هوندا del sol crx

[lovemeromaro]

حد يعرف معلومات عن هوندا del sol crx يا ريت حد يفيدنى


تم تعديل العنوان طبقا للقواعد
الإشراف...

[Hassan Khalil]

اذا كانت العربية اللي في بالي .. ما اعتقدش ان حد حيعرف عنها معلومات كتير كمعلومات .. و بالتالي مش حتلاقي كتير يعرفوا عنها في البيع و الشراء ..
اذا كانت هي .. اعتقد انها نزلت مصر في منتصف التسعينات ..بمحرك 1600 كابروليه 2 راكب بسقف معدني متحرك بينزل داخل الشنطة ..و مشفتش منها غير الاحمر و الاخضر .
كانت عربية ثورية جدا اول مانزلت و خصوصا موضوع السقف ده علشان كنا اول مرة نشوفه ..
لكن دلوقتي .. قليل اوي لما الواحد يشوفها .. و دايما بتكون متبهدلة ( البودي ) و اعتقد ده لانها مالهاش قطع غيار منتشرة زي الرفارف و الفوانيس و الاكصدامات و غيرها .. لذلك اغلب شغلها بيكون شغل صنايعية .

[OlaOsman]

معلش.. سؤال بس.. ليه الحقووووني؟

[Adham]

هههههههههههه

يظهر دي لزوم السسبنس علشان اعضاء كتير يجروا يخشوا عالموضوع

[lovemeromaro]

مرسى يا جماعة على كل اللى رد وبجد العربيه دى حيرتى وعجبانى ومش عارف أجيبها ولا لأ وياريت لو حد يعرف سعرها يقولى أو لو حد عنده تعليق يقولى برده وعلى فكرة أنا كاتب ألحقووونى علشان الناس تدخل تشاركنى الكلام ودى صورة العربيه علشان لو حد مش عارفها

[Adham]

هي فين الصورة دي؟؟

بس عامه ماتقلقش عارفينها و حافظينها

و ممكن تلاقي منها في التلاتينات
بس طبعا الحالة هي اللي بتحكم لغاية الخمسينات برضة موجود لو نضيفة

بس خللي بالك دي عربية 2 سيتر (كرسيين ) بس مافيش كنبة

يعني للدلع و الفسح
و ماتنفعش مع عائلة
لازم يكون معاها عربية تانية

و ديل سول دة اسمها في أمريكا
لكن في بقيت الدنيا سي ار اكس

[marsguy]

فيها كنبه يا باشا

[Adham]

ايوة بس كنبة صغيرة جدا
مش غريضة (كنزة)

بالكتير تحط عليها مشترواتك او طفلين صعيرين

كاعتقدش ممكن يجلس عليها شخصين بالغين

[zAzU]

الcrx دى جامده اوى فى واحده منها هنا فى المنصوره سوداء العربيه دى نادره وسعرها فى اخر الاربيعينات يعنى

[Hassan Khalil]

العربية مفيهاش كنبة خلفية .. هما كرسيين فقط زي ما قلنا سابقا ..
مفيهاش اصلا مكان لكنبة ..لا كبيرة و لا صغيرة

[S H @ F T]

الماتور والعفشة هوندا سيفيك
المشكلة في البادي هو اللي مش موجود الا استيراد وأسعاره مبالغ فيها جدا
وكمان السقف بتاعها بيبوظ ومالوش تصليح

لو هاتشتريها اتأكد ان السقف شغال والبادي والانتريور نظيف , الباقي سهل

[iBiZa]

مرسى يا جماعة على كل اللى رد وبجد العربيه دى حيرتى وعجبانى ومش عارف أجيبها ولا لأ

دية حاجة ترجعلك انت

وياريت لو حد يعرف سعرها يقولى

من 30 الى 55 حسب الحالة و اللى فيها

لو حد عنده تعليق يقولى برده

[/quote]

لو خدت خبطة جامدة فى الشنطة Mechanism السقف بيبوظ و مش اى حد بيعرف يصلحة.

العربية مفيهاش كنبة خلفية .. هما كرسيين فقط زي ما قلنا سابقا ..
مفيهاش اصلا مكان لكنبة ..لا كبيرة و لا صغيرة

+1
اللى فيها الكنبة الصغيرة دية الShape اللى قبلة اللى هى من 83 الى 91
و اسمها 2 + 2

الماتور والعفشة هوندا سيفيك
المشكلة في البادي هو اللي مش موجود الا استيراد وأسعاره مبالغ فيها جدا
وكمان السقف بتاعها بيبوظ ومالوش تصليح

لو هاتشتريها اتأكد ان السقف شغال والبادي والانتريور نظيف , الباقي سهل

+1 الحاجات اللى قاللك عليها دية مش موجودة غير استيراد عند كام واحد معروفين بالاسم و هما عارفين ان محدش غيرهم بيشتغل فيها فا اسعارهم غالية جدا.

لو انت عندك حد فى امريكا يجيبلك الرفايع بتاعتها يبقى هايل لان حاجتها هناك موجودة بالهبل و برخص التراب لانها محبوبة جدا و سوقها ماشى.

الموتور و العفشة هما سيفيك فا كل حاجة موجودة و لو حبيت تسقط موتور يبقى عليك و على ال1.6 VTEC B16A و دة 170hp