سؤال فى السحب بتاع السيفيك

[yassermshok]

السلام عليكم يا شباب

عندى سؤال كده بخصوص السحب بتاع العربية

أنا الحمد لله ربنا أنعم عليا و اشتريت سيفيك 2008 من 3 شهور, جبتها مستعملة و كانت عاملة 20000 كم, و الحمد لله العربية تمام و زى الزيرو.

فى واحد صاحبى معاه سيفيك برضة 2008, لما سوقت عربيته حسيت ان التسارع عنده أعلى من عندى, لما بجيب الd و أشيل رجلى من على الفرامل العربية بتجرى عنده.

انما فى عربيتى لما بجيب الd و اشيل رجلى من على الفرامل العربية بتمشى أبطاء بشكل ملحوظ.

أنا عربيتى راكب فيها الجنط ال16 و هو عنده ال ال15 الستوك, و كنت قريت ان الجنط لما بيكبر ممكن يأثر على تسارع العربية.

هل فى هنا لما ركب الجنط ال16 حس ان التسارع قل ؟

أو المشكلة دى ممكن تكون بسبب اية؟

[SAMEH_FOUAD]

شوف ياباشا طالما انت مركب الجنط المظبوط على مقاس عربيتك واللى بيكون recommended من المصنع خلاص يبقى انت كدة فى الامان , لكن بقى لو ملغبط فى مقاسات الكاوتش اقولك اة يبقى من دة

- بالنسبة بقى للى عندك فدة راجع من حاجات معينة :

1- دواسة البنزين حاول تشيل اى حاجة تحتيها بحيث انها تكون حرة , والعيب دة تفضل مشكورا الاستاذ hany63 وحذر منة مالكين الجيل الثامن والتاسع

2- العربية ممكن ماتكونش متفتحة كويس وصاحبك دة بيجرى بيها ومعودها على الجرى

شوف الحاجتين دول ان شاء الله مش هتخرج منهم

[haythamkmal]

طبعا زى ما قال سامح بالاضافة الى الاتى :

- فى تحديثات نزلت لسوفت وير العربية والفتيس فى التوكيل ، اتاكد انهم معمولين
- فلتر الهواء بيفرق جدا فى العربيه اتاكد انه نظيف

[hany63]

احب اضيف حاجه انك تغير البنزينه خليك في وطنيه او شل او توتال و تحط انجكشن كلينر stp او ليكوي مولي على التفويله بس تقرص عليها يعني خلي النقلات فوق ٤٠٠٠ لفه و يستحسن تعمل الموضوع ده يوم جمعه عشان الشوارع تساعدك و غير الفلتر بتاع الهوا بالمره و هتلقى العربيه انشاء الله بتطير و ياريت تراجع على الضغط بتاع الكاوتش و تخليه نتروجين و اظبطه على ٣٢ و هو من نفسه بعد كام يوم هيرجع على ٣٠

[sanhory]

انا مش عارف افيدك ازاي طبعا كلام رجالة الهوندا شافي و كافي بس كل اللي اقدر اقولهولك اني لما بشيل رجلي من عالفرامل العربية بتمشي علي سرعة 9 كم\ساعة

[hany63]

انا مش عارف افيدك ازاي طبعا كلام رجالة الهوندا شافي و كافي بس كل اللي اقدر اقولهولك اني لما بشيل رجلي من عالفرامل العربية بتمشي علي سرعة 9 كم\ساعة

جنوطك كام؟
عشان انا اخرها ٧ كم
وعلى فكره مش كل وقت تطلع بنفس السرغه الموضوع راجع لدرجة الحراره و الرطوبه و الزحمه عشان كثافة الهوا بتتغير

[sanhory]

جنوطك كام؟
عشان انا اخرها ٧ كم
وعلى فكره مش كل وقت تطلع بنفس السرغه الموضوع راجع لدرجة الحراره و الرطوبه و الزحمه عشان كثافة الهوا بتتغير

الجنوط الاستوك ال 15

بس لا انا ركزت قوي مع الحتة دي لقيتها دايما بتطلع لحاد 9 كم و تقف تحت اي ظرف بس طبعا الطريق ميكونش مايل

[hany63]

الجنوط الاستوك ال 15

بس لا انا ركزت قوي مع الحتة دي لقيتها دايما بتطلع لحاد 9 كم و تقف تحت اي ظرف بس طبعا الطريق ميكونش مايل

طب انا هجرب بكره و اشوف
تيجي نتبادل و تاخد الجنوط الاسبور الاصلي و تجيب الحديد؟

[sanhory]

طب انا هجرب بكره و اشوف
تيجي نتبادل و تاخد الجنوط الاسبور الاصلي و تجيب الحديد؟

هههه كل ده عشان ال 2 كم الفرق دول

انا معنديش مانع والله

[A.Adel]

ياريت تراجع على الضغط بتاع الكاوتش و تخليه نتروجين و اظبطه على ٣٢ و هو من نفسه بعد كام يوم هيرجع على ٣٠

معلش سؤال صغير كده ملوش علاقة بالموضوع

مش المفروض إن النيتروجين ضغطه مش بيتغير ؟؟!!
أصلي هيغير كاوتش قريب و ناوي أحط نيتروجين

شكرا مقدما :)

[hany63]

معلش سؤال صغير كده ملوش علاقة بالموضوع

مش المفروض إن النيتروجين ضغطه مش بيتغير ؟؟!!
أصلي هيغير كاوتش قريب و ناوي أحط نيتروجين

شكرا مقدما :)

عشان بيبقى اول مره في نسبة هوا بسيطه و دي اللي بيحصلها تسرب فبتزود نتروجين اول مره بعد اسبوعين بعد كده شيك كل شهر

[hany63]

هههه كل ده عشان ال 2 كم الفرق دول

انا معنديش مانع والله

ما يغلوش عليك

[sanhory]

ما يغلوش عليك

تسلم يا باشا بس اوعى تعمل كده شكل العربية حيبقى مش حلو و بذات ان عربيتك 2010
عموما لو شاكك في حاجة في الجنوط بتاعتك و عايز نتقابل و نبدل و تجرب عربيتك بال 15 انا معنديش مشكلة

[A.Adel]

عشان بيبقى اول مره في نسبة هوا بسيطه و دي اللي بيحصلها تسرب فبتزود نتروجين اول مره بعد اسبوعين بعد كده شيك كل شهر

يعني لو زودت هوا عادي على النيتروجين ,كده مش هيبقى ليه لازمة ؟؟

يا ريت لو حد يعرف مكان كويس بيملى نيتروجين في التجمع الخامس يقولي عليه
أو إيه المراكز الكويسة عموما ؟

[hany63]

يعني لو زودت هوا عادي على النيتروجين ,كده مش هيبقى ليه لازمة ؟؟

يا ريت لو حد يعرف مكان كويس بيملى نيتروجين في التجمع الخامس يقولي عليه
أو إيه المراكز الكويسة عموما ؟

اه طبعا ما ينفعش تحط هوا على نتروجين
المفروض اول مره العامل بعد ما بيسحب الهوا على الاخر يملى نتروجين لحد ضغط 15 بار و يرجع يسحبه عشان يطلعه مع باقى الهوا و يملا تاني على 30
وللاسف ما اعرفش حد في التجمع بس اعتقد لو سألت تلاقي و اقرب حد ليك ارابكوم مدينة نصر يمين من الاوتوستراد قبل الشارع اللي بيدخلك سيتي ستار