عاجل استلام السفيك اليوم

[qwertyqwerty]

السادة الافاضل
استلم السيفيك اليوم باذن الله تعالى
ما هى نصيحتكم فى هذا الشأن
كم عدد المفاتيح التى استلمها وهل هناك امور اخرى يجب ان احرص على الحصول عليها عند الاستلام
أرجو الافادة

[Kamal-1]

ألف مبروك يا كبير وادعيلي انا لسه هستلم التانية يوم 30/9

اتأكد من الجواب بتاع المرور والمفاتيح هتستلم مفتاحين

وخلي بالك وانت ماشي وربنا يسترها معاك ويكفيك شر العربية

وحاول اول الف كيلو ماتخليش العربية تعدي 2.5 Rpm وماتقرصش عليها يعني خليك 80-90

[tksy1260]

ألف مبروك ستأخذ مفتاحين الأول بالريموت والثاني بدون ريموت ويجب التأكد من استلام جواب المرور وأصل الفاتورة والكتالوج وشهادة الضمان وكذلك صورة من تخليص الجمارك برقم الموتور والشاسيه علي ما أعتقد ومبروك مرة أخري

[م/محمد صلاح]

ألف مبروك ستأخذ مفتاحين الأول بالريموت والثاني بدون ريموت ويجب التأكد من استلام جواب المرور وأصل الفاتورة والكتالوج وشهادة الضمان وكذلك صورة من تخليص الجمارك برقم الموتور والشاسيه علي ما أعتقد ومبروك مرة أخري

كلام حضرتك مظبوط 100 % بس بالنسبه لشهادة الضمان مافيش شهادة ضمان لان كل اللى بتاخده بيبقى دفتر الصيانه بتاخده وانت بتعمل صيانة الالف او ال 5000

ماتنساش ياكويرتى تاخد الطفايه والولاعه

وربنا يديك خيرها ويكفيك شرها وماتخليش العربيه تغريك بالجرى انا مجرب الحكايه دى

[Kamal-1]

أنا عاوز اسألك انت استلمت العربية ولا ايه ؟ ؟ ؟
بخصوص الاستلام هل الموعد اللي اتحدد لك في الوصل استلمت فية ولا ايه ؟؟

طبعا كلكم هتسألوا طب ما انت معاك سيفيك !!! هقولك دي ماكانتش حجز من الوكيــــل وانا هستلم واحدة من الوكيل يوم 30/9 فمش عارف هل المواعيد دي صحيحة ولا بيبقى فيه تأخير ؟؟

طبعا اللي جاية هتكون بتاعتي انما الموجودة حاليا بتاعت اختي *_* بس انا مسيطر عليها تمااااااااااما

[alivara]

ممكن تقوللى سعرها كام ؟

[Kamal-1]

ممكن تقوللى سعرها كام ؟

143,000

مائة وثلاثة واربعون الف جنيها مصريا فقط لا غير

[أبو عبدالرحمن]

أنا عاوز اسألك انت استلمت العربية ولا ايه ؟ ؟ ؟
بخصوص الاستلام هل الموعد اللي اتحدد لك في الوصل استلمت فية ولا ايه ؟؟

طبعا كلكم هتسألوا طب ما انت معاك سيفيك !!! هقولك دي ماكانتش حجز من الوكيــــل وانا هستلم واحدة من الوكيل يوم 30/9 فمش عارف هل المواعيد دي صحيحة ولا بيبقى فيه تأخير ؟؟

طبعا اللي جاية هتكون بتاعتي انما الموجودة حاليا بتاعت اختي *_* بس انا مسيطر عليها تمااااااااااما

اللي حصل معايا إنهم كلموني قبل ميعاد الاستلام بأسبوعين وقالولي إن العربية جاهزة تعالى استلم ،،وإن شاء الله هاروح أستلمها في خلال اليومين دول ،،،مش عارف ده علشان الموديل الجديد نازل ولا ايه اللي حصل ،،،،بس عموما أنا لسه مابعتش عربيتي ومش عارف هل يمكن أرخص عربيتين ولا ده بيبقى عليه مصاريف كتيرة ،،يا ريت لو حد يعرف يقوللي ،،،،وبالمناسبة أنا اخترتها Galaxy Grey

[AHMEDCAR]

اللي حصل معايا إنهم كلموني قبل ميعاد الاستلام بأسبوعين وقالولي إن العربية جاهزة تعالى استلم ،،وإن شاء الله هاروح أستلمها في خلال اليومين دول ،،،مش عارف ده علشان الموديل الجديد نازل ولا ايه اللي حصل ،،،،بس عموما أنا لسه مابعتش عربيتي ومش عارف هل يمكن أرخص عربيتين ولا ده بيبقى عليه مصاريف كتيرة ،،يا ريت لو حد يعرف يقوللي ،،،،وبالمناسبة أنا اخترتها Galaxy Grey

هاتدفع ضريبه ترفيهيه فى حدود 60 جنيه او اكثر بس مش هايزيدوا عن 100

[أبو عبدالرحمن]

يعني الموضوع كله في حدود 100 جنيه بعد الأسعار الجديدة ؟؟؟؟ يعني مش أكثر من كده : حضرتك متأكد؟؟

[AHMEDCAR]

اولا الف مبروك على العربيه
انا كنت بدفع فى حدود 60 فى ظل القانون القديم مش عارف الجديد كام بس غالبا هيه هيه هما ماغيروش فى الحاجات دى خالص
والله اعلم

[أبو عبدالرحمن]

الله يبارك فيك ،وشكرا على اهتمامك

[AHMEDCAR]

الله يبارك فيك ،وشكرا على اهتمامك

الف مبروك مقدما
ولا شكر على واجب