::تقرير:: تركيب فرش جلد هوندا سيتى 2012 "جينزكار"

[spiderroma2010]

تقرير تركيب فرش جلد هوندا سيتى 2012 "جينزكار"

--------------------------------------------

الحمدلله ركبت فرش لعربيتي هوندا سيتى بشركة "جينز كار" و بصراحة الفرش طلع خطير و فعلا معمول بطريقة احترافية و خصوصا التفاصيل في الاداء و عدم الاحساس بإنك في عربية بفرش تفصيل او تركيب كسوة .. احساس جديد جدا بإنك شاري العربية بفرشها الاصلي و ده لقمة الدقة في تفصيل الفرش كما هي نازلة بفبريكة العربية بل و اجمل بكثير من الفابريكة و طبعا الصور هتوضح مقصدي من كلامي .

واجب شكر وتقدير..

احب في الاول ان اشكر المهندس المحترم مدير الشركة الاستاذ / احمد مشعل علي محبته الغير متناهية و طبعا بشكر جميع العاملين بالشركة و بصراحة مفيش حد قابلني الا ووجدت ابتسامة علي وجهه و الكل يعمل في نشاط و ايضا ً المهندس يوسف مشعل و الحاجه فاطمه اللي بيتمتعوا بروح محبة غير عادية و استضافة و روح نقية و تعامل راقي جدا مع العملاء ..

الشغل الجامد اللي اتعمل في العربية ..

اولا ً : في الشركة يوجد الكثير و الكثير من الاختيارات لتحديد اللي تحب تركبه في عربيتك اذا كان جلد او قماش او جلد مع قماش و اللي فعلا عايز ياخد قرار الشراء يبقي لازم تروح الشركة بنفسك و تعاين الوضع لأن يوجد الكثير من الخامات و الموديلات و قصات و خياطات و الوان يعني ممكن تركب جلد لون واحد في العربية او تداخل لونين مع بعض .

ثانيا ً : بالنسبة للتكلفة .. انت اللي هتختار الخامة و القصة و الخياطة لأن في كذا طريقة للخياطة و الجودة في الاختيارات السابقة و طبعا علي كل ده بيوضع السعر و تأكدوا ان اي اختيار هتختاروه هتخدوا الشغل في كل الاحوال 100% و طبعا ضمان 4 سنوات .

ثالثا ً: لعروض الشركة ..
تفصيل الفرش بالشركة يبدأ من 900 جنيه حتي 2200 جنيه للهوندا سيتي .

فرش للابواب و ده عبارة عن تغليف فرش الابواب بالجلد للمناطق اللي فيها قماش فقط و يتكلف الباب الواحد من 80 جنيه حتي 125 جنيه.

يتحكم في السعر عاملين :

1- حجم و قصة و خياطة السيارة خيط من النوع البلاستيك المطاط و ليس قطن و يتكون من ثلاث خيوط و كل خيط من الثلاث يتكون من ثلاث خيوط أخريين يعني تسعة خيوط في خيط واحد.

2- الخامة المختارة من قبل العميل

.. و طبعا مش هننسي التخفيض الجميل لنايل موتورز للي معاه الاستيكر
.. و الهدايا الجميلة و هي فرش لشنطة العربية و المعطر و فوط تلميع رائعة
.. و طبعا الاستضافة من قبل جميع عاملين الشركة المحترمين

ندخل على الصور :) ..


طبعا الصور هتوضح مقارنة صريحة بين الفرش الجديد و الفرش القديم اللي كان موجود بالعربية و ايضا مقارنة الجديد بفبريكة العربية و طبعا انتوا هتشوفوا الصور و انتوا اللي هتقولوا رأيكوا ايه.


























































































يتبع ....

[spiderroma2010]

يتبع ....

[spiderroma2010]

قمت بتغليف لأرضية العربية بالجلد و لكن يوجد كذا سعر حسب الخامة اللي هتختارها يعني الاسعار 350 و 450 و 500 جنيه




















































أتمني يكون التقرير عجبكوا :)))))


@@@@@@@@@@@@@@@@

[youssef_u]

الف مبروك و الفرش جميل ربنا يباركلك فيه :)

[mem]

الف الف الف مبروك وربنا يحفظهالك
والصراحه شغل ممتاز وشكلها جميل
ما شاء الله
بس ما قلتلناش كلفتك كام الكراسى كام والارضيه كام

[hugan]

مبروك الشغل
اتكلفت كام

[ashourashour]

بسم الله ما شاء الله تحفه

لكن انا مش بحب الارضيه جلد

لكن الكراسي 100%

[egyptiandiver]

