«هوندا» تطرح موديلات 2013 فى مارس بأسعار تنافسية

[amgomaa]

تطرح «الفطيم مصر» وكيل هوندا، موديلات 2013 من السيارتين هوندا سيفك وسيتى، أوائل الشهر المقبل. وصرح السيد شريف محمود، مدير عام «هوندا»، بأن السيارات ستطرح فى السوق المصرية بإمكانيات أعلى من سابقتها خاصة السيارة سيتى التى زودت بالكروس كنترول. وعن موضوع زيادة أسعار السيارات فى السوق المصرية، قال محمود: «على الرغم من الزيادة الكبيرة التى حدثت فى أسعار العملات فإن الموديلات الجديدة من (هوندا) ستطرح بأسعار تنافسية وجيدة، وهذا يرجع إلى المجهودات التى بذلت من جانب شركة الفطيم وهوندا لتقليل الأسعار»، وأضاف أن «(هوندا) ستقدم حملة صيانة لمالكى السيارة هوندا، بها خصومات على مصاريف الصيانة وقطع الغيار، إضافة إلى الكشف المجانى على بعض من أجزاء السيارة».
المصدر جريدة الوطن
[url=http://www.elwatannews.com/news/details/138855]الوطن |

[Saeed-Taha]

خبر ممتاز
بس امتى بقى نشوف موديلات تانية غير السيفك والسيتى فى مصر هنا

[szaalouk]

خبر رائع
بس الأسعار التنافسيه دي جايه من ان السيفيك الجديد اللي جايبه التوكيل جايه من ( تركيا - صناعه و تقفيل تركي )
و ليست ياباني علشان يستفيد بالتخفيض الجمركي الممنوح للعربيات الأوروبيه المنشأ
و بالتالي اصبحت السياره منافسه سعريا لمثيلاتها .
انا مقدرش اتكلم في موضوع الجوده لأن دي برضه هوندا يعني ناس مش بتلعب و لا بتهرج
لكن احساسي الشخصي بما انها خرجت من تحت ايد اليابانيين فأصبحت مهجنه الجينات و ليست دم ياباني 100% و بالتالي لا استطيع المجازفه بأقتنائها ( ده رأي شخصي صرف ) علشان اخواتي هنا ما يزعلوش مني .

تحياتي

[محمد أنور]

ممكن حد يستفسر اكتر عن موضوع حملة الصيانة ده ؟ لأني برة مصر و عربيتي مركونة ف لو كدة ممكن اوصي حد ياخدهالي التوكيل يعملها صيانة

[hany63]

ممكن حد يستفسر اكتر عن موضوع حملة الصيانة ده ؟ لأني برة مصر و عربيتي مركونة ف لو كدة ممكن اوصي حد ياخدهالي التوكيل يعملها صيانة

انا كده كده رايح اعمل صيانة ال ٤٠ الف يوم السبت و هعمل تقرير مخصوص بيها عشان خاطرك

[محمد أنور]

انا كده كده رايح اعمل صيانة ال ٤٠ الف يوم السبت و هعمل تقرير مخصوص بيها عشان خاطرك

ربنا يخليك يا أستاذ هاني و شكرا مقدما و في انتظار تقريرك باذن الله

[ahmedwagdy03]

خبر رائع
بس الأسعار التنافسيه دي جايه من ان السيفيك الجديد اللي جايبه التوكيل جايه من ( تركيا - صناعه و تقفيل تركي )
و ليست ياباني علشان يستفيد بالتخفيض الجمركي الممنوح للعربيات الأوروبيه المنشأ
و بالتالي اصبحت السياره منافسه سعريا لمثيلاتها .
انا مقدرش اتكلم في موضوع الجوده لأن دي برضه هوندا يعني ناس مش بتلعب و لا بتهرج
لكن احساسي الشخصي بما انها خرجت من تحت ايد اليابانيين فأصبحت مهجنه الجينات و ليست دم ياباني 100% و بالتالي لا استطيع المجازفه بأقتنائها ( ده رأي شخصي صرف ) علشان اخواتي هنا ما يزعلوش مني .

