السيفيك 2008 مخنوقة ليه؟؟؟؟؟

[ashraf41]

السيفيك 2008 مخنوقة ليه؟؟؟؟؟
بعد ما مشيت أول 300 كيلو حسيت أن العربية مخنوقة
يعنى لما بدوس بنزين جامد , مفيش رد فعل سريع - السرعة ما بتزيدش الا ببطىء
حد يعرف ليه ولكم جزيل الشكر (أنا دلوقتى فى ال 850 كيلو)

[mshamy]

انت بتحط بنزين ايه؟ ومن اي محطة؟

[Kamal-1]

ايه يا عم انت بتحط بنزين 80 ولا ايه ؟؟؟

العربية من وضع الثبات من 0 الى 100 في فترة التليين في 9-10 ثواني
وعامة العربية معروفة انها تقيلة حبتين في الطلعة بس مش لدرجة انها مخنوقه

[SAbuhashem]

ايه يا عم انت بتحط بنزين 80 ولا ايه ؟؟؟

العربية من وضع الثبات من 0 الى 100 في فترة التليين في 9-10 ثواني
وعامة العربية معروفة انها تقيلة حبتين في الطلعة بس مش لدرجة انها مخنوقه

١٢٫٥ ثانية مش ٩ أو ١٠ ثواني

عموماً أنا فهمت قصد السائل

الأكسلرتير في الهوندا كهرباء مش واير وده حال كل العربيات الجديدة

وده فيه تأخير شويه على ما يوصل إشارة للموتور ويفهم انك عايز تتسارع !

تاني حاجة أول ٣٠٠ كم العربية لسة بتحبي بعد أول ١٠٠٠ كم إبدأ تسارع بيها على RPM عالي وهتحس بعد حوالي ٥٠٠ كم بفارق رهيب


Thanks
Eng.Sherif Shaker

[Kamal-1]

في 9-10 ثواني والله

العربية عاملة 15 الف كيلو ومن يوم ما جبتها بعد ال 3 الاف بدأت احرق عليها وعمرها ما زادت عن 10 ثوان

[ashraf41]

شكرا على الردود
أنا كملت 900 كيلو
وبستخدم بنزين 92
و اقصد أنها مخنوقة
أنى لو دوست على دواسة البنزين بقوة لا تستجيب السيارة بسرعة
بالرغم انى سمعت كتير عن ان استجابتها عاليه ورد الفعل سريع جدا , لكن انا عندى العكس
يمكن علشان محطة البنزين اللى مونت منها مش كويسة كما سمعت من بعض الاعضاء !!!!!!!!

[ashraf41]

وانا مونت أول مرة من شل -مكرم عبيد
ثم توتال - ابو داوود الظاهرى
ثم موبيل - حسن المامون
ولاحظت العيب بعد تانى مرة مباشرةً

[ahmad--ezzat]

الكبسة على البنزين مرة واحدة مش هيديك اللى انت عاوزو لازم العربية تاخد وقتها مهما كان ودة فى اى عربية حتى البى ام دابليو المهم متقلقش وحاول متحطش غير بنزين 90 وربنا يكفيك شرها

[ahmad--ezzat]

اسف قصدى 92 طبعا

[ashraf41]

شكرا على الردود
جزاكم الله خيرا

[tksy1260]

العربية أوتوماتيك ومعني ذلك أنها لن تستجيب بسرعة لضغط دواسة البنزين مهما حاولت ولكنها ستأخذ وقتها وهذا طبيعي في جميع السيارات الأوتوماتيك وفي حالة الرغبة في زيادة السرعة يمكن استخدام السرعات الأولي من 1 إلي 2 إلي D3 كما هو موصي بكتيب تشغيل السيارة

[Ahmed Hassan]

لي بالك ان الكنترول ممكن يكون مقفول لفتره اول 1000 كم... الامبريزا الاوتوماتيك كانت كده... و بعد 1000 كم الاداء اتغير خاص. استنى لما تكمل الألف و جرب و طمنّا

[ahmedfd]

زي ما مهندس شريف قال السيفيك مفيهاش كابل سلك من الدواسة لكن تعمل بنظام Drive By Wire أو Throttle By Wire (و الـ Wire هنا مش مقصود بيه كابل سلك لكن سلك كهرباء يعني) فبيحصل تأخير بسيط جداً في الطلعة أو التغيير المفاجئ للسرعة لإن الموضوع بيكون إلكتروني بالإضافة لإن الأوتوماتيك عامة بيتأخر بسيط شوية برضه. لكن في المشي العادي المفروض مبتحسش بالكلام ده خالص و السيفيك طبعاً السحب بتاعها ما شاء الله مفيهوش كلام.