الف مبروك و ربنا يباركلك

[ahmedshetewy]

x شغل جميل جدا مشاء الله ربنا يباركلك ويكفيك شر العين

[SAMEH_FOUAD]

الف الف مبروك ياباشا , وربنا يحفظهالك يارب

شغل مش خسارة فية الفلوس ابدا , ممتاز فعلا

[FrozenFire]

شغل جميل
بس اجمالي التكلغة كام؟؟
واهم حاجة
خد وقت قد ايه؟؟؟؟ وهل حجزت قبل ما تروح؟؟؟

[hany63]

هل الكرسي احساسه اتغير ؟
يعني هل الكرسي بقى ناشف؟

[spiderroma2010]

الف مبروك و الفرش جميل ربنا يباركلك فيه :)

الف الف الف مبروك وربنا يحفظهالك
والصراحه شغل ممتاز وشكلها جميل
ما شاء الله
بس ما قلتلناش كلفتك كام الكراسى كام والارضيه كام

مبروك الشغل
اتكلفت كام

الله يبارك فيكم يا جماعة .. متشكر جدا

بالنسبة لشغل الفرش و الارضية .. زي ما قولت في الموضوع السعر بيتحكم فيه عوامل كتيرة منها :
-- خامة الجلد
-- نقشة الجلد
-- قصة الفرش
-- و اختيارك اذا كان لون في القصة او لونين او ادخال جلد مع قماش
-- طريقة الخياطة (من غير خياطة - خياطة مفرد - خياطة مزدوجة)
-- اختيار كل ماسبق و الالوان بتختار بين اكتر من 20 نوع

طيب انا ليه قولت كل ده ؟؟ لأن انا لو حطيت السعر هنا في الموضوع مش هيخدم الاعضاء في اي شيئ و غير كده هتاخد نفس تقفيل الشغل ده حتي لو اخترت الفرش بـ 900 او بـ 2200 جنيه
فمش هينفع نبوح بالسعر لأن ممكن اكتب مثلا اني عملت الفرش بـ 1600 جنيه و لما يعجب حد هنا في المنتدي هيروح جينزكار و يختار مستوي اعلي من اللي انا اخترته و عمل سعر 1800 جنيه
في الحالة ديه طبعا هيقول في جينزكار ان انا شوفت نفس الشغل في المنتدي بـ 1600 و الباقي انتم عارفينه

الحاجه المهمة اللي عايز اوضحها انك مهما عملت او اخترت اي انواع او قصات او خامات او طريقة قصة معينة هتلاقي في الاخر التقفيل هو هو اللي في الصور في الموضوع
و اتمني ان تكون وصلت وجهة نظري

[spiderroma2010]

بسم الله ما شاء الله تحفه

لكن انا مش بحب الارضيه جلد

لكن الكراسي 100%

انا مش معاك يا باشا في موضوع عدم حبك انك تعمل الارضية جلد
هقول لك ليه ... انت لما بتفرش الارضية جلد هتحمي العربية من اي حاجه تقع عليها خصوصا من الاطفال زي العصائر و الشيبسي و المأكولات لأن بشوية مياه كل حاجه بتروح و بالتالي الجلد عملي جدا عن الموكيت

[spiderroma2010]

الف مبروك و ربنا يباركلك

الله يبارك فيك يا باشا .. متشكر جدا

x شغل جميل جدا مشاء الله ربنا يباركلك ويكفيك شر العين

الله يبارك فيك يا باشا .. متشكر جدا

الف الف مبروك ياباشا , وربنا يحفظهالك يارب

شغل مش خسارة فية الفلوس ابدا , ممتاز فعلا

تعيش يا سامح .. متشكر علي مباركتك الغالية
و فعلا الشغل لما بيبقي بالاخراج الرائع ده .. بتلاقي ان الفلوس لاشيئ جنبه

شغل جميل
بس اجمالي التكلغة كام؟؟
واهم حاجة
خد وقت قد ايه؟؟؟؟ وهل حجزت قبل ما تروح؟؟؟

تعيش يا دكتور و تم الرد علي السعر في مشاركة سابقة
طبعا لازم في الاول بتروح يوم عشان تختار الفرش و القصة المطلوبة و هكذا و بتحجز يوم تاني للتركيب و بياخد حوالي 3 او 4 ساعات بحد اقصي

هل الكرسي احساسه اتغير ؟
يعني هل الكرسي بقى ناشف؟

بص يا باشا هو القاعدة في العربية عند الاستلام مريحة لكن بعد الفرش اصبحت مريحة جدا جدا و الكراسي مش ناشفة ولا حاجه