أسئلة عن أفضل موديلات الهوندا

[yoyhmh]

احب احيى قسم الهوندا المحترم من خلال متابعتى له ولاارائكم و خبراتكم مع سياراتكم الجميلة
واود ان اسال ما افضل نوع هوندا سيفيك---اكورد---سيتى----جاز--------
1-ايه افضل نوع فيهم
2-عند شراء موديل من 80 الى 90 اى نوع افضل و لماذا؟
3-اى موديل من السيفيك افضل من 85 الى 2001 ولماذا؟
4-اى نوع فيهم سهل الصيانة ولا يحتاج الى متخصص لصيانته؟وهل يوجد بدائل لقطع الغيار ام لا؟
5-بامانة هل الهوندا افضل سيارة يابانية وهل افضل من الالمانى؟
--------شكرا على المعلومات الموجودة بالقسم-----------و اسف على الاطالة--------وارجوا الاجابة على الاسئلة------------




تم تعديل العنوان ليتناسب مع المحتوى
6/3/2013 7:30pm
م ب 8

[yoyhmh]

شكرا لتعديل العنوان
متابع 53 مشاهدة بدون رد-----فين الهونداوية--------------

[Ahmed Nasr]

92 الى2000

[SAMEH_FOUAD]

معلش ياباشا ونأسف للتأخير , وانا كنت شايف الموضوع بس فضلت حد من اعضاء الهوندا يرد عليك

وعموما ياباشا هو بس فية مشكلة ان حضرتك جايب موديلات مختلفة جدا يعنى موديل 80 الى 90 فية ثلاث موديلات نزلوا

ومن موديل 85 الى 2001 فية اربع موديلات وكل واحدة بسعر واوبشن

عشان بس تبقى عارف تقسيم موديلات الهوندا

1- سيفيك الفئة الاولى : من 1973-1979

2- سيفيك الفئة التانية : من 1980-1983

3- سيفيك الفئة الثالثة : 1984-1987

4- سيفيك الفئة الرابعة : 1988-1991

5- سيفيك الفئة الخامسة : 1992-1995

6- سيفيك الفئة السادسة : 1996-2000

7- سيفيك الفئة السابعة : 2001-2005

8- سيفيك الفئة الثامنة : 2006-2011

9- سيفيك الفئة التاسعة : 2012- حتى الان

طبعا موديلات الهوندا ممتازة لكن بدأت الهوندا فى الظهور بقوة من اول موديل 1984 الصراحة كلها موديلات جميلة وكفائتها ومواتيرها عالية وقوية وخصوصا الشكل ( 1992-1995 - 1996- 2000 ) الشكلين دول نقلوا الهوندا نقلة تانية خالص لانها بجد عربيات جميلة جدا وممتازة جدااااااااااا فى جميع النواحى

- الهوندا ابتداء من 1988-2012 لازم حد يكون فاهم يعنى اية هوندا وبمعنى اصح متخصص هوندا , لكن اى حد هيلعب فيها هيخرب العربية مش هيصلحها

- بدائل قطع الغيار متوافرة ( يابانى - تايوانى - تايلاندى لكل ماهو يعمل بالكاوتش - استيراد )

- افضل من الالمانى ياريت تحدد الالمانى عشان نقدر نتكلم اوضح وموديل كام مهم جداااااا

[belladona]

هوندا سيفيك 92 ل 95 الي هو الجيل الخامس
هوندا سيفيك 96 ل 2000 الي هو الجيل السادس انا في الاتنين دول الكوبيه اروع بكتيير
هوندا crx من 83 ل 91 رووعة بس كل الي بشوفهم هنا رايحين في داهية للاسف
هوندا s2000 طفرة من هوندا
هوندا nsx اروع عربية عملتها هوندا

العربيات دي انا اقدر اقلك اه تركب هوندا غير كدا انقل على الالماني بس اخر عربيتين صعب قوي :) والالماني انا اقصد BMW

[ahmedeihab]

سامح جاب المفيد

^_^

[Yones]

الأكورد حلوة بس دايما مظلومة فى سوق سيارات مصر

[محمد بدر]

برنس يا سموح
فعلا يا بختنا بيك
ربنا يحفظك

[SAMEH_FOUAD]

برنس يا سموح
فعلا يا بختنا بيك
ربنا يحفظك

ربنا يخليك ياباشا

احنا اللى اتشرفنا ان حضرتك انضميت الى الهونداوية

[SAMEH_FOUAD]

شوف ياباشا عشان بس فية نقطة انا نسيت اتكلم عليها :

الفرق مابين الموديلات ( سيفيك - اكورد - سيتى - جاز )

بالنسبة للاكورد فطبعا عربية جميلة جدااااااا وممتازة جدا يعيبها الاتى :

1- قلة قطع الغيار وغلائها

2- عدم الانتشار فبيخلى بيعها تقيل شوية وبينزل من سعرها

3- اكسسوارات العربية تكاد تكون منعدمة ومش موجودة غير فى اماكن قليلة جدااا وطبعا سعرها مبالغ فية جدا

- السيتى : سيارة ممتازة جدااااااا بس كسيارة مدينة يعنى مشاكلها كالاتى :

- 2004-2006 :

1- الشكل مش محبب زى بقيت اشكال الهوندا

2- قطع غيار قليلة جداااا كاستيراد لكن جديدة موجودة بس غالية

3- ثبات العربية بيقل جامد جدا بعد سرعة 130 كم

4- العربية صعب جدا الشغل فيها ومش اى ميكانيكى بيقبل يشتغل فيها

من موديل 2007-2008 :( دة facelift للموديل 2004-2006 )

1- العربية شكلها اتحسن كتير

2- ونفس العيوب اللى موجودة فى الشكل القديم مازالت قائمة مع تحسن فى الثبات بنسبة بسيطة عن الموديل الشكل القديم

- 2- الجاز :

1- الهوندا جاز تعتبر الهاتشباك بتاعة السيتى ولكن بأسم اخر لانها بتنزل فى اوروبا وامريكا

وعموما العربية دية جميلة جداااااااا , بس للاسف قطع غيارها قليلة جدااااا جديد واستيراد

وعموما الترتيب العام للسيارات

1- اكورد

2- سيفيك

3- سيتى - جاز فى نفس المرتبة

[محمد أنور]

الأكورد حلوة بس دايما مظلومة فى سوق سيارات مصر

و في الخليج برضه والله

[yoyhmh]

شكرا جزيلا لكل الهونداوية فعلا قسم محترم بالناس اللى فيه
اخص باشكر أ/سامح فؤاد على الرد المفيد وكل من قام بالتعليق-------------
بس فيه استفسار بسيط لو سمحتولى؟؟؟؟؟؟؟؟؟؟؟؟
ايه الموديل اللى فيهم اسهل فى صيانته و ارخص فى قطع غياره وتكون قطع غياره متوفرة؟
وهل كل الموديلات نفس الكفاءة فى الاداء من حيث الموتور -العفشة-الكهرباء---دا مع الاعتبار ان الحالة العامة لكل الموديلات واحدة و ممتازة؟
وشكرا على سعة صدركم --لانى معلش بتقل عليكم """"""""""""""""""""""

[belladona]

لا الخلييييج منتشرة فييه جدا دي اكتر من السيفيك خصوصا في السعودية