الكربراتير عندى بيسرب بنزين

[shesho]

استهلاك البنزين عندى مش طبيعى طبعا بعد ما الميكانيكى اللى كنت برحلو ماشتغلنى وفك وظبط ورش ( كان فى نقاش مع الاخ سمسم قبل كدة فى الموضوع دة ) لقيت برضة نفس المشكلة وهى تسريب البنزين من الكربراتير من تحت حسة بايدى يا ترى اية العمل واروح فين

[hany_bendary]

متابع

[M.Al-Hefnawy]

الافضل إنك تروح لمركز متخصص في الكربيراتير عشان الميكانيكي مش هايفيدك في الموضوع ده ... لو الكربيراتير محتاج إصلاح الميكانيكي مش هايعرف يعمله لأنها حاجات بتحتاج مخرطة وكده ولازم مركز متخصص.

[SAMEH_FOUAD]

استهلاك البنزين عندى مش طبيعى طبعا بعد ما الميكانيكى اللى كنت برحلو ماشتغلنى وفك وظبط ورش ( كان فى نقاش مع الاخ سمسم قبل كدة فى الموضوع دة ) لقيت برضة نفس المشكلة وهى تسريب البنزين من الكربراتير من تحت حسة بايدى يا ترى اية العمل واروح فين

كدة فية مشكلة فى جسم الكربراتير نفسة , ممكن بقى غالبا يكون فية جوان بايظ , او فية خراطيم مقطوعة وبتسرب

عموما فية عندك للاسف ومضطر اقولك روحلة ( منير فى الحرفيين ) ودة جنب حسنى الكهربائى , هو اللى هيظبطلك الكربراتير

[ahmedeihab]

كاوتشه الكربيراتير هتلاقيها مقطوعه او فيها شق + الجوان اللى قال عليه سامح

^_^

[alking_2006]

غالبا الخراطيم اللى واصله للكاربراتير من طرمبة البنزين شققت و محتاجة تتغير
او الكوليه اللى بيربط الخراطيم دى محتاج يتغير او يتربط عليه كويس
و اخيرا بيبقى فيه جوان اسفل الكاربراتير ما بينه وما بين جسم الموتور ممكن يكون نشف و ابتدا يسرب بنزين

و الاحتمالات البعيدة
ان مسامير الهواءو السلانسيه بوشوا
او ان جسم الكاربراتير فيه تأكل
و فى كلتا الحالتين بتغير الكاربراتير كله

[shesho]

شكرا على الردود انا روحت امبارح الى مركز الصفا اللى فى جسر السويس وفك الكارباتير ( شغل ساعتين ) لقى فى طبعا تسريب + استهلاك بنزين عالى جدا على السرعات البطيئة والسريعة -سبب التسريب فى اويلسيهات بالكاربارتير مشققة وغيرها ( هذا كل ما حدث ) وبجرب بقى دلوقتى وفى خراطيم مسدودة طبعا من كل ( الرش اللى رشة الميكانيكى قبل كدة )

[engmesk2]

باشا انا عندي سيفك 92 كاربيراتير .. وبرضه عندي استهلاك عالي للبنزين .. ماتقوللنا ياباشا تفاصيل اكتر .. يعني غيروا حاجات .. دفعت كام .. وهل لازم متخصصين هوندا عشان موضوع صيانة الكاربيراتير ؟

اصلي من حلوان وبفكر اروح لحد قريب .. جسر السويس ده بالنسبالي مشوااار :)

[alking_2006]

طب جميل
بس عندى سؤال
ايه انطباعك عن مركز الصفا؟ الاحترافية؟ الخدمة؟ السرعة؟ الاسعار؟ المكان؟ الصنايعية؟
و شكرا

[shesho]

باشا انا عندي سيفك 92 كاربيراتير .. وبرضه عندي استهلاك عالي للبنزين .. ماتقوللنا ياباشا تفاصيل اكتر .. يعني غيروا حاجات .. دفعت كام .. وهل لازم متخصصين هوندا عشان موضوع صيانة الكاربيراتير ؟

اصلي من حلوان وبفكر اروح لحد قريب .. جسر السويس ده بالنسبالي مشوااار :)

هما غيروا كواتشات بس وفعلا السيارة فاقت بعد ماممشيت وسحب تمام ومفيش تاخير فى الدوارة الصبح او اى وقت

