lمساعدة فى تغير موتور العربية والله المستعان

[shedid20]

السلام عليكم ورحمة الله بركاته
ازيكم يا رجالة وركيبة الهوندا, انا عندى مشكلتين وربنا مايجيب مشاكل لحد يارب
اولا العربية من ساعت ماشتريتها من شهر 2 2012 والموتور بياكل زيت وبدخن بسيط بس كانت ماشية تمام وسحب وجرى وكله تمام, بعد حوالى شهرين من شراها ضربت جوان وش السلندر فاكناها وعامناها وجبنا ليها الجوان جرنجرى علشان الموتور من جوة مش تمام ومش حيقفل على الجوان المعدن بتاعها, الموتور zc 1600vtiec تمام كدا يا رجالة, الميكانيكى قالى شوية كدا ولازم تغير الموتور ده علشان مش تماما وخسارة تصرف عليه وفضلت ماشى عادى من 3 اسابيع كدا ضرب الجوان تانى بعد ماحرقت عليها جامد قوى علشان كنت بجربها بعد ماظبت فيها حاجة كانت منورة لمبة الاعطال ومطلعة عينى لحد ماروحت لمحمد على فى الحرفيين وطلع سلك الحرارة البسمع فى الكونترول ويخليها تظبط العلو والوطو وحرقى البنزين فكنت بقا راجع فرحان وكنت مبهدل بيها طريق الاوتستوراد الدائرى من شيراتون لحد مدينة نصر واول متوصلت مدينة نصر الحرارة رفعت ونزلت وحاجات غريبة كدا, و بعدين ظبطت لحد تانى يوم وانا ماشى على البلد مسافر يوم خميس بليل رفعت وحلفت ماهى نازلة الساعة 12 بليل انا ومراتى وبنتى وكنت حعيط :) المهم اقعد اداديها لحد ماوصلت الحمد لله وتانى يوم روحت للميكانيكى لاقيناها ضربت الجوان تانى قلت الحمد لله فك تانى وركبناه وجينا نربط المسامير بتاعة الجوان راح 3 مسامير حلفوا ماهم راكبين :) وطلعت عين الميكانيكى لحد ماجاب بتوع دايو لاوس وركبهم بالعافية وراح قايلى الموتور ده مش حيتفك تانى ولازم تجيب واحد خلاص المرة الجاية, المهم بقا من ساعت عملت الجوان والعربية مش عجبانى نهائى بتاكل مياه بسيط كدا يعنى كل يومين بزودلها ربع ازازة كدا ولما تيجى امشى بحس انها مخنوقة كدا وبتقعد ترعش فقلت بقا اجيب موتور وامرى لله, روحت مكلم ظاظا فى بور سعيد قالى مفيش مواتير 1600 خالص عندى دلوقتى واصبر شوية , روحت قلتله طيب معندكش بلوكة قالى فيه قلت تمام طيب zc قالى اه قلت تمام قوى علشان ال عندى zc وانا كدا كدا مش محتاج غير بلوكة وحاعمل ايه بالموتور كله وكمان انا لسا نغير الفتيش قريب المهم بقا قالى البلوكة ال عنده ال وشها اسود ال هى احفضل يعنى وقالى سعرها 3500, فأيه رأيكوا اجيبها ولا ايه وهى كدا غالية ولا ايه انا مستغليها عن نفسى ولا انا غلطان, فمفيش غيركوا بعد ربنا سبحانه وتعالى يدلنى على الخير وخصوصا عمنا سامح ربنا يجازيه عننا خير :)
ثانيا بقا مؤشر السرعة مش رادى يشتغل هو و عداد الكيلو متر مش بيعد كيلو متر قعد يشتغل شوية ويفصل لحد مقطع خالص ...
انا اسف على الاطالة والله واعذرونى لو كتابتى وحشة وربنا يكرمكم جميعا وعرباتكوا كلها تبقا زى الفل

[SAMEH_FOUAD]

اصلا ياباشا من الاول الجوان اتعمل غلط , عشان مافيش حاجة اسمها جوان يضرب من القرص الجامد الا لو كان عندك مشاكل فى الثرموستات سواء مروحة او كوعة , نقص فى المياة بأستمرار

وعموما انت دلوقتى قبل ماتجيب بلوكة لازم تكشف كويس على وش السلندر , لازم يتفك كدة كلة ويروح للخراط يقيسة ويشوف هل فية شروخ او عالى وواطى ولا لأ , ويتأكد من سلامتة كويس جدا

ودة عشان ماتجيبش بلوكة لوحدها وتلاقى بعد كدة ان الوش عندك بايظ , فتروح جايب جوان ووش سلندر وتكلفة ومصنعية من اول وجديد

فتروح جايب وش ببلوكة على طول والتمن هيبقى تقريبا قريب جداااااااااااا

وعموما سعر البلوكة بتاعة ال zc بتعمل اقصى حاجة ليها 2800 جنية

بلوكة بوش تمنهم 3500 جنية

ماتور zc كامل 5000 جنية بالفتيس بأدوات التغذية وكنترول وضفيرة

وانت معاك رقمى ولو فية اى حاجة كلمنى

[AHMED_HAMDY]

بص حضرتك فيه ماتور استيراد مش خلع d16z6 بالفتيس المانوال ضفيره شمال - والكنترول - سعره هيبقى اقل من ال 5000 بس ده ضفيرته شمال

فلو عايز بلوكه بوش قولي اسئلك هيبيعها بكاااام لو مش هتحتاج بقيت الحاجات وهتاخد بلوكه بوش
لو هتعوز برضه قولي وانا اكلمك اللي معاه الحاجه او ابعتلك رقمه وتروح تشوف الموتور

