تركيب زينون للجيل الثامن

[gravedigger]

السلام عليكم

اخوكم هونداوي جديد بسيفيك 2008

نور العربيه بتاع الفابريكه مش قوي خاصة في الشوارع المظلمه

كنت بسأل عن الزينون .. حد عنده فكره عن انواع كويسه ممكن تركب
هل في ضرر على كهرباء العربيه او الكنترول

محتاج نصائحكم واراكم وتجاربكم لاني مش عايز العب في حاجه في العربيه او ادخل في مشكله انا في غنى عنها

مستني ردودكم وشكرا مقدما

[gravedigger]

المشاهدات ما شاء الله كتير

مفيش مشاركات بقى ولا ايه :))

[WARD]

انا عندى نفس الاسئلة ياريت حد من الاخوه الخبراء فى الموضوع دا يفيدنا.

[Hondawy_2008]

الزينون يركب عادي يا باشا بس هاتوا استيراد من الحرفيين للجهازين و اللمبتين هاتهم جداد صيني و عيييييييييييش

الجهازين ياباني استيراد في حدود 500 و لمبتين صيني جداد في حدود 250 جنيه

[sanhory]

انا بصراحة اللي اشتريت منه العربية كان مركبلها زينون عالي و واطي و مريحيني جدا و الزينون في الفانوس بتاعها فرشته حلوة بس المهم اللمبة تكون راكبة صح

[gravedigger]

هل في اي مشاكل مع كهرباء العربيه او اي مشاكل تانيه ؟

وايه الانواع اللي الواحد يسأل عليها؟

هل اللمبات معمره .. ولا كل شهرين بتبوظ؟

في مشاكل مع المرور ؟

بيضايق اللي جاي قدامك؟

واخيرا .. هل الزينون بيأثر على الفوانيس مع الوقت ولا لأ؟

معلش اسألتي كتير بس بنستفيد من خبراتكم

[gravedigger]

انا بصراحة اللي اشتريت منه العربية كان مركبلها زينون عالي و واطي و مريحيني جدا و الزينون في الفانوس بتاعها فرشته حلوة بس المهم اللمبة تكون راكبة صح

هل في اي مشاكل مع كهرباء العربيه او اي مشاكل تانيه ؟

وايه الانواع اللي الواحد يسأل عليها؟

هل اللمبات معمره .. ولا كل شهرين بتبوظ؟

في مشاكل مع المرور ؟

بيضايق اللي جاي قدامك؟

واخيرا .. هل الزينون بيأثر على الفوانيس مع الوقت ولا لأ؟

معلش اسألتي كتير بس بنستفيد من خبراتكم

[sanhory]

هل في اي مشاكل مع كهرباء العربيه او اي مشاكل تانيه ؟

وايه الانواع اللي الواحد يسأل عليها؟

هل اللمبات معمره .. ولا كل شهرين بتبوظ؟

في مشاكل مع المرور ؟

بيضايق اللي جاي قدامك؟

واخيرا .. هل الزينون بيأثر على الفوانيس مع الوقت ولا لأ؟

معلش اسألتي كتير بس بنستفيد من خبراتكم

اسف اني ماخدتش بالي من سؤالك من الاول

مالوش اي مشاكل نهائي معايا الحمد لله

اللمبات معمرة و بتعيش من سنة ل سنتين و ممكن متبوظش خالس بس لونها يغير شوية

و بالنسبة للانواع انا مش بفهم فيهم قوي بس النوع اللي صاحب العربية القديم مركبه واضح انه نضيف

مضايقة اللي قدامي دي بقى حصلت مرتين بس , ان اتنين اشتكوا و قالولي النور بس في الغالب كانوا بيمثلوا لاني علطول ضارب النور في الارض و في فرق واضح عالارض بين الحتة المنورة و الحتة اللي مش و اصلها النور و الحته اللي مش واصلها النور دي استحاله اي حد واقف فيها يقلك انا متزغلل

في ناس كدا مروشة لو شاف اي عربية جاية في وشه و مشغل النور حتى لو مش عامله حاجة لازم يمثل و يرعش و يقلب نور عشان تطفيه , حافظ مش فاهم

مشاكله مع المرور : عادة لما بلاقى اي قلق بطفيه بس كدا كدا معظم الجديد نازل بزينون فا مبيدقوش قوي مع السيارات الحديثة

تاثيره عالفوانيس : معتقدش اني شايف تاثير عالفوانيس في حاجة في السيارة القديمة و في السيارة اللي معايا , بس يستحسن لو ماشي في زحمة او اشارة تقفله عشان لما العربية بتبقى ماشية الهوا بيبرد الفوانيس لكن و هي واقفة الحرارة بتكون جامدة و القصة دي سواء زينون او عادي

تحت امرك ياباشا اسئل براحتك