العربية بتبطل ع السريع سيفيك 92 كاربيراتير اوتوماتيك

[engmesk2]

السلام عليكم:

من غير ما اطول عليكم ... العربية كانت بتبطل ونا ماشي ع السريع يعني ممكن اكون ماشي 60 كم ولاقيها بطلت ... امور وازق واحاول ادور فين لما تدور ... عملتها 3 مرات في 3 ايام .. وانهاردة بطلت خالص وحلفت ماهي دايرة .. مع اني كنت لسه مسخنها ومبطلها عادي ..

انا قلت كهربا وبصيت ع الاسبراتير ولاقيت انه للاسف داخله زيت مترشح من غطا التاكيهات .. وده لان جوان الاسبراتير موجود نصه بس فدخل الزيت من المكان اللي مش فيه جوان .. :(

انا يادوب شلت غطا الاسبراتير وحتة الجوان اللي فاضله لاقيت الزيت مغرق الاسبراتير كله من جوه مش عارف اعمل ايه ..

وهل الجوان ده ممكن الاقيه عشان يعزل الاسبراتير كويس ... يارب يكون الاجابة ايوة...

ومش عارف هاعمل ايه في الاسبراتير المتزيت ده :(

[exact]

اغسل وش الاسبيراتير والشاكوش ببنزين وبخصوص الجوان ده ممكن تجيب شنبر داخلي بتاع كاوتش ملاكي وتفك الوش وتعمله انت بس هتعوز مقص حامي وكاتر

[SAMEH_FOUAD]

شوف ياباشا انت عربيتك كربراتير , فاميش مشكلة خالص ,كل اللى هتعملة هتروح تجيب اولسية خارجى وادخلى للاسبراتير بتاعك , وتقوم بتنظيف الاسبراتير كويس جدااا وخصوصا من عند الموبينة و البكرة

وان شاء تبقى كل حاجة تمام

[engmesk2]

شكرا يا باشا ع الافادة .. بس انا مش عارف هي الموبينة عندي جوة الاسبراتير ؟ ... ولا بره ؟ ..

يعني ممكن تكوت ورا ال Rotor ولا فين وفيه حاجة اسمها ignition coil ده كمان لازم افكه ونضفه؟؟

يا ريت يا سمسم لو عندك صور .. تلحقني بيها اصلي انا اخري وش الاسبيراتير .. ومحتاج مساعدة ف الباقي...

[engmesk2]

السلام عليكم:

الحمد لله فكيت الاسبراتير ونضفته بالبنزين وغيرت ال oil seal كان ناشف وبيجيب زيت من الموتور .. وجربت العربية يومين ... وشغالة كويس الحمد لله