حكايه الهوندا مع بورسعيد

[faroukzen]

انا عاوز اعرف ليه بورسعيد مشهوره اوى بالهوندا ودائما بيكون فيها عربيات كتير من ماركه هوندا هل اسعار الهوندا فى بورسعيد اقل

[Ahmed Nasr]

احنا بس زى ما تقول كده كانت من كام سنة المنطقة الحرة مفتوحة وهى انك تدفع جزء من رسوم العربية فقط وليك الخروج خارج بورسعيد لمدة 3 شهور وتكون من اهل بورسعيد ولاتبيع او تشترى الا فى بورسعيد فى المقابل كان الاستثناء انك ممكن تجيب عربية من 10سنين فاتو وما تزيدش عن 1500cc
طبعا الهوندا بالذات 92الى 2000 مميزة فى الموضوع ده خاصة انك ممكن تجيب عربية بقالها 10سنين عملة 100 الف كيلو بحالة ممتازة لان المشى هناك مسافات
وبعد كده لما المنطقة اتقفلت اللى غاوى بيدور على الهوندا النظيفة من خارج البلد
بس خلاص

[محمدصلاح]

كل بلد مشهورة بنوع معين من العربيات بيغرقها .. ما حضرتك عارف ان المصريين غاويين التقليد وبيحبوا يتدارو فى تجارب ناس اصحابهم ومعارفهم
المنصورة فيها البيجو ال 504 وال 505 لغاية دلوقتي تكتسح
اسماعيلية بيتهبلوا على الهيونداي والكيا
بورسعيد غرقانه هوندا وجولف
طنطا اعتقد الكريستالة مكتسحة
شعب بيركب مش للإستمتاع .. لأ .. بيركب علشان يعرف يبيع

[khalid_adel]

شعب بيركب مش للإستمتاع .. لأ .. بيركب علشان يعرف يبيع

حطيت ايدك علي الجرح اللي قافلني من الشعب والسوق اللي ماشي زي القطيع
خليهم يركبو النترا ب 156 ويسيبو سوبارو امبريزا ب 150 الف
وكمان خلاص حتي سعر قطع الغيار بقي قريب من بعضه مع الفارق طبعا
(فقط في مصر)

[abdulkhaleq]

شعب بيركب مش للإستمتاع .. لأ .. بيركب علشان يعرف يبيع

وجعت قلبي وفكرتني بحالنا
lol

[محمدصلاح]

خليهم يركبو النترا ب 156 ويسيبو سوبارو امبريزا ب 150 الف

يا باشا الميجان الزيرو اللى ب 140 الف تركبها بعدها بتلات اربع سنين بنص تمنها
والهيونداى الزيرو تشتريها بعد تلات اربع سنين اغلى من تمنها لما كانت جديدة

[محمدصلاح]

وجعت قلبي وفكرتني بحالنا
lol

سلامة قلبك يا باشا :)

بس ال gmc مش راكبة خالص على الفيرنا هههه

[abdulkhaleq]

سلامة قلبك يا باشا :)

بس ال gmc مش راكبة خالص على الفيرنا هههه

ههههههههههه
ماهو ده فرق البلدان ياباشا
ال GMC دي كانت ارخص من الالانترا هنا

[Mhmdz]

حطيت ايدك علي الجرح اللي قافلني من الشعب والسوق اللي ماشي زي القطيع
خليهم يركبو النترا ب 156 ويسيبو سوبارو امبريزا ب 150 الف
وكمان خلاص حتي سعر قطع الغيار بقي قريب من بعضه مع الفارق طبعا
(فقط في مصر)

++++++++++++++++++++++++++

[hany63]

لو رجعنا لسنة ٩٢ هنلقى موديلات الهوندا كان شكلها عامل زي مركبات الفضاء بالنسبه لباقي الماركات و الناس كلها كانت مبهوره بيها و ايامها على ما اعتقد كانت الجمارك بتوصل ل ١٠٠ في الميه حتى للسعه اللتريه ما تحت ال ١٦٠٠ و كانت الاسعار بتتراوح من ٩٠ ل ١٤٠ الف و ده ايام ما كان الدولار اقل من اتنين جنيه يعني نص مليون بقيمة النهارده
فطبيعي كل سكان بورسعيد لما يلقوا انهم هيشتروا من غير جمارك لازم كلهم يركبوا هوندا

[Invensys2011]

حطيت ايدك علي الجرح اللي قافلني من الشعب والسوق اللي ماشي زي القطيع
خليهم يركبو النترا ب 156 ويسيبو سوبارو امبريزا ب 150 الف
وكمان خلاص حتي سعر قطع الغيار بقي قريب من بعضه مع الفارق طبعا
(فقط في مصر)

على فكرة الكوري ناجح مش في مصر بس.ده ناجح في دول كتير
شركة هيونداي و كيا في المركز الرابع على مستوى العالم

[khaleddapino]

غوييين جرى و عربيات نظيفه يمكن ده السبب :)

[khalid_adel]

على فكرة الكوري ناجح مش في مصر بس.ده ناجح في دول كتير
شركة هيونداي و كيا في المركز الرابع على مستوى العالم

انا معاك جدا في اللي بتقوله بس للاسف ده بره بس لان العربيه كلها بتبقي مختلفه تماما وطبعا وسائل الامان اللي مش بنشوفها في مصر كامله ابدا حتي في النسخة الفوللي لوديد وسوبر اكشن كمان بالشطه والليمون
لكن مثلا شركه زي سوبارو مش بتغير مكوناتها ولا خاماتها ولا طبعا وسائل الامان من بلد لبلد وشوف بعد كل ده سعرها كام
وطبعا ينطبق الكلام ده علي الصانع الاوروبي عامه لانه محترم في صناعته ولايقبل التنازل عن معاير الجوده او الامان عكس الكوري اوبشن من غير اي جوده او امان

[Ahmed Nasr]

حطيت ايدك علي الجرح اللي قافلني من الشعب والسوق اللي ماشي زي القطيع
خليهم يركبو النترا ب 156 ويسيبو سوبارو امبريزا ب 150 الف
وكمان خلاص حتي سعر قطع الغيار بقي قريب من بعضه مع الفارق طبعا
(فقط في مصر)

موافقكم انتم الاتنين لأن اسعارنا اساسا غالية بالاضافة ان مش كل عربية تعجبك قطع غيارها متوفرة فى مكان اقامتك