تجربتي مع تيل فرامل الجيل الثامن

[sanhory]

السلام عليكم يا هونداوية

الموضوع ده عامله عشان تجربة في الجيل الثامن و حابب افيد بيها اصحاب الجيل الثامن

و هي بخصوص تيل الفرامل

انا جيبت العربية في شهر 9 اللي فات و على شهر 10 كده احتاجت تيل فرامل امامي

طبعا بصيت عالمواضيع اللي بتتكلم عن التيل بتاع الجيل الثامن و لقيت ناس بتقول ان الاصلي بيقعد تقريبا 10000 كم و بعدين بيخلص و سألت عليه لقيته كان بمبلغ 580 تقريبا و 10000 دول مش حيمشوني 3 4 شهور

المهم توكلت على الله و قلت يا واد انزل دعبس كدا شوف ايه الانواع الموجودة , نزلت جمب مني في المعادي شارع اسمه احمد زكي فيه ناس بتوع قطع غيار دورت لحاد ما لقيت واحد من بتوع الياباني
سالته قالي عندي نوع كوري بس مضمون قلتله وريهولي بصيت لقيته خامته معقولة , بكام يا عم 175 اخدته و رحت ركبته عند عصام و انا بقول يا صابت يا خابت و حاطت في دماغي حسمع صفير و حشم ريحة و فرامل اقل كفاءة و طبعا حيقعد شوية عشان الاصلي بتبقى خامته نضيفة فبيتاكل عشان يحمي الطنابير

و كانت النتيجة

اول ما ركبت التيل طبعا مدوستش فرامل جامد سيبته ياخد راحته في التطبيع لمسافة 30 كم مثلا بعد كده ابتديت احمل اكتر و اكتر لحاد مشميت ريحه قلت ياد اديله فرصته اليوم اللي بعديه ريحة بس اقل اللي بعديه مش باينة اللي بعديه مفيش اي روائح و جربت ازود عليه الحمل و اجري و ادوس كذا مره عشان اشوف لما بسخن بيستهبل ولا ايه بس الحمد لله كان كويس

مفيش اي نوع من انواع الصفير نهائي

والمفاجئة انه خلص بعد 10000 كم في 3 شهور يعني خامة نضيقة و بتتاكل و دي حاجة كويسة عشان الطنابير ميجرلهاش حاجة

ملحوظة : انا سواقتي نوعا ما رياضية مابين ا 3 و 4 ار بي ام و بستعمل فرامل كتير و طريقي دائري على صلاح سالم و سافرت كذه مره في الفترة دي

المشكلة بقى معرفتش اسم التيل ايه و رميت العلبة
بس الحمد لله النهاردة و انا بجيب من واحد بتاع قطع غيار في الحرفيين قالي في نوع ماليزي و نوع اسباني قولتله مش في نوع كوري باين قالي اه صح تصدق و دخل جابهولي قفشت فيه و قلتله هوا دا

اسمه hi tech و ركبته و رجللشت فرامل ورا و غيرت زيت الفرامل بالكامل و الدنيا تمام الحمد لله

بالمناسبة الاصلي في توشكا ب 770 جنيهااااااا

اسف عالاطالة بس حبيت اشرح كل التفاصيل

[AHMED_HAMDY]

الصفاره دي اكثر حاجه مقرفه في التيل

انا من غبائي يوم مكنت في بورسعيد الراجل قالي فيه واحد الماني ب110 وياباني ب 100 كان معايا ميكانيكي قولتله اشتريه عقبال مكنت هجيب حاجه وكان معايا مقاس القديم

خد الالماني ب110 وساب الياباني قالي علشان اغلي هيبقى احسن

وشوفته بعد مجيت الزقازيق وولا ياة لمن تنادي فرامل من يوميها زفت وصفاره طول الوقت

[salah_86]

انا برضة فى اللانسربغير الريمسا ب 130 بدل ما كنت بغير الاصلى ب 550 فى التوكيل

[hany63]

انا عامل ٣٩ الف و تيل الفابريقه متغيرش رغم اني اكدت على الموضوع ده عليهم و انا بعمل صيانة ال ٣٠ الف
المهم هل الفرامل اتحسنت يعني بتمسك احسن من الاصلي؟

[S O P H O S]

مشكورر علي نقل التجربة
وهي اكيد اوفر لكن المهم اداء الفرامل يكون كويس معاك ..

