زي ما الكتاب بيقول

[Kareem.ElAraby]

متابع