الستي اتخبطت

[srt10]

بسم الله الرحمن الرحيم

الحمد لله على كل حاجة

النهاردة الكوتش الأمامي يمين انفجر مني

العربية مقلكمش بأى

http://www10.0zz0.com/2013/04/10/22/302244916.jpg

ايه رأيك تتصلح بكام ولا اعمل ايه المتور والشاسيه والفوانيس كويسين الحمد لله

[srt10]

تتكلف كام عشان ماحدش يحور عليا

[ahmedeihab]

لا حول ولا قوه الا بالله الحمد لله انك بخير

هى الحمد لله بسيطه

بس لازم العربيه يتبص عليها اكتر من كده علشان الصوره مش مبينه اى حاجه

لازم تصور الحوض صوره واضحه و قريبه و الاماكن اللى فيها كدمات علشان نقدر نحكم

قدر الله و ماشاء فعل

^_^

[SAMEH_FOUAD]

قدر الله وماشاء فعل , والحمد لله انها جت على قد كدة

طيب هو حضرتك مأمن عليها ولا لأ ؟؟؟؟

وطبعا يستحسن تعملها برة التوكيل فى مركز محترم , بس حضرتك ماقولتش اية اللى حصل , او الاضرار

يعنى انا مش شايف فى الصورة غير الاتى :

1- رد الرفرق الخلفى

2- فانوس امامى يمين

3- تغير رفرف امامى

4- مش عارف بقى اخبار الاكصدام اية بس ممكن يروح يتعمل عند بتاع فايبر

5- استعدال جنط

6- فردة كاوتش

7- مرايا يمين


دة ظاهريا , اية بقى الدنيا من الداخل

[hossam_elwani]

الحمد لله على كل شىء

مش عارف ايه حكاية الحوادث اليومين دول لاعضاء المنتدى

ربنا يسلم

[srt10]

من جوا سليمة يا باشا


الحاجات الي قلت عليها دي حضرتك تكلف كام من غير

الفانوس الأمامي لأنه سليم

كل الي حصل جوا قربة المية بتاعتة المساحات اتكسرت بس

[م/اكرم]

الف حمد الله على سلامتك.........ربنا يعوضك خير.....

[S O P H O S]

الحمد الله انك بخير
وان شاء الله ترجع احسن من الاول

[eslam3344]

اهم حاجه انك سليم سيبك انت مش مهم الصاج اهم حاجه البني ادم وفداك وربنا يعوضك
مش يمكن ربنا عمل فيك كده عشان تعمل شوية بويه جداد يخلوها بتلمع اكتر
دايما قول الحمد لله وقدر الله وما شاء فعل

[AHMED_HAMDY]

سلامتك بالدنيا كلها الحمد الله ان انت بخير

ورينا يعوض عليك ويكفيك شرها يا رب وترجع احسن من الاول

[SAMEH_FOUAD]

من جوا سليمة يا باشا


الحاجات الي قلت عليها دي حضرتك تكلف كام من غير

الفانوس الأمامي لأنه سليم

كل الي حصل جوا قربة المية بتاعتة المساحات اتكسرت بس

5000 الاف جنية بالكتير اوى لو هتعملها برة التوكيل

بس اهم حاجة دة يتعمل ( لحام الاكصدام بالفيبر لو فية حاجة - استعدال الجنط )

كدة يبقى المصاريف هتكون شراء الاتى ( تغير المرايا - تغير رفرق امامى - تغير فردة كاوتش- قربة المياة )

ممكن توفر على نفسك تمن المرايا لو المرايا اللى عندك بس القاعدة بتاعتها هية اللى اتكسرت لكن غير كدة غيرها

والسمكرى هياخدلة فى تركيب الاتى ( الاكصدام - الرفرف الامامى - استعدال الرفرف الخلفى - ظبط العتب ) = 500 -600 جنية

وتبقى عملت الصح لو عرفت تجيب رفرف زى لون عربيتك استيراد هو قليل جدااا بس حاول لانة من التوكيل هيبقى غالى

وان شاء الله خير , اهم حاجة توديها لواحد كويس عشان يرجعهالك نظيفة

[hany63]

وديها لسمير علي في الحرفيين هيقوم باللازم و هيرجعها احسن من الاول انا مجربه مرتين ايده تتلف في حرير
هو حراق بس ابقى فاصله

[honda forever]

حمد الله على سلامتك
والحمد لله إنها جت على كده
وأنا رأيي زى رأى أستاذ هانى وديها الحرفيين عند سمير على-واحد صاحبى مجربه فى عربيه تويوتا كورولا ورجعت زى الفابريكه تماااااام
قدر الله وما شاء فعل وإن شاء الله هترجع أحسن من الأول

[كيوبيد]

اولا حمدالله على سلامتك

اما بالنسبة للعربية فاانا متهيالى ان انشاء الله حاجه خفيفه ومش هتتكلف اكتر من 3000 جنية
لان الرفارف فدام ووراء سمكرى كويس يعدلهم صح والاكصدام مش هيعمل اكتر من 500 جنية
يبا نافقصك المرايا وعلى فكره سهل اوى تصلح الاكصدام وتركبه تانى ناس كتير بتعمل ده واكيد هتتحتاج شوية بوهيه

طبعا انت لو كنت شفت حادثة عربيتىة كنتت هتتخض لانها كانت من قدام بس ودخلت على الماكنه وصرفت عليه يجى 10000 جنية لحد دلوفتى ولسه محتاجه بتاع 3000 كمان عشان الماكينه فيها صوت زى الزفت
فانت احمد ربنا انها جت فى الصاج وبس
واحمد ربنا انك طلعت سليم برضه
سلامتك بالدنيا