ملحوظه هامة بخصوص شيفتات الطارة ل vti

[engmada]

بعد الفترة دى كلها اكتشفت انى لم استخدم شيفتات الطارة حتى الان برجاء الافادة عن طريقة الاستخدام واهميتها وهل كتر استخدامها له تأثير على الموتور

[hany63]

جيت لي ملعبي
اولا ما لهاش اي ضرر على الموتور لو استخدمت صح بالعكس دي بتحافظ على الفتيس من الذبذبه
بص يا سيدي كونسول الفتيس عندنا مختلف عن الكونسول بتاع ال lxi
هتلاقي عندك تحت ال d غيار s و دمتم انما في ال lxi فيه d3 و تحتيه d2 واخيرا d1
و ال lxi مفبهاش شيفت و وبيتم تسقيط النقلات مانيوال من كونسول الفتيس بس لاحظ ان الفتيس ٥ نقلات و مفيش امكانيهة لتثبيت الرابع بالبلدي مش عاملين حسابه على اساس انك ممكن تقرص على d3 لحد ١٢٠ و تديها ال d تقوم ناقله على الخامس
نشرح بقى نظام ال VTI
هنفترض انك ماشي على ال d العربيه هنا شغاله اوتو عادي و بتنقل من الاول للخامس زي ال lxi
طب لو حطينا العصايه على ال s ايه اللي هيحصل ؟
العربيه هنا كانها على d3 زي ال lxi
طب افرض انك حبيت تحطها على d2 لو السرعه هديت منك و انت على ال s تعمل ايه؟
تقوم دايس على الشيفت الشمال اللي عليه علامة - هيظهر عندك في التابلوه m2 يعني العربيه بقت مانيوال بالكامل و على الغيار التاني تبتدي تسوق مانيوال عن طريق + و - و طبعا الطريقه دي ممتعه في السواقه على اساس ان النقلات من الدركسيون اللي ايدك عليه بالفعل مقارنه بالعربيات اللي لازم تنقل من العصايه زي الالماني
و لما تحب تخليها اوتو تحط العصايه تاني على d
و ممكن من السكون تحطها على s و تدوس - قبل ما تطلع هتقوم كاتبه m1 يعني الاولاني مانيوال تقوم طالع و تنقل حسب الطريق و تتحكم في زمن النقله و الار بي ام

[hany63]

بص حضرتك الاول لازم تلاحظ ان عندك الكونسول بتاع الفتيس مختلف عن ال lxi اللي فيه d3 و d2 و d1
يعني بينقل من الكونسول للتالت و التاني و الاول و معندوش رابع على اساس انه ممكن يحرق على التالت لحد ١٢٠ و بعدين يحط العصايه على ال d فتنقل للخامس مباشره
نيجي للفي تي اي
ما فيش عندك في الكونسول غير حركه واحده تحت ال d اللي هيا ال s و دي هيا ال d3 بتاعة ال lxi
طب افرض و انت عليها حبيت تسقط نقله بنظام المانيوال كل اللي عليك تدوس على الشيفت الشمال اللي عليه علامة - هتقوم جايبه التاني و هتكتب في التابلوه m2 يعني العربيه من اللحظه دي بقت مانيوال و على التاني تبدي تتحكم في زمن النقله و الار بي ام عن طريق الشيفتات +و-
و هنا النظام ممتع على اساس ان كده كده ايدك على الدركسيون بعكس عربيات كتير ستبترونيك من عصاية الفتيس
ولما تحب ترجع اوتو رجع العصايه على d
و ممكن من بداية الحركه تسوق مانيوال عن طريق تحط العصايه على s و تدوس - هتلقى التابلوه ظاهر فيه m1 يعني الاول تقوم طالع و تدوس بعدها + عشان التاني و هكذا

وممكن الشيقتات برضه تشتغل مع ال d عن طريق بدل ما تعمل كيك داون برجلك تقوم مديها - هتسقط نقله واحده و تثبتها شويه يعني مش هتنقل و هتكتب رقم النقله من غير حرف m و لما العربيه تحس با سرعتك منتظمه هترجع نفسها اوتو لوحدها و هتنقل
و على فكره لو النظام استخدم صح ما لوش اي تاثير سلبي بالعكس ده بيحافظ على الفتيس من الذبذبه

[hany63]

معلش السيرفر خرف المشاركه التانيه اشمل

[AHMED_HAMDY]

السواقه ممتعه بالشفتتات اصلا !!!!

[engmada]

معلش السيرفر خرف المشاركه التانيه اشمل

ياباشا دايما حاضر بالاجابات الوافية فعلا تستحق وسام التمييز
بس ياريت احجز عندك درس خصوصى نجربها عملى

[hany63]

ياباشا دايما حاضر بالاجابات الوافية فعلا تستحق وسام التمييز
بس ياريت احجز عندك درس خصوصى نجربها عملى

ياباشا انت تؤمر ابعت لي موبيلك على الخاص و نتفق على ميعاد و الموضوع كله خمس دقايق و ممكن اركب جنبك كمان عشان تعمله بايدك و انت متطمن و انا عن نفسي سواقتي في الزحمه على d و وسط العربيات باستعمله عشان اثبت النقله فبيقى العزم حاضر

[hany63]

السواقه ممتعه بالشفتتات اصلا !!!!

حضرتك جربتها قبل كده؟
الفكره ان العربيات الستبترونيك اللي من غير شيفت في الدركسيون مش عمليه عشان الواحد بيكسل ينقل ايده من الدركسيون لعصاية الفتيس كل شويه فبيكبر دماغه اما في حالة امكانية النقل من الدركسيون طبعا دي ميزه هايله عشان كده كده انت ايدك مكانها خلف الشيفتات فكل اللي بتعمله انت بتضغط بصوابعك و طبعا حضرتك عارف لما النقله بتثبت و تشيل رجلك و تدوس تاني في الهوندا ايه اللي بيحصل انا بحس ان الموتور هيطلع من الكبوت

[AHMED_HAMDY]

لاء بصراحه مش جربتها
بس كنت راكب bmw 740 li في الامارات 2008 وكانت اول عربيه اركبه فيها شفتات بعدين سوقت الاكورد 2008 بس مجربتش برضه الشفت كنت خايف اعمل حاجه غلط اصلا !!!
بس الي كان اسيق البي ام تحس اصلا ان انت في رالي مش سايق على طريق

[hany63]

لاء بصراحه مش جربتها
بس كنت راكب bmw 740 li في الامارات 2008 وكانت اول عربيه اركبه فيها شفتات بعدين سوقت الاكورد 2008 بس مجربتش برضه الشفت كنت خايف اعمل حاجه غلط اصلا !!!
بس الي كان اسيق البي ام تحس اصلا ان انت في رالي مش سايق على طريق

على فكره كومبيوتر العربيه ما بيسمحش بالغلط
بمعنى هنفرض اني ماشي على سرعة ١٠٠ كم على الخامس و حبيت اقرص على الموتور و دوست بالغلط اربع مرات على علامة - فالكمبيوتر مش هيقبل غير دوستين فقط يعني هيسقط نقلتين فقط عشان مايدخلش الار بي ام في الريد زون و الكلام ده من الكتالوج
و فعلا الشيفتات دي مش موجوده غير في العربيات العاليه

[ahmedeihab]

استاااذ هانى جاب المفيد

^_^

[Unendlich]

و فعلا الشيفتات دي مش موجوده غير في العربيات العاليه

بس الشهادة لله كانت موجودة في الكورولا ال 2007 (اللي هي 2008 عندنا) baseline و highline
متعة بنت حرام بصراحة
أنا كنت بستني أخد عربية أخويا عشان العب بيهم
و بحب ساعات أ upshift من الفتيس نفسه و أ downshift من الطارة مش عارف إيه السر بس بحب المسكة دي