Tweet
الموضوع دة مخصص لعرض مصاريف الصيانات الدورية لهوندا سيتى بالاضافة لتكاليف قطع الغيار و مصنعياتها عشان يبقى مرجع لكل من يريد معرفة تكاليف الصيانة.
و حأبدأ بسيارتى هوندا سيتى 2006 سعة 1500 سى سى مانيوال و تكاليف الصيانة من الصفر و حتى الآن 25000 كيلو:
* صيانة الألف كيلو: مجاناً (لا يوجد تغيير زيت أو فلتر فى صيانة الألف)
* صيانة الـ 5000: 280 جنيه شامل تغيير فلتر و زيت موبيل 1
* صيانة الـ 10000: 250 جنيه شامل تغيير فلتر و زيت موبيل 1 و كان الفلتر مجاناً عشان كان فى عرض خاص أياميها
* صيانة الـ 15000: 290 جنيه شامل فلتر و زيت موبيل 1
* صيانة الـ 20000: 315 جنيه شامل فلتر و زيت شل هيلكس ألترا
÷÷÷÷ ملحوظة: المرة دى حطيت شل هيلكس ألترا لأنه أنظف بمراحل من موبيل 1 و ناوى أغيره كل 10 آلاف مش كل 5
* صيانة الـ 25000: 60 جنيه (لا يوجد تغيير فلتر أو زيت المرة دى)
قالولى فى صيانة الـ 30 ألف احتمال يكون فى تغيير طقم تيل أمامى تكلفته 275 ... لما أوصل للـ 30 باذن الله حأكتبلكوا التكاليف بالضبط كام.
Comment