تحياتي

أنا معاك تماما لإنى كنت ناوى أجيب سيفيك 2013 بس بعد ما عرفت إنها نازلة بسعر 209 ألف لل vti و تركى شفت إنى أنتظر لغاية ما أشوف نظام التركى و مشاكله قبل ما أدفع مبلغ زى ده

[mezo_88]

Honda City prices
LX price 148,900 - EX Price 158,900

Civic 2013 will be available starting from 20/3/2013

[S O P H O S]

خبر جميل لشركة عملاقة

[hany63]

السيفيك نازله كمان عشر ايام تركي و نفس شكل ٢٠١٢ و البيزك عامله ١٨٩ الف
ومش عارفيين لسه اذا كان التشطيبات الداخليه اتعدلت و لا لاء و مستنيين العربيه لما تنزل عشان نعرف
و بالمناسبه سمعت ان الكورولا برضه هتنزل تركي

[Samir Elshahawy]

خبر رائع
بس الأسعار التنافسيه دي جايه من ان السيفيك الجديد اللي جايبه التوكيل جايه من ( تركيا - صناعه و تقفيل تركي )
و ليست ياباني علشان يستفيد بالتخفيض الجمركي الممنوح للعربيات الأوروبيه المنشأ
و بالتالي اصبحت السياره منافسه سعريا لمثيلاتها .
انا مقدرش اتكلم في موضوع الجوده لأن دي برضه هوندا يعني ناس مش بتلعب و لا بتهرج
لكن احساسي الشخصي بما انها خرجت من تحت ايد اليابانيين فأصبحت مهجنه الجينات و ليست دم ياباني 100% و بالتالي لا استطيع المجازفه بأقتنائها ( ده رأي شخصي صرف ) علشان اخواتي هنا ما يزعلوش مني .

تحياتي

أسمح لي أختلف معاك في الرأي ده
لأن تويوتا لما عملت عربية في جنوب أفريقيا (الكورولا الجنوب أفريقي) اللي هيا حتي أوتوماتيك عادي كانت بمواصفات أوروبي و فيها أمكانيات أعلي من نظيرتها الياباني

أنا شخصيا ارتحت لها أكثر من الياباني
هوندا بتحاول أنها تهرب من فرق السعر بسبب أرتفاع العملات و تستفيد من الاتفاقيات التجارية الجديدة بين مصر و تركيا و دول الاتحاد الاوروبي

لكن السؤال هنا ..
الاسعار التنافسية دي هاتكون بتبدأ من كام ؟
علشان لانتفاجأ بأسعار تنافسية زي اللي نزلت بيها اللوجان اللي بتندرج تحت مسمي أتفاقية أغادير و أعفاء جمركي و كلام كبير و في الاخر نزلت باسعار تنافسية برضه

[hany63]

التوكيل مش هيستفيد بتخفيضات جمركيه ولا حاجه لسبب بسيط ان تركيا مش تبع دول الاتحاد الاوربي
التوفير هييجي من فرق العمله بين اليابان و تركيا و رخص التقفيل في تركيا

[Eng_Moh.Dewair]

لا يا فندم الحكومه المصريه و التركيه موقعين على اتفاقيه مشابهه تماما للاتفاقيه الموقعه بين مصر و الاتحاد الاوروبى من ناحيه التخفيضات الجمركيه

[a7m8n]

تنافسيه

يارجاله اسعار تنافسيه ايه اللى بيتكلمو عليها والله حرررام الى بيحصلنا ده حد يقول ان هوندا سيفيك مهما كانت فيها امكانيات تبقى ب 209 الف والسيتى توصل ل 148 الف بالذمه ده مش حرررام ياجماعه هى دى الاسعار التنافسيه حد يقولى انا غلطااان ولا ايه

[amgomaa]

يارجاله اسعار تنافسيه ايه اللى بيتكلمو عليها والله حرررام الى بيحصلنا ده حد يقول ان هوندا سيفيك مهما كانت فيها امكانيات تبقى ب 209 الف والسيتى توصل ل 148 الف بالذمه ده مش حرررام ياجماعه هى دى الاسعار التنافسيه حد يقولى انا غلطااان ولا ايه

بالمقارنه مع السيراتو اللى بقت 194000 و الريو اللى 145000 اسعار تنافسيه ونص