مشكلة فى الفتيس

[mishosss]

السلام عليكم
انا معايا هوندا سيفيك 93 اوتوex
وكانت عندى مشكلة انى لما كنت بطلع بالعربية عال D4 والعربية بتكون وقفة كنت بحس بكركبة كدة فى الاول لمدة كام ثانية وبعدين عادى وبعد كدة الكركبة دية راحت وبقت كل حاجة طبيعية لوحدها مع العلم انى لما كنت بطلع عال2 مكنتش بسمع حاجة وبعدين بغير عادى ,
وبعد فترة حصلتلى مشكلة انى لما باجى اطلع عال D4 او D3 مبتتحركش اكنى واقف عال N فبطلع عال 2 وبعدين بغير عادى وبتسحب وبتغير طبيعى عالطريق كنت عاوز اعرف اية المشكلة ممكن تكون ف اية؟

[M_Nabil]

غير زيت الفتيس وجرب مكنش يبقى مشكلة فتيس

[M_Nabil]

بس قبل ما انسى اكشف على زيت الفتيس الأول لو لقيت فيه رايش معدنى من الفتيس متغيرش الزيت

[honda forever]

فتيس بيودع

[SAMEH_FOUAD]

اول حاجة بعد مشوار , بطل المحرك , وافتح مقاس الزيت بتاع الفتيس , وشوف لون الزيت هل هو
( احمر - بنى )

- هل فى الزيت رأئحة شياط ؟؟؟؟ هل فية رغاوى فى الزيت ؟؟؟؟

لو كل دة تمام ومافيش اى حاجة من الاعراض دية

يبقى شيك على الاتى :

1- لو عدى على الزيت اكتر من 15000 الف كيلو او اقل شوية , يبقى يتغير مع مراعاة ( كلام محمد نبيل فى المشاركة السابقة عن وجود اى رايش معدنى )

2- ظبط سلك الكيك داون والتأكد انة مشدود كويس

3- شوف اخبار المياة الواصلة من الريدياتير الى الفتيس ومنسوب المياة داخل الريدياتير

لو كل دة تمام , يبقى كدة الكلتشات بتاعة الفتيس فوتت ولازم تغير الفتيس

[mishosss]

السلام عليكم
بجد شكرا جدا لردودكو واسف عالتاخير فى الرد لانى لسا شايف ردودكو حالا انا عملت كل القولتوه واتاكدت ان الفتيس فية حاجة ومحتاج يتغير بس انا كنت عاوز اعرف حاجة هو الفتيس لو باظ خالص اية اعراضة هل العربية مش هتتحرك خالص يعنى ولا اية عشان انا هسيبة لحد ميجيب اخرة يعنى؟؟