خصومات على قطع الغيار و المصنعيات بالتوكيل

[hany63]

مساء الخير
النهارده كنت في التوكيل و لقيتهم عاملين خصم ١٥ في الميه على المصنعيات و ١٢ في الميه على قطع الغيار و فلتر زيت مجانا
وبصراحه انا شايف ان الخصم كويس خصوصا لو حد بيعمل صيانه و بيركب قطع غيار
و هبقى اعمل تقرير صيانة ال ٤٠ الف في موضوع منفصل اشرح ايه اللي اتعمل بالتفصيل في العربيه

[khaledmekawy2008]

الف شكر يا راجل يا محترم

[CosmicOne]

تعرف العرض لحد امتى يا كبير

لسا مرايت عربيتي مكسوره النهارده الحمد لله من القاعده بتاعتها و عاوز اسأل تصليحها او الجديده بكام

[hany63]

الف شكر يا راجل يا محترم

العفو ياغالي

[hany63]

تعرف العرض لحد امتى يا كبير

لسا مرايت عربيتي مكسوره النهارده الحمد لله من القاعده بتاعتها و عاوز اسأل تصليحها او الجديده بكام

والله هما بيقولوا العرض اليومين دول و خلاص لحد ما ييجيلهم مزاجهم
و المرايا دي بيعتبروها اكسسوار مش في العرض غالبا عشان العرض ده خاص بقسم الصيانه
خليك في الحرفيين بالنسبه لموضوع المرايا و ممكن تلقى قاعده مصري صب تمشي الليله و انا مجربها في الكورولا و لا باينه

[hany63]

لسه حد من التوكيل مكلمني بيسأل عن مستوى الخدمه و مدى رضائي عنها و قال ان الخصومات مستمره لنهاية الاسبوع القادم