جهاز ضد السرقه

[عمرو محمد جمال]

يا جماعه انا معايا هوندا سيفيك ٢٠١٢ وعايز اركب الجهاز اللي ضد السرقه اللي بخليني ابطل العربيه من خلال الموبايل وهل منه انواع
انا كلمت شركه وقالولي هنعملهولك والتوكيل مش هيغرف
ايه رايكوا

[aymanshebl]

فيه منه انواع كتير و اسعار مختلفة فيه شركات بتعمل سيرفر مجانى لمتابعة العربية عن طريق الانترنت و البعض الاخر بفلوس ممكن توصل الى 240 جنيه فى السنة بس طبعا انت ممكن تتعامل مع العربية و معرفة مكانها و توقيفها عن طريق الموبيل فى انواع بها ريموت زى الانذار بالظبط بتبعت رسايل فى حالة فتح الباب او تدوير العربية من غير ما صاحبها يعرف و الخبط على العربية ايضا و توفيرا للتكلفة ممكن تشترك فى عرض الرسائل اللى ب 3 جنيه فى الشهر و فى انواع تانية بتبقى فيها ميكروفون و ميك لسماع و التحدث الى من بداخل العرببية و قياس مستوى البنزين و درجة حرارة المحرك و طبعا كل الانواع بها خاصية التتبع و التحذير من الخروج من منطقة معينة انت بتحددها او التحرك بها او قطر العربية و فى جميع الاحوال يمكنك ايقاف السيارة عن بعد و الاسعار بتتفاوت من 1100 الى ممكن 3400 على حسب هوا كل شركة و كل الاجهزة غالبيتها صينى مافيش حاجة اسمها مكونات امريكى و مصنعة فى الصين او كندى او هندى و اما بالنسبة لاماكن البيع بتبقى عن طريق شركات ممكن تعمل سيرش على النت او شارع دمشق او التوفيقية و اخيرا بالنسبة للضمان لو تركيب الجهاز متركب بشكل احترافى و مظبوط ما فيش مشكلة اما لو حصل حاجة فى العربية لا قدر الله التوكيل هيتلكك و يقولك كهربا العربية برة الضمان حتى لو مركب لمبة صغيرة و طبعا الضمان هينفع بايه لو العربية لا قدر الله اتسرقت شوف الاول الشركة و طريقة تركيبهم و لو مظبوط يبقى تمام و سيبك من الرغى و المحاولات المستمية للاقناع الهمم انك انت اللى تكون مقتنع و بالتوفيق

[ahmedwagdy03]

يا جماعه انا معايا هوندا سيفيك ٢٠١٢ وعايز اركب الجهاز اللي ضد السرقه اللي بخليني ابطل العربيه من خلال الموبايل وهل منه انواع
انا كلمت شركه وقالولي هنعملهولك والتوكيل مش هيغرف
ايه رايكوا

يوجد أجهزة كثيرة للغرض اللى إنت عايزه منها
GPS traker tk103 , tk103a
ودى فيها دائرة إغلاق طلمبة الوقود عن طريق إرسال رسالة من موبايلك للجهاز .
مقولة إن التوكيل ميعرفش يركبه غلط بالمرة .بالعكس التوكيل أفضل مكان للتركيب لإن الفنيين على دراية بدوائر الكهرباء فى السيارة .
الفكرة إن الجهاز يتم توصيله بمصدر كهرباء السيارة (غالبا الولاعة) و توصيل الجهاز على دايرة الطلمبة .كمان الجهاز معاه شرح للتوصيل أى فنى يعرف يعمله فما بالك بواحد فاهم دواير السيارة.كمان التوكيل أفضل لتثبيت الجهاز و إخفاؤه خلف الكونسول بطريقة لا تؤثر عليه.

نصيحتى ليك بلاش تفكر فى النوع ده طالما عربيتك فيها إيموبيليزر لإنه بيقوم بنفس دور منع تشغيل دائرة الوقود .يعنى السيارة لن تدور لكن المشكلة فى حالة نقلها على كساحة .يبقى إنت عايز حاجة تنبهك لو المكان إتغير .
فى الحالة دى ممكن تستعمل جهاز تتبع أرخص مثل GPS traker tk102
و ربنا يحفظهالك

[aymanshebl]

يوجد أجهزة كثيرة للغرض اللى إنت عايزه منها
gps traker tk103 , tk103a
ودى فيها دائرة إغلاق طلمبة الوقود عن طريق إرسال رسالة من موبايلك للجهاز .
مقولة إن التوكيل ميعرفش يركبه غلط بالمرة .بالعكس التوكيل أفضل مكان للتركيب لإن الفنيين على دراية بدوائر الكهرباء فى السيارة .
الفكرة إن الجهاز يتم توصيله بمصدر كهرباء السيارة (غالبا الولاعة) و توصيل الجهاز على دايرة الطلمبة .كمان الجهاز معاه شرح للتوصيل أى فنى يعرف يعمله فما بالك بواحد فاهم دواير السيارة.كمان التوكيل أفضل لتثبيت الجهاز و إخفاؤه خلف الكونسول بطريقة لا تؤثر عليه.

نصيحتى ليك بلاش تفكر فى النوع ده طالما عربيتك فيها إيموبيليزر لإنه بيقوم بنفس دور منع تشغيل دائرة الوقود .يعنى السيارة لن تدور لكن المشكلة فى حالة نقلها على كساحة .يبقى إنت عايز حاجة تنبهك لو المكان إتغير .
فى الحالة دى ممكن تستعمل جهاز تتبع أرخص مثل gps traker tk102
و ربنا يحفظهالك

هو و الله اعلم يقصد ان الراجل هيركبوه و التوكيل مش هيعرف انه راكب و طبعا الايمويلازر ده هام بس زى ما حضرتك قولت ان ممكن العربية تتشال او يتثبت و ساعتها مش هييبقى ليه لازمة