مشكلة نتشة اثناء النقل وخنقة اثناء الشد لسيفيك 2008

[محمد الشناوى]

سلام عليكم

أولا أنا أول مره أركب هوندا بعد تجارب كتيره مع الألمانى و الهونداويه اللى شجعونى على التغيير ده بس المشكله بقى إنى لسه مش آخد عالهوندا ولا اعرف تفاصيلها الصغيره

جبت سيفيك 2008 حالتها حلوه بس فيها عيب إن مع كل نقله بحس بنتشه كده مش عارف دى قاعدة مكنه ولا فتيس ولا حاجه تانيه أنا مش عارفها لسه

و أحيانا الاقيها بتجرى و تسحب و تشد مع التخين و ساعات أحس إنها مخنوقه لما أكون ماشى من 40 ل 60 كده و آجى أشد مش بتستجيب معايا لازم أعمل كيك داون و فى الحاله دى بيكون صوته عالى أوى

اللى عنده خبره فى الكلام ده يفيدنى بقى






برجاء إختيار عناويين تعبر عن المحتوى
تم تعديل العنوان
م ب 8

[AHMED_HAMDY]

مبروك على العربيه وربنا يكفيك شرها يا رب وتحافظ عليها


نفسي افيدك بجد :] :] :] بس اللي هيفيدوك هنا اكثر مني بكثير استنى رودود الاعضاء وان شاء الله هيفيدوك

[محمد الشناوى]

الله يبارك فيك يا باشا
و شكرا على ردك :)

[ahmedshetewy]

Xالسلام عليكم
xاولا الف مبروك على العربية وربنا يباركلك فيها
xموضوع نتشة الفتيس دة ممكن يكون
x قاعدة الففتيس او الماتور لو كويسين يبقى غير زيت الفتيس او راحع على واير الكيك داون
xثانيا موضوع السحب دة ممكن تغير فلتر البنزين والهواء مع طقم بوجيهات هتلاقى الدنيا ارتاحت معاك
x او تريح دماغك من دة كلو وتتطلع على التوكيل
xتحياتى

[koshary]

اخر مره غيرت زيت الفتيس امتى ياباشا ؟؟؟

[CosmicOne]

النتشه معرفش

الكتمه ساعات و طياره ساعات انا كده من يوم ما جبت العربيه زيرو و كل صياناتي توكيل

[hany63]

اكشف على قاعدة و زيت الفتيس بالنسبه للنتشه و يستحسن في التوكيل
بالنسبه للكتمه ممكن عشان حضرتك العربيه جديده و رجلك لسه مش واخده عليها و خصوصا انها 5 نقلات
لما تكتم معاك حطها على d3 و شوف الموضوع هيعمل ايه لو استمر هتفول تفوليتين ٩٥ و تحط منظف انجكشن هتبقى تمام
و اي عربيه على فكره ادائها متغير لتغير كثافة الاكسجين الداخله للموتور اللي بتتاثر كثافته بالعوامل الجويه من حراره و رطوبه الى اخره