[sanhory]

انا عامل ٣٩ الف و تيل الفابريقه متغيرش رغم اني اكدت على الموضوع ده عليهم و انا بعمل صيانة ال ٣٠ الف
المهم هل الفرامل اتحسنت يعني بتمسك احسن من الاصلي؟

اعتقد عشان عند حضرتك vti فا ورا ديسكات زي قدام و بيرجلش نفسه لوحده لكن اعتقد اللي خلى التيل يخلص بسرعة اني كنت منفض لرجلشة الطبل اللي في الفرامل اللي ورا و كانت الهاند بتجيب تكاتها كلها فكان الحمل كلله قدام , المره دي بقى رجلشت ورا و الفرامل ظبتت قوي ماشاء الله , اما اذا كان احسن من الاصلي فهي نفس الكفاءة و حاسس بفرق قوي بعد الرجلاش و تغيير الزيت الباكم

[sanhory]

مشكورر علي نقل التجربة
وهي اكيد اوفر لكن المهم اداء الفرامل يكون كويس معاك ..

الحمد لله الاداء مرضي جدا و عشان كده جيبت نفس النوع تاني

[fiot]

ربنا يباركلك فيها وتجربة مفيدة بس برضه هاجيب الأصلي (:

[haythamkmal]

مبروك يا محمد باشا

مبدئيا كده التيل الاصلى بيقعد اكتر من كده بكتير متوسط 20--25 على سواقتى انت عارف

بس طبعا فرق السعر يستاهل بس لاحظ تاكل الطنابير كويس

[sanhory]

مبروك يا محمد باشا

مبدئيا كده التيل الاصلى بيقعد اكتر من كده بكتير متوسط 20--25 على سواقتى انت عارف

بس طبعا فرق السعر يستاهل بس لاحظ تاكل الطنابير كويس

لا متخافش الطنابير زي الفل و ده اللي عجبني ان التيل اتاكل بسرعة مش زي بعض الانواع اللي بتاكل في الطنبورة و مابتتاكلش

[hosammoner]

التيل الاصلى ماشى معايا دلوقتى حوالى 30 الف ولسه فيه وعايز اقولك نصيحة يا سنهورى مبروك العربية الاول طبعا يا ريت لو تغير جنبين الفرامل اللى ورا لسكاكين بتوع 2010 هتفرق كتير اوى معاك فى الفرامل اولا بتمسك احسن بمراحل من الطبل وكمان التيل الامامى بيعيش كتير عشان الضغط عليه مش كبير

[SAMEH_FOUAD]

التيل الاصلى ماشى معايا دلوقتى حوالى 30 الف ولسه فيه وعايز اقولك نصيحة يا سنهورى مبروك العربية الاول طبعا يا ريت لو تغير جنبين الفرامل اللى ورا لسكاكين بتوع 2010 هتفرق كتير اوى معاك فى الفرامل اولا بتمسك احسن بمراحل من الطبل وكمان التيل الامامى بيعيش كتير عشان الضغط عليه مش كبير

حسام باشا نورت المنتدى , فينك ياباشا من زماااااااان

[hosammoner]

حسام باشا نورت المنتدى , فينك ياباشا من زماااااااان

ازيك يا سامح باشا عامل ايه معلش الفترة اللى فاتت دى كنت مشغول شويتين بس انا موجود اهو ونشوفكوا قريب ان شاء الله

[sanhory]

التيل الاصلى ماشى معايا دلوقتى حوالى 30 الف ولسه فيه وعايز اقولك نصيحة يا سنهورى مبروك العربية الاول طبعا يا ريت لو تغير جنبين الفرامل اللى ورا لسكاكين بتوع 2010 هتفرق كتير اوى معاك فى الفرامل اولا بتمسك احسن بمراحل من الطبل وكمان التيل الامامى بيعيش كتير عشان الضغط عليه مش كبير

كلام مظبوط ان شاء الله اول ما الميزانية تسمح حعملها