Tweet
شوية أسفسرات من أخوكوا المازداوي
أنا كنت راكب عربية مازدا 3 base line و بعتها وقلت أجيب وحدة تكون high line بس بيني و بينكوا كدة دماغي ابتدت تروح للهوندا خصوصاً لأني كنت متضايق من المازدا في شوية حاجات كدة منها أن العفشة كانت ناشفة أوي وده بيخليها رغم أنها ثابتة جداً بس كانت بتتنطتت على فواصل الكباري (لو مكسرة جامد ) وبرضو عفشتها مكنتش durable أوي يعني مثلاً احتجت على ال-100 ألف أغير مساعدين وأعتقد البطاحات و الكبالن كانوا بيشاوروا عقلهم بس هي في المجمل عربية كويسة، بس أنا عايز أخد رايكو تفتكروا لو جبت هوندا سيفيك هنبسط أكتر، و عايز أعرف السيفيك من العربيات اللي الاعتمادية بتاعتها عالية (زي الكورلا بتاعت 2005 كدة الصراحة العربية دي مع صاحبي من الزيرو يا دوب بيغير زيت بس ) ولا زي المازدا و الانسر واه هي عيوب العربية ومعلش سؤال تاني أنا شايف فرق جامد في السعر بين موديل 2008 و-2009 هو في فرق جامد مابينهم يستاهل فرق الفلوس ده !؟ و لو جبت 2008 وحبيت أعدل فراملها زي 2009 ده صعب ولا عادي ؟
أسف أني طولت عليكما بس كل دي اسئلة بتدور في مخي و مشتتاني أوي خصوصاً أني من الناس اللي بتمشي كتير بالعربية و معنديش وقت كل شوية أروح أعمل صيانة للعربية (شغال مهندس مدني وطول النهار و الليل مفحوت في مواقع
) يعني يا دوب الصيانات الدورية بتاعت كل 10000
و شكراً ليكو مقدماً يا وحوش الهوندا و عايز فعلاً من الحاجات اللي خلتني اميل للسيفك هو القسم بتاعكو ده بجد أكتر ناس بتساعد بعضها و بحسكوا كلكوا أصحاب انتوا شباب عشرة على عشرة
أسف أني طولت عليكما بس كل دي اسئلة بتدور في مخي و مشتتاني أوي خصوصاً أني من الناس اللي بتمشي كتير بالعربية و معنديش وقت كل شوية أروح أعمل صيانة للعربية (شغال مهندس مدني وطول النهار و الليل مفحوت في مواقع
) يعني يا دوب الصيانات الدورية بتاعت كل 10000 و شكراً ليكو مقدماً يا وحوش الهوندا و عايز فعلاً من الحاجات اللي خلتني اميل للسيفك هو القسم بتاعكو ده بجد أكتر ناس بتساعد بعضها و بحسكوا كلكوا أصحاب انتوا شباب عشرة على عشرة
Comment