[shedid20]

اصلا ياباشا من الاول الجوان اتعمل غلط , عشان مافيش حاجة اسمها جوان يضرب من القرص الجامد الا لو كان عندك مشاكل فى الثرموستات سواء مروحة او كوعة , نقص فى المياة بأستمرار

وعموما انت دلوقتى قبل ماتجيب بلوكة لازم تكشف كويس على وش السلندر , لازم يتفك كدة كلة ويروح للخراط يقيسة ويشوف هل فية شروخ او عالى وواطى ولا لأ , ويتأكد من سلامتة كويس جدا

ودة عشان ماتجيبش بلوكة لوحدها وتلاقى بعد كدة ان الوش عندك بايظ , فتروح جايب جوان ووش سلندر وتكلفة ومصنعية من اول وجديد

فتروح جايب وش ببلوكة على طول والتمن هيبقى تقريبا قريب جداااااااااااا

وعموما سعر البلوكة بتاعة ال zc بتعمل اقصى حاجة ليها 2800 جنية

بلوكة بوش تمنهم 3500 جنية

ماتور zc كامل 5000 جنية بالفتيس بأدوات التغذية وكنترول وضفيرة

وانت معاك رقمى ولو فية اى حاجة كلمنى

يا كبير متشكر والله بس انا طبعا بتكلم على الفارغة كلها البلوكة بوش السلندر يعنى الموتور من غير ادوات تغذية خالص علشان انا الحمد لله كله تما وكمان عايزه 1600 مش 1500 مش كدا صح ولا ايه؟؟

[shedid20]

بص حضرتك فيه ماتور استيراد مش خلع d16z6 بالفتيس المانوال ضفيره شمال - والكنترول - سعره هيبقى اقل من ال 5000 بس ده ضفيرته شمال

فلو عايز بلوكه بوش قولي اسئلك هيبيعها بكاااام لو مش هتحتاج بقيت الحاجات وهتاخد بلوكه بوش
لو هتعوز برضه قولي وانا اكلمك اللي معاه الحاجه او ابعتلك رقمه وتروح تشوف الموتور

ربنا يكرمك والله بس انا كنت عايز 1600 هل الموتور ده 1600 ولا ايه ولو 1500 ينفع يركب على ادوات التغذية ال عندى بضفيرتهم بكنترولهم ولا لأ وجزاك الله خير

[abo-berry]

احسنلك ياباشا انك تجيب شورت بلوك (بلوكه بوش سلندر ) عشان تريح دماغك .
و لو جبتها من ظاظا هيبقي اضمن ليك عشان لو طلع فيها حاجة ترجعها وتاخد غيرها

[AHMED_HAMDY]

حضرتك انا قايلك كود الموتور d16z6 وده ال 1600 الفتيك يعني تقريبا هه اللي راكب عندك
شوف كود الموتور اللي عندك ولو عايز بلوكه بوش اسئلهولك هيدهالك بكام عايز تاخده على بعضه هوه كان قايل 5000 بس نا اعرف انزلك السعر عن كدا يعني اقل من 5000 اكيد شوف كود الموتور عندك هوه d16z ولا لاء ؟؟

[Mhmdz]

حضرتك انا قايلك كود الموتور d16z6 وده ال 1600 الفتيك يعني تقريبا هه اللي راكب عندك
شوف كود الموتور اللي عندك ولو عايز بلوكه بوش اسئلهولك هيدهالك بكام عايز تاخده على بعضه هوه كان قايل 5000 بس نا اعرف انزلك السعر عن كدا يعني اقل من 5000 اكيد شوف كود الموتور عندك هوه d16z ولا لاء ؟؟

شكل الموتور الي عندة zc يا حمادة

[AHMED_HAMDY]

مهو ال zc اللي هوه d16z بس هوه يتأكد برضه

[SAMEH_FOUAD]

لأ يابو حميد ال zc كود وال d16z6 كود تانى

يعنى فية محرك بينزل ب كود zc وفية محرك بينزل بكود d16z6

لكن هو نفس الخصائص وكل حاجة

[AHMED_HAMDY]

اها شوفتها مره في عربيه عند حسني


بس ال Zc و ال d16z


نفس البلوكه بالوش بكل حاجه صح ؟؟؟؟؟؟

[SAMEH_FOUAD]

نفس كل حاجة

[Mhmdz]

لأ يابو حميد ال zc كود وال d16z6 كود تانى

يعنى فية محرك بينزل ب كود zc وفية محرك بينزل بكود d16z6

لكن هو نفس الخصائص وكل حاجة

+++++++++++++++++++++++++++ زي الي عندي كدة zc
يا رب ازعدنا بال sir

[AHMED_HAMDY]

طيب بدل منتا بتدعي ادعي ب type -R او GSR

[shedid20]

حضرتك انا قايلك كود الموتور d16z6 وده ال 1600 الفتيك يعني تقريبا هه اللي راكب عندك
شوف كود الموتور اللي عندك ولو عايز بلوكه بوش اسئلهولك هيدهالك بكام عايز تاخده على بعضه هوه كان قايل 5000 بس نا اعرف انزلك السعر عن كدا يعني اقل من 5000 اكيد شوف كود الموتور عندك هوه d16z ولا لاء ؟؟

خلاص يا كبير اسألى كدا لو الشورت بلوك يعمل كام يعنى البلوكى بالوش بتاعه ولو الموتور كله يعمل كام..
انا بجد و الله يا جماعة ببقا مبسوط قوى من الرد السريع بتاعكوا وروح الاخوة ال بينا ديه وربنا يارب يديم المحبة والود و يجمعنا دايما على خير :)