بدور علي هوندا سيفيك؟؟!!

[khaledmekawy2008]

يشرفني اني انضم للهونداوية بغد فترة كبيرة من اللانسراوية

دلوقتي انا بدور علي عربية هوندا سيفيك موديل 2009 فيما فوق بشرط تكون vti الكاملة وتكون فابريقة وعربية لسه جديدة فياريت لو حد قدامه عربية نضيفة يعرفني لاني بقالي اسبوع بدور ومش لاقي حاجة تكون تمام اوي ويفضل اللون الزهري او النبيتي او الابيض

[engmada]

العربيه دى معروضه هنا فى المنتدى

و التفاصيل فى الموضوع ده

http://www.nilemotors.net/Nile/325513-2009.html (هوندا سيفيك 2009 للبيع لدواعي السفر)

[khaledmekawy2008]

العربية اتباعت النهارده وربنا يبارك للمشتري والبائع

[engmada]

مبروك عليهم
بصراحة صورها كانت بتعكس ان حالتها كويسة
وسعرها كويس جدا

[S O P H O S]

ربنا يبارك للمشتري والبائع
وان شاء الله تلاقي عربية كويسة
لانه اختيار صائب بصراحة ..

[khaledmekawy2008]

طيب انا دلوقتي قدامي عربية موديل 2008 vti كاملة بفتحة سقف لونها اسود ماشية 80 الف كيلو فابريقة بالكامل ماعدا اكصدام امامي اترش بسبب الخرابيش ومن المالك الاول وبيعمل جميع الصيانات فالتوكيل وفيها فاميه مثبوت فالرخصة

الغريبة هل في vti اللي هي بفتحة سقف في موديل 2008؟؟؟؟ انا كنت سامع ان مفيش فتحة سقف فموديل 2008

والعربية دي سعرها يكون كام؟؟ وايه مواصفاتها ؟؟يعني هي مفيهاش زينون وشكل الفوانيس القديمة الي هي دواير من الخلف وفي نور فوجات فالخلف ولمبة واحدة بس بتنور علي كل ناحية

هو بيقولي ان العربية خليجي....بس بامانه العربية نضيفة جدا جدا من جوه والاستبن لسه منزلش وفيها ال dvd w gps w usb w ipod

ايه النصيحة اللي تنصحوني بيها؟؟؟؟؟؟ ياريت اعرف بسرعة

وايه الفوارق بينها وبين 2009 vti??

[eng_maged]

متابع

[ahmedeihab]

موفق ان شاء الله تلاقى حاجه نضيفه بشرط انك تروح تكشف فى التوكيل علشان تضمن العربيه اللى هتركبها

^_^

[khaledmekawy2008]

معلش يا جماعة العربية كانت وارد الامارات وصاحبها بيقول ان تقفيلها تركي لان كل العربيات الخليجية تقفيل تركي اللي بينزل فيها ال gps ستاندرد وهي موديل 2009 انا غلطت وقولت انها 2008
هل التركي احسن من الوكيل؟؟؟؟؟
وهل الفوانيس الخلفية الدائرية ممكن اغيرها بالسداسية ولا لا؟؟؟

ارجو الرد السريع

[engmada]

قصة أحسن واوحش اللى يحكم عليها حالة العربية
إكشف عليها فى التوكيل والتقرير يحدد حالتها
بالنسبة الفانوس الخلفى ماينفعش لان مقاسه مختلف

[Mhmdz]

بالتوفيق انشاء الله والتوكيل هوا الى هيقول حالة العربية عاملة ازاي

[محمد بدر]

التركى 1800 cc والدركسيون بالنسبة للبور زيت مش كهرباء
وكان فى نصيحة لى من احد الأعضاء المحترمين فى المنتدى خليك فى اليابانى

[khaledmekawy2008]

المشكلة ان العربية الكاملة منها نادرة والحالة بتفرق جدا فيها