السيفيك الاوتومتك 92

[Ahmedn76]

ازيكو يا جماعة
معلش فى استفسار بسيط
بالنسبة للسيفيك مودي 92 1500 كاربرتير
هل العربية دى مع الفتيس الاوتوماتيك كويسة وسحبها كويس لانى كان معايا نوبيرا اتوماتيك موديل 2000 ومن اول ما جبتها وسحبها مش قد كدة ودة مع ال 1600 فكنت عايز اعرف بقا السيفيك نظامها اية وبتجرى ولا مش قد كدة برضو لانى ناوى اخلص فى واحدة ان شاء اللة واسف على الاطالة

[ahmad--ezzat]

يعنى حضرتك معاك نوبيرا 2000 وعايز تجيب سيفيك 92
على العموم انا اسمع ان سحب السيفيك كلو كويس سواء مانيول او اتوتومتيك
وربنا يوفئك

[Khalid Shalabi]

agree مع الاستاذ احمد , انا معايا 1600 اوتوماتيك و سحبها جميل جدا ماشاء الله و بطلع بيها من عربيات مانوال و اكيد برضة المانوال سحبه جامد بس طبعا دا بافتراض ان حالة الديسك و الاسطوانة و البوجيهات و خلافة كويسة

و بالتوفيق ان شاء الله

[ahmedcivic]

انا معايا سيفيك 1992 اوتوماتيك 1500 كربراتير رائعة واكثر من رائعة
فعلا لا تتردد فيها
توكل علي الله ولكن اختار الحالة الجيدة

[ahmad--ezzat]

ال 1500 ممتازة جدا جدا واعتقد مفيش فرق رهيب بينها وبين ال 1600 يعنى
بس عموما السيفيك موديل 92 و93 سواء ال ex او si عربيات اكثر من ممتازة

[ahmedcivic]

بي علي فكرة الـ 1600 موتور 2 كامة اما الـ1500 كامة واحدة
الـ 1600 بفتحة سقف اما الـ 1500 بدون
الـ 1600 = 112 حصان
الـ 1500 = 105 حصان

الـ 1600 si
ال1500 ex
وطبعا الـ1600 انجكشن
وال1500 كربراتير
اما الباقي واحد هذة هي الاختلافات الوحيدة بينهم انا معي ال 1500 _1993 اوتوماتيك ممتازة وان اغيرها ابدا ان شاء الله

[kesha]

انا معايا 1500 انجكشن وكمان اوتوماتيك وعلى فكرة سحبها جامد جدا هتها ومش هتندم