عايز اشترى سيفيك 92 بس هى واطية اوى ينفع اعليها؟؟

[mech.power.eng]

السلام عليكم يا هونداوية انا نفسى فى سيفيك 92 بس العربية واطية اوى هى ينفع تعلى شويه وهل بياثر على ثباتها ولا لا
ولو حاجة حالتها حلوة مانويل او اوتو تعمل كام انا عايز واحده تكون مش بتاعت اعطال اركبها احس انى راكب عربية جديدة

[ahmedshetewy]

السيفك بتعاى طبعا وفى موضوع عامله سمسم فى الموضوع دة
مللهاش اعططال كتير نهائى والنظيفة بتعمل من 50 الى 55

[mech.power.eng]

ahmedshetewy
شكرا يا استاذ احمد على ردك بس هو فين الموضوع ده اسمه ايه؟؟؟؟

[mech.power.eng]

سؤال كمان مهم جدا هى si انجكشن لو حطتلها بنزين 80 فى مشكلة؟؟؟؟
وال ex طبعا كربراتير هل بردو فى مشاكل لو حطيت 80؟؟؟؟

[al_manara]

عربية جميلة جدا . واعطالها نادرة . قوة موتور وثبات وقطع غيار معمرة
اركب منها ال Si اوتوماتيك وفتحة سقف .
الحاجة الوحيدة الي مش جامدة فيها زي العربيات الجديدة التكيف .
وفي الغالب المحترمة اوي منها في حدود ال 50 الف . دي هاتبقي جديدة

http://www.nilemotors.net/Nile/3874017620-post4.html

[buddha]

طبعا si ممتازة .... بس لازم تركب حالة جيدة
اولا لازم الحوض والشنطة والقوايم يكون مفيهمش غلطة
ثانيا المكنة تكون على الاقل مفيهاش اعطال
ثالثا العفشة تكون كويسة
وبعدين الصالون يكون محترم ونضيف

كل دة بيسوى فلوس ... ولو حاجة مش تمام هتقلل ثمن العربية

بالنسبة للاداء طبعا هى اسرع عربية على الطريق
والثبات لو العفشة سليمة قفل بيها امبير
بالنسبة للارتفاع ممكن تركبلها عليات بس احزر من السرعات الكبيرة فيما فوق 140

[mech.power.eng]

شكرا جدا يا شباب طب والبنزين الex ينفع معاها ال 80؟؟؟؟

[SAMEH_FOUAD]

سؤال كمان مهم جدا هى si انجكشن لو حطتلها بنزين 80 فى مشكلة؟؟؟؟
وال ex طبعا كربراتير هل بردو فى مشاكل لو حطيت 80؟؟؟؟

ال si , تأتى بمحرك 1600 سى سى 2 كامة بقوة 130 حصان ونظام وقود يعمل بالحقن الالكترونى ( انجيكشن ) , وسرعة قصوى 220 كم , وعزم دوران 14.5 كم , وفتيس اتوماتيك اربع سرعات

شوف ياباشا لو حضرتك عايز تركب هوندا يبقى تبقى عارف كويس انك هتحطلها بنزين 92 , مش اقل من كدة يعنى ولا 90 ينفع ولا 80 ينفع

بالنسبة للكربراتير : فدة بيكون محرك كامة واحد 1500 سى سى , بقوة 105 حصان , بعزم دوران 13.5 كجم , وسرعة قصوى 205 كجم , ونظام حقن الوقود( كاربراتير )

والمحرك دة بردة ينصح 92 ودة على حسب الكتالوج والموصى بية من الشركة ودة لسببين ان نسبة الانضغاط للمحركين ( 9:2) ( 9:5) يعنى الاتنين لازم بنزين 92 عشان تحافظ على كفاءة واداء المحرك وكمان الاستهلاك

وبنزين 80 لو اتحط فى العربية ماتسألش عن سحب او نعومة او اداء , وكمان الماتور هيتأثر على المدى المتوسط

[SAMEH_FOUAD]

عربية جميلة جدا . واعطالها نادرة . قوة موتور وثبات وقطع غيار معمرة
اركب منها ال si اوتوماتيك وفتحة سقف .
الحاجة الوحيدة الي مش جامدة فيها زي العربيات الجديدة التكيف .
وفي الغالب المحترمة اوي منها في حدود ال 50 الف . دي هاتبقي جديدة

http://www.nilemotors.net/nile/3874017620-post4.html

على فكرة تكييفها تحفة , هو بس كان الاهمال فية هو اللى بيهيؤ للناس كدة , لكن الحمد لله اعتقد دلوقتى ان سيارات قسم هوندا دلوقتى كلها لا تشكوا ابدا من ضعف التكييف

[SAMEH_FOUAD]

ahmedshetewy
شكرا يا استاذ احمد على ردك بس هو فين الموضوع ده اسمه ايه؟؟؟؟

http://www.nilemotors.net/Nile/214978-a-3.html#post3874636251

الموضوع اهوة ياباشا

وماتقلقش اعملة واجرى براحتك ان شاء الله مافيش تأثير على الثبات

[mech.power.eng]

شكرا جدا على ردك يا استاذ سمسم طب تنصحى بال 1500 ولا 1600 ؟؟
مانويل ولا ااوتو ؟؟؟وياريت سعر كل واحده فيهم

[mech.power.eng]

semsem kane
ياريت تنصحنى اجيب ال 1500 ولا 1600 اوتو ولا مانويل وياريت سعر كل واحده

[SAMEH_FOUAD]

انت معاك كام ؟؟؟؟؟؟؟؟؟؟

وعموما طبعا انصحك بال si

وسعرها بيبدأ من 45 الف جنية عايزة مصاريف , 48 الف جنية ممتازة , و52 الف جنية فابريكة برة وجوة حالة شاذة

- 98% من السيفيك ال Si هتلاقيها اوتو , والاوتو فيها ممتاز وبيعيييييييييييييييييييش جدا ماتقلقش وسرعة وسحب كأنك راكب مانيوال بالظبط

سعر ال1500 فيها فئتين فية فاضية خالص el : ودية بكلتا الاحوال مش بتزيد عن 36 الف جنية

وفية الex : ودية half option : وسعرها بيبدأ من 37 الف جنية الى 42 الف جنية maximum price

[mech.power.eng]

يعنى 39 يجيبو ex اوتو حلوة؟؟؟؟وايه الاوبشن اللى فيها

[SAMEH_FOUAD]

يعنى 38 يجيبو ex اوتو حلوة؟؟؟؟وايه الاوبشن اللى فيها

38 الف يجيبوا ex عايزة مصاريف بتاع 3 الاف جنية

الاوبشن بتاعها هقولك المهم :

مرايات كهرباء - زجاج كهرباء امامى وخلفى مع امكانية التحكم فى فتح وغلق الابواب الاربعة من عند باب السائق + قفل للزجاج لجميع ابواب السيارة من باب السائق - اتوماتيك - باور - تكييف - سنتر - فتح الشنطة والتانك من الداخل - كاسيت - 2 سماعة امامى - 2 خلفى - سخان خلفى - طفاية امامية