نعرة فتيس!!

[Saeed-Taha]

لا الصوت وانا ماشى على ال d
هراجع تانى على موضوع فلتر الهوا دا وربنا يسهل

[SAMEH_FOUAD]

مبدأيا كدة من اللى انا شايفة دة , هتعمل الاتى :

1- عمل check على زيت المحرك , وتشوف هل هو زايد عن الmax ولا اقل منة

2- زيت الفتيس لو مشيت بية اكتر من 15000 كيلو لازم يتغير

3- ال rpm اللى عندك مش مظبوط فطبيعى هتلاقى الماتور صوتة مش متوازن

4- خلى الميكانيكى يشيلك ال2 solonied اللى على الفتيس وينظفهم وينظف المصفاة بتاعتهم

شوف دول كدة الاول وبعدين ربنا يسهلها .

[Saeed-Taha]

مبدأيا كدة من اللى انا شايفة دة , هتعمل الاتى :

1- عمل check على زيت المحرك , وتشوف هل هو زايد عن الmax ولا اقل منة

النهاردة الصبح بصيت عليه فعلا لقيته زايد شوية عن العلامة بس دا أنقصه ازاى؟

2- زيت الفتيس لو مشيت بية اكتر من 15000 كيلو لازم يتغير

العربية أتوماتيك..أزوده ولا اغيره خالص؟

3- ال rpm اللى عندك مش مظبوط فطبيعى هتلاقى الماتور صوتة مش متوازن

اظبطه ازاى دا؟

4- خلى الميكانيكى يشيلك ال2 solonied اللى على الفتيس وينظفهم وينظف المصفاة بتاعتهم

انا لما اقول للميكانيكى سولونيد 2 دا هيفهم ؟

شوف دول كدة الاول وبعدين ربنا يسهلها .

ربنا يخليك لينا يا عم سامح ومعلش هزهقك معايا

[SAMEH_FOUAD]

النهاردة الصبح بصيت عليه فعلا لقيته زايد شوية عن العلامة بس دا أنقصه ازاى؟

هتروح عند اى بنزينة عندها مكنة شفط , وشوف مثلا انت لقيتة زايد قد اية , وقولة لعامل المحطة ان الزيت كان فوق العلامة بشوية , بس لو الزيت معدى علامة ال max بأقل من نصف سم يبقى مافيش داعى لكن ازيد من كدة روح نزلهم


العربية أتوماتيك..أزوده ولا اغيره خالص؟

هتغيرة طبعا وهاتة شيل وهتجيب 4 لتر والفتيس عندك يتصفى كويس وهتلاقى الفتيس خد 3.25 لتر والباقى تشيلهم وابقى شوف خزنة الباور لو لقيت الزيت بتاعها ناقص او قليل زودة من الباقى معاك ( لان الزيت بتاع الفتيس هو هو زيت الباور )


اظبطه ازاى دا؟

خلى الميكانيكى يظبطلك الكربراتير بتنظيفة ليس اكتر , بلاش يفكة


انا لما اقول للميكانيكى سولونيد 2 دا هيفهم ؟

هما اسمهم solonied ومعنى 2 انهم بيبقوا اتنين مش واحد

وعشان تعرف مكانهم هتلاقى كدة زى اسطوانتين متركبين على الفتيس من فوق بيتفكوا بمفك صليبة , ومتوصلين بفيشة , لو مش عارفهم قولى وانا ابعتلك صورتهم



ربنا يخليك لينا يا عم سامح ومعلش هزهقك معايا

ياعم ولا زهق ولا حاجة اسأل انت بس ومالكش دعوة

[Saeed-Taha]

تسلم ايدك يا سامح باشا..ربنا يخليك للغلابة اللى زيى

[kaboo4]

السلام عليكم ورحمة الله وبركاته..

ازيكم يا هونداوية..يارب يكون الجميع فى أحسن حال

المهم انا عندى صوت ظهر كدا من فترة لما امشى على ال d
هوا صوت مش غريب بس هوا جديد على ودنى فى العربية
زى صوت الشد كدا او لما تسمع موتسكل معدى من جنبك
(عنننننننننننننننننننننننن) زى كدا بس واطى مش عالى

المهم الميكانيكى كان راكب معايا مرة قلتله يلاحظ الصوت معايا
قالى أه دى نعرة فتيس قلتله طيب ودى حلها ايه قالى ولا حاجة متخافش منها والصوت دا عادى

بس هوا مكنش موجود قبل كدا فا دا اللى انا مستغربه

ياترى حد عنده فكرة يعنى ايه (نعرة فتيس) ودا عادى ولا حلها ايه؟!!

وشكرا,,

بص يا باشا عن تجربه عندك حاجه من اتنين لئما سوستت دواسه البنزين ضعفت و دى تعرفها لما تلاقى الار بى ام فوق 1 حاول تحت رجلك تحت دواست البنزين و حاول ترجعها لوضعها الاصلى لو الار بى ام وطى غير السوسته لو موطيش يبئى سلك الاكسلرتير مشدود زيادة اظبطوا انا عارف النعرة دى اكنك بتسابق جرب و حتدعيلى للعلم لازم سلك الاكسلتير يكون مشدود بس مش اوى يعنى ولا مشدود اوى ولا مرخى اوى

[Saeed-Taha]

بص يا باشا عن تجربه عندك حاجه من اتنين لئما سوستت دواسه البنزين ضعفت و دى تعرفها لما تلاقى الار بى ام فوق 1 حاول تحت رجلك تحت دواست البنزين و حاول ترجعها لوضعها الاصلى لو الار بى ام وطى غير السوسته لو موطيش يبئى سلك الاكسلرتير مشدود زيادة اظبطوا انا عارف النعرة دى اكنك بتسابق جرب و حتدعيلى للعلم لازم سلك الاكسلتير يكون مشدود بس مش اوى يعنى ولا مشدود اوى ولا مرخى اوى

الف شكر ياباشا
هجرب موضوع الدواسة دا وارد عليك

[Mhmdz]

ايوة بئا يا سمسم يا جامد والله الواحد من غيرك كان هيلوص هوة والغلابة الى زيينا