ثانيا تكلفة الاصلاخ والكاوتش اللى اتركب 140 جم ويوجد ضمان لاى حاجة بيعملوها اسبوعين

ثالثا مش لازم متخصص فى الهوندا فى موضوع الكاربارتير دة

[shesho]

طب جميل
بس عندى سؤال
ايه انطباعك عن مركز الصفا؟ الاحترافية؟ الخدمة؟ السرعة؟ الاسعار؟ المكان؟ الصنايعية؟
و شكرا

بالنسبة فى الاحترفية
ممتاز فعلا زى زية التوكيل ( موظف استقبال وتاخذ دور + مكان الصيانة كبير + بوفية + مسجد + صالة انتظار كبيرة +حسن استقبال لان صاحب المركز نفسة بيقى واقف فى الصالة )

الخدمة
انا شايف انهم كويسين وعندهم ضمير ( انا لسة بجرب ) يعنى بيدوك صمان على شغلهم اسبوعان

الاسعار
مش اقدر احدد يعنى عملت التالى :
1-فك واصلاح الكاربارتير ( مصنعية 120 + 20 اويلسيهات )
2-ضخ دورة المياة ب 50 جم
3-كان عندى تسريب زيت على البوجيهات لان البية الميكانيى كسل يعمل سليكون على اويلسيهات البوجيهات
الصناعبى عملها ومصنعية 25 جم ( السليكون على حساب المكان )

[engmesk2]

باشا مستنيينك تقولنا اخبار السحب واستهلاك البنزين ايه بعد تظبيط الكاربيراتير .. عشان انا عندي مشكلة في السحب واستهلاك البنزين .. وعايزين نستفيد من تجربتك.

[honda forever]

بالنسبة فى الاحترفية
ممتاز فعلا زى زية التوكيل ( موظف استقبال وتاخذ دور + مكان الصيانة كبير + بوفية + مسجد + صالة انتظار كبيرة +حسن استقبال لان صاحب المركز نفسة بيقى واقف فى الصالة )

الخدمة
انا شايف انهم كويسين وعندهم ضمير ( انا لسة بجرب ) يعنى بيدوك صمان على شغلهم اسبوعان

الاسعار
مش اقدر احدد يعنى عملت التالى :
1-فك واصلاح الكاربارتير ( مصنعية 120 + 20 اويلسيهات )
2-ضخ دورة المياة ب 50 جم
3-كان عندى تسريب زيت على البوجيهات لان البية الميكانيى كسل يعمل سليكون على اويلسيهات البوجيهات
الصناعبى عملها ومصنعية 25 جم ( السليكون على حساب المكان )

بعد إذنك أنا هحكى تجربتى مع الفشله اللى إسمهم مركز الصفا
أنا كنت رحتلهم بعيب فى الكربراتير إستهلاك بنزين عالى
مشيت من عندهم العربيه مخنوقه فى الطلعه والإستهلاك عالى زى ما هوه
رجعتلهم قالولى لأ مفيش خنقه ولا حاجه أصريت إن فى خنقه وهم مصرين يستعمونى فلما لقونى مصر جه مدير المركز طلع جرب معايا ولما حس بيها قالى هتسيب العربيه تبات هنا وهنفك الكاربرتير ونشوف المجارى بتاعته وهيتكلف 250 جنيه
250 عفريت وطبعا مخدتش حق ولا باطل معاهم وسبتهم ومشيت طبعا وإستعوضت ربنا فى الفلوس اللى دفعتها
رحت لواحد فى شبرا متخصص كاربرتير مشيت من عنده والدنيا تماااااام
أنا مش بذم فيهم عشان فى عداوه شخصيه بيبنى وبينهم أنا أصلا بعت العربيه وكمان مكنتش هعلق بس بصراحه حسيت إنها شهادة حق ولازم تتقال

[alking_2006]

الرجاء التكرم بقراءة تجربتى مع مركز الصفا

http://www.nilemotors.net/Nile/288669-a.html

[engmesk2]

باشا لسه مستنيينك برده تقولنا اخبار السحب واستهلاك البنزين ايه بعد تظبيط الكاربيراتير .. عشان انا عندي مشكلة في السحب واستهلاك البنزين .. وعايزين نستفيد من تجربتك...