فلتر هوا ولا ديفل

[Ahmed Nasr]

السلام عليكم ورحمةالله وبركاته
دلوقتى لو فرضنا انى عايز ما اسمعش صوت الموتور "تاكيهات" خاصة فى اول الدوارة قبل العربية ما تسخن وعلى فكرة انا ظبط التاكيهات
ومش عايز استهلاك زيادة فى البنزين وموضوع السحب مش مشكلة
اظبط فلتر هواء ولا ديفل
ويا ريت عند الاختيار المواصفات مثلا الفلتر ماركة ويعمل كام واجيب الماسورة ستانلس ولا
الديفل هل 2.5 كفاية ولا كام..اختيارها ازاى"الحالة"..صوت معقول
وعلى فكرة انا قريت فى منتدى التعديل بس عايز معلومات من الهونداوية
طبعا الميزانية المعقولة ......شكرا............

[Ahmed Nasr]

حاجة صغيرة ومهمة لو الديفل دلوقتى هل ممكن اختار علبه وقبل ما اركبها اعرف مدى علو الصوت بمعنى تانى مش عايز اركب علبه تعملى صداع لما اسافر لانى بحس ان اللى عايز يعرف بيستنى لما يركب ويحكم بعد كده

[haitham2011]

و عليكم السلام و رحمه الله و بركاته

رايي تخليك في الفلتر لان مش هتسمع صوته غير لما تعوز تسمعه في القرص بعكس الديفيل

[Ahmod]

انت عشان ماتسمعش صوت الماتور يبقى فلتر هواء !! لان الديفل مهما كان صوته خفيف بيبقى ليه صوت برضوا

بس فلتر الهواء مع القرص ماتسالش على استهلاك البنزين ومشكلته التنضيف !!! هيبقى محتاج منك انك تنضفه مرة كل شهر بالمنظف بتاعه

[ahmedeihab]

يعنى ايه مش عايز اسمع صوت تاكيهات

مش كل الناس بتعرف تظبط التاكيهات

و انت فاكر ان لما الكلام ده هيركب هيمنع صوت التاكيهات تبقى غلطان

شوف انت عايز تركبهم علشان ايه و انا هجاوبك على كل اللى انت عايزه

^_^

[Ahmed Nasr]

هو صوت التاكيهات فى الاول يعنى لغاية ما مؤشر الحرارة يوصل النصف تقريبا بعد كده اعتقد عادى
وانا كنت ظبط التاكيهات بعد ما كلمت سامح
وكنت عايز صوت يعطيك احساس بالنعومة والقوة
ايه رأيكم

[ahmedeihab]

هو صوت التاكيهات فى الاول يعنى لغاية ما مؤشر الحرارة يوصل النصف تقريبا بعد كده اعتقد عادى
وانا كنت ظبط التاكيهات بعد ما كلمت سامح
وكنت عايز صوت يعطيك احساس بالنعومة والقوة
ايه رأيكم

فلتر سبور مع ديفيل سايلنت

الفلتر الاصلى بيعمل من 175 و انت طالع

و الديفل السايلنت من 450 و انت طالع و ده استيراد

^_^

[SAMEH_FOUAD]

اولا ياباشا والراجل بيظبطلك التاكيهات . هل قالك فية عندك كامة متاكلة شوية , او بوش فى التاكيهات نفسها ؟؟

لو دة عندك يبقى كان لازم يقلل شوية عن النسبة اللى انا اديتهالك , بس هية فترة وهترجع تانى لطبيعتها لوجود خلل فى الكامة عندك

- هو المفروض زى ماقولتلك فى التليفون ( يظبط التاكيهات والعربية باردة تماما )

- نوع الزيت اللى بتحطة اية ؟؟؟؟؟

دة بالنسبة للتاكيهات

بالنسبة للفلتر

- لو انت مش بتجرى يبقى انصحك تركب الفلتر بتاعك ولو عايز حاجة ادائها يحسن شوية من غير ماتدخل فى مصاريف اضافية هتجيب فقط الفلتر المخروطى ودة زى بتاعك بالظبط بس اسبور , يعنى كل اللى هتعملة هتشيل الفلتر بتاعك من علبة الهواء وتحط دة مكانة وهيحسن عندك دخول الهواء بشكل افضل من الاول وسعرة 150 جنية simota لو عايز k&n لو الميزانية تسمح لانة طبعا اغلى الضعف هيعمل من 300-350 جنية

واللى انت عايزة دة هيديك احساس النعومة والقوة فى نفس الوقت وكمان التوفير لانة بيتغير عند كل 100 الف كيلو بعكس الاصلى كل 30 الف كيلو

[Ahmed Nasr]

الزيت شل اصفر *التظبيط زى ما اتفقنا وهى باردة وفعلا الصوت قل كتير بس ممكن زى ما بتقول عمود كامة هو الصوت المعقول بحس بيه بعد مؤشر الحرارة النص
وهسأل عن موضوع الفلتر المخروطى

[Ahmed Nasr]

هل هيبقى قريب من الشكل ده مثلا

[Ahmed Nasr]

اعتقد ده فلتر رياضى مسطح كده مظبوط

[SAMEH_FOUAD]

بالظبط كدة بس هيكون بنفس شكل الفلتر